miklcct 發表於 2020-9-9 18:33
唔得，西貢有自己獨特嘅傳統，同馬鞍山無大關係。
西貢區嘅傳統係指邊樣？願聞其詳
利申：唔支持西貢併入馬鞍山區
miklcct 發表於 2020-9-9 18:33
唔得，西貢有自己獨特嘅傳統，同馬鞍山無大關係。
同將軍澳都唔見得有大關系
ViviTse 發表於 2020-9-9 19:58
如果18區想拆19區，觀塘區需唔需要拆區呢？
觀塘人口亦不少
但居民會遷移,要唔要訂立埋
上限下限嚟決定下一次修改?
kmb_680 發表於 2020-9-9 21:38
同將軍澳都唔見得有大關系
將軍澳同西貢嘅關係勉強可以話因為坑口嘅，坑口傳統聯繫的確係西貢市，但係調景嶺嗰邊就明顯係鯉魚門。但係如果西貢區無咗將軍澳嘅話，剩餘人口根本唔足以自成一區。
miklcct 發表於 2020-9-9 22:59
將軍澳同西貢嘅關係勉強可以話因為坑口嘅，坑口傳統聯繫的確係西貢市，但係調景嶺嗰邊就明顯係鯉魚門。但 ...
講起調景嶺係鯉魚門，又真係有兩樣嘢幾可惜：
- 明明油塘喺正隔離，但一山之隔，無車路又無行人路，如果對出海濱可以連接就好啦
- 明明寶琳南路喺正頭殼頂，但始終無車路上到去（靈實唔入得，要兜到寶林先上到去）
kitarolo 發表於 2020-9-9 22:15
觀塘人口亦不少
但居民會遷移,要唔要訂立埋
上限下限嚟決定下一次修改? ...
其實有啲區就好難強行用人口來劃分嘅，好似離島嗰啲咁。
我認為中西區同灣仔區已經有條件二合一，維園以東重新撥歸東區。
南區環境同港島其餘幾區有明顯分別，唔能夠重新劃界。
至於九龍嘅話，觀塘人口比較多，可以考慮將啟業同麗晶撥去九龍城區（因為近啟德）、坪石撥去黃大仙區（近彩虹、彩雲）。
新界嘅話元朗同沙田人口上已經有條件一開二，而市中心都有兩個，不過其中一個係新市鎮嘅市中心（天水圍、馬鞍山）。論地區分嘅話，元朗一開二嘅界線我建議喺朗天路以西拆出一區，沙田就大水坑條河以北拆出一區。但係命名上可能比較難搞，如果叫「屏山區」可能會得罪廈村，可能要各取一個字叫「屏廈區」。沙田嗰邊如果嗰區唔包馬料水就當然直接叫馬鞍山區，包埋嘅話就要諗諗，因為傳統上馬料水先係中心，馬鞍山以往要搭街渡過馬料水，而家都係要搭巴士，反而比較少聽馬料水白石角嗰邊居民過馬鞍山買餸。
至於葵青區我就覺得當時劃錯界，當時應該淨係拆葵涌出去，青衣保留荃灣區，咁樣馬灣同陰澳同荃灣區嘅傳統聯繫唔會無咗。離島區人口需少，但環境獨特（要喺中環搭船），除咗略略修正同荃灣區、屯門區界線之外都無得執。至於馬灣同陰澳，因為以往條船係去青龍頭同深井所以屬荃灣區，但係而家馬灣要搭船出中環，所以已經有理據將佢連同陰澳竹篙灣一齊撥入離島區增加人口。
ViviTse 發表於 2020-9-9 23:08
講起調景嶺係鯉魚門，又真係有兩樣嘢幾可惜：
- 明明油塘喺正隔離，但一山之隔，無車路又無行人路，如果 ...
以往將軍澳、油塘未開發之前，鯉魚門唯一道路係安達臣道，盡頭喺而家嘅三家村附近，而寶琳路係安達臣道嘅分支，所以當年係可以由調景嶺經安達臣道落三家村。
至於而家嘅調景嶺係填返來嘅，同當年嘅調景嶺社區上已經無關連，同油塘嘅聯繫規劃嗰陣已經係打算靠兩條地鐵達成。
馬鞍山單獨成區無必要食左馬料水。中大、九肚山、麗坪路社區聯繫上都係偏向沙田而非馬鞍山，最多係調整一下科學園同中大39區條分界，將整個科學園同中大劃歸沙田區就得。馬鞍山區就食埋西貢北成個選區就已足夠
kitarolo 發表於 2020-9-9 22:15
觀塘人口亦不少
但居民會遷移,要唔要訂立埋
上限下限嚟決定下一次修改? ...
黎緊安達臣發展應該要處理觀塘區同西貢區分界線，皆因兩區以前以舊安達臣道為界，所以安達臣發展區係屬西貢區，而對落安達安泰係屬觀塘區。安達臣發展社區聯繫都係落返安達安泰甚至係秀茂坪，條分界線應該向北拉去大上托
其實白石角應該當大埔
科學園當沙田
白石十四鄉泥涌去到麥邊，同麥邊到黃石塔門海下都應該係馬鞍山
其實西貢區都大得很
遲早應該改做將軍澳區