本帖最後由 tonychow 於 2020-11-6 14:39 編輯
Google Maps show 唔到入巴總所需嘅時間，巴士正路行唔到永德街嘅
咁睇落，可能真係打和甚至經海濱耐少少，不過呢點同樣假設咗梨木樹唔會要求條線拉入巴總，同埋觀感問題
加幾多架車其實我覺得可以之後再決定，如果加 3 架嘅話班次上其實大家都開心，加 1 架應該未必夠跑，睇過 Google Maps 預計荃威總站去石圍角大約要 13 分鐘，即係要加 2 架車先夠
其實距離上經石圍角遠好多，即係巴士要長時間高速行駛
tonychow 發表於 2020-11-6 14:35
Google Maps show 唔到入巴總所需嘅時間，巴士正路行唔到永德街嘅
咁睇落，可能真係打和甚至經海濱耐少少， ...
232X由32改線，當然唔會比梨木樹拉到入巴總
同埋32開25分鐘一班，相對上對加車負擔較細，所以先至諗佢，而且愉景新城後唔駛入西樓角路，好過拉長238X，要入西樓角路，食晒成條大河道的燈位，至少青山公路直去的燈其實時間係長過大河道同楊屋道堆燈，尤其係楊屋道右轉入海濱花園果支燈
43X由荃灣西站開到眾安街，在早上車流少的時候都要成8-10分鐘，同樣8-10分鐘，已經夠232X由石圍角開到去美環街
延長段13分鐘單程，來回26分鐘，加上232X和宜合道運動場後飛橋，慳到5-10分鐘，肯定加1車就足夠拉去荃威花園
232X返荃灣有收費問題：收$8.9，石圍角大幅加價；收$6.8，荃威同荃灣市中心大幅減價，仲可能導致地區以後日日嘈234X/238X返荃灣加弼街分段
32同荃灣X線幾乎大纜扯唔埋，兩種收費，兩種客路，夾埋做始終好易水土不服
60M、238X雙向拉長取代238M個構思幾好，但兩條線都係靠後半分段去做班客，地區會唔會質疑班次穩定度？
同時，其實變相原238M路段會放多一倍車去行，又係咪真係值得為咗嗰5、6部咁改？
P.S.: 前言有提234X同紅小對打&238X食荃青塞車，但建議入面似乎冇address過
Ricky403 發表於 2020-11-6 22:24
232X返荃灣有收費問題：收$8.9，石圍角大幅加價；收$6.8，荃威同荃灣市中心大幅減價，仲可能導致地區以後日 ...
232X提速飛橋加價都正常，我出市區方向已經特意在石圍角整$7.8分段。另外亦都設有和宜道合運動場轉乘優惠，$6.8依然出到市區。
當然，如果區議員有意見，232X往市區方向可以再減到$6.8，來回平均$7.8。
232X的概念都係果句，只需1部車即可比到荃景圍直車出深長荔，基本上冇其他方法係可以更加有效率地填呢一個空缺，而行車時間，相比234X荃景圍經麗城出、238X荃景灣經海濱出，232X經石圍角出係三者中最快，亦都係冇回頭路。之前提過238X拉上荃景圍，如果荃景圍唔介意慢，加上重組後230X會疏左，其實亦都可以。
至於60M、238X拉長的構思，係來自一來屯門一直想要其中一條M線去荃灣西一帶，二來海濱出過聲想直達愉景新城，三來232X做唔到大河道要補位，四來238M有6部車，就算雙向拉長都好，其實4-5部車已經足夠，一定慳到車，慳到車就值得，仲未計覆蓋係高左，班次亦都多左，尤其係去荃灣站方向，60M同238X都有轉乘優惠轉城隧/九龍東/大西北車，轉乘客的班次係密左好多。後半分段的問題都明顯，必要時海濱站長都可以拉車做短棍，但因為整體班次都係多左，海濱一程車去到的地方都多左，就睇下居民點睇。
234X同紅小對打的問題，唔係用來解決，而係大涌道唔駛再擺30X落去的理由;P，反正大部分乘客冇左30X，都係叫緊234X/紅VAN(AN1/AN2)兩飛，而234X同紅小的聯合班次亦都非常有效;P 紅小係指定在234X開車前5分鐘開車，30X就係完全無夾過。所以抽走30X，等234X同紅小做聯合班次，可以令234X的客量更為平均，保住15分鐘一班。
至於荃青交匯處塞車問題，主要係入荃灣方向，出市區方向情況冇咁差，所以我係建議238X往荃灣站全日改經永順街，荃灣區首站海濱花園總站，車程更加穩定。
2076 發表於 2020-11-6 23:58
232X提速飛橋加價都正常，我出市區方向已經特意在石圍角整$7.8分段。另外亦都設有和宜道合運動場轉乘優惠 ...
出九龍可以用分段解決，問題始終係返石圍角同返眾安街、荃景圍，係兩種收費
而家32旺角開，收$6.8；荃灣X線無論邊度開至少都$8.1
除非夾石圍角平價客用轉乘，但過山線選擇太少，地區未必同意
234X同元佐/AN紅小個關係好微妙
元佐出九龍除咗下繁固定喺有線/祈德尊會有車外，其餘時間都係無定向班次，冇乜人專登等
AN紅小時間表寫早234X部分班次5分鐘開，實際班司機依然覺得行先就搶到客，經常拖到早2-3分鐘先開，但係只到深水埗站
結果站上面唔少人情願繼續等234X，AN紅小又冇得取代234X深長荔服務，搞到大家都麻麻
238X要避迴旋處塞車，其實回程改行楊屋道就得，唔駛兜入工廠區/墳場
至於葵芳段荃灣路，算係死症，段路相比替代路線太短，特登去避其實有機會得不償失
Ricky403 發表於 2020-11-7 12:29
出九龍可以用分段解決，問題始終係返石圍角同返眾安街、荃景圍，係兩種收費
而家32旺角開，收$6.8；荃灣X ...
我建議232X的大前提係40P全日化，到時就多一條線做轉乘。
232X/40P/36(單向)過山，轉乘收返$6.8。
而我的論點一直都係石圍角象山提速飛橋為借口加價，拉近兩區收費距離。
至於海濱花園，出市區方向要原路出入的主因係海濱花園要先過橫龍街上車。
入海濱花園改行楊屋道其實都可行，因為唔駛轉入迴旋處，而且燈位數量都一樣，其實要盡快改。
當然永順街好處係全天候暢通，沿途3支燈，3支都係行人過路燈，行車時間十分穩定，計落一定有著數。