三卡輕鐵回廠有乜限制?
前晚河田站有拖卡輕鐵壞車,需要由另一部輕鐵併結3卡回廠,問題有網友3卡輕鐵唔能經大興,而是經洪天路緊急月台掉頭,經良景(未確定)/鳴琴回廠,係咪因急彎問題?同埋邊路段唔俾3卡行 本帖最後由 itkenchau 於 2020-11-7 00:48 編輯唔經大興會唔會係大興有路段不足以容納三卡列車停車?
例如在大興南站停燈第三卡會踩住巴士總站入口的黃格
想問一問﹐當時係正常的一部車在後面推壞車﹐定係正常一部車用其他方法在壞車前面接上﹐拉走壞車?
如果係後面推車﹐推去洪天路﹐可以在洪天路處理番 推車/拉車問題﹐利用洪天路的2條軌將後面的正常運作列車﹐調番去前面再接上﹐再拉回車廠。
拉車 比 推車會安全一點﹐唔需要靠對講機通知後車加/減速及停車。
就算唔係調位置﹐在洪天路亦可以做初步檢查固障列車。
話唔定有野reset 就可以自己行反車廠。 itkenchau 發表於 2020-11-7 00:46
唔經大興會唔會係大興有路段不足以容納三卡列車停車?
例如在大興南站停燈第三卡會踩住巴士總站入口的黃格
你講這個位置 ?link
問題不大﹐因為列車唔會停站﹐好快就會開車走。
反面﹐這一段路係汽車共用﹐而且有番一定長度。
如果係後(好)車推前(壞)車﹐後車司機要靠前車通知指示操作停車/加速/減速﹐危險性較高。
有選擇的情況下﹐這段路唔會係推壞車的優先選擇。
kei_hk 發表於 2020-11-7 10:02
你講這個位置 ?link
問題不大﹐因為列車唔會停站﹐好快就會開車走。
如果係因為依個原因..咁推去洪天路唔係更加危險同多燈位嗎？
單程青公啲燈位加埋應該多過經大興山景去車廠嘅燈位總數啵...
GD1570 發表於 2020-11-7 10:26
如果係因為依個原因..咁推去洪天路唔係更加危險同多燈位嗎？
單程青公啲燈位加埋應該多過經大興山景去車 ...
燈位﹐後車司機係知道在那處。(日日都行﹐點都會記得周圍環境位置)
前車司機通知/提供提示給後車﹐有燈位需要停車。
後車司機就會在適當位置減速及停車﹐等綠燈+前車指示才再開車。
在鐵路專用的路軌﹐受外來干擾較少﹐會比較安全。
過路口又有交通燈﹐跟番交通燈指示過路口﹐亦係安全的。
但共用路面﹐變化會較多﹐包括突然有車轉線/行人衝出來。
如果係大興問題
就算唔行大興 都可以屯門醫院直接轉去青松？ kei_hk 發表於 2020-11-7 09:57
想問一問﹐當時係正常的一部車在後面推壞車﹐定係正常一部車用其他方法在壞車前面接上﹐拉走壞車?
如果係 ...
通常推車為主
會唔會去到洪天路，又可以試一下第二卡可唔可以重起嚟推第一卡返廠，成功的話放返第3卡出嚟出返去載客？
不過問得呢條問題都無用，推車點都要前後各一個車手，當場係要下班車先幫到，不過去到洪天路又可以等救兵到先做既…… toyl 發表於 2020-11-8 01:31
會唔會去到洪天路，又可以試一下第二卡可唔可以重起嚟推第一卡返廠，成功的話放返第3卡出嚟出返去載客？
不 ...
正常來講﹐真係要 "救車"﹐點都會有2位司機的﹐1位係原本壞車的司機﹐另1位係正常運作列車的司機。
就算去到洪天路﹐都唔會改變這一個事實。
反而﹐我而家又有另一些問題想知。
究竟﹐當要救車(推壞車)時﹐前車同後車用什麼方法溝通?
單對單的對講機(唔需要經控制中心就可溝通)﹐是否列車上/每一位司機的標準裝備?
還是用手號+ 手提電話?
2車連結﹐是以2車的司機自己已經可以做到﹐無需等工程人員前來幫手?