S3bl430 發表於 2020-11-18 13:08
繁忙時間康城有地鐵直出北角，北角去九龍灣有城巴606和608。所以，我想問有甚麽人會用這個轉乘優惠，是清水 ...
試辦性質, 海濱道由牛頭角站行出去話近唔近.
雖然北角係有671去到牛頭角站或定富街落車行出去, 對白領來講仍未算直接, 日曬雨淋, 夏天汗流浹背, 最好盡量減少步行.
本建議純屬進一步完善觀塘海濱及九龍灣的過海交通, 606 608 渡輪未能服務海濱道(勵業街-九龍灣)一帶, 故試用797去辦.
清水灣半島, 我倒沒有諗過.
再者, 797將軍澳方向本來就不經觀塘碼頭, 現建議只在早上8點前繞經, 所以只係想方便北角往百勝角及將軍澳工業邨的上班族.
至於北角有冇咁多客轉用本建議路線去將軍澳, 而唔用港鐵到將軍澳轉車, 係可以一試, 但不預期渡輪客量會因而大幅上升.
唔知你有無搭過北觀渡輪?我自己搭過幾次。由北角站行過去碼頭，都需要5分鐘腳程(比起北角九龍城/紅磡個泊位"隔涉”好多)，本身班客要去搭船個位唔太方便。
如果我在北角搭地鐵/619去觀塘/牛頭角，依5-10分鐘腳程其實可輕鬆行到去海濱道任何地方(牛頭角站行去海濱其實幾近)，我仲未計你條797轉乘仲要收錢……
S3bl430 發表於 2020-11-18 16:08
唔知你有無搭過北觀渡輪?我自己搭過幾次。由北角站行過去碼頭，都需要5分鐘腳程(比起北角九龍城/紅磡個泊位 ...
北角站最近碼頭的出入口係渣華道市政大廈斜對面, 我唔知閣下用邊一個出口去計, 可以計到行5分鐘先去到北角碼頭.
我自己平時由北角海逸酒店 友邦大樓 模範里行去北角碼頭先10分鐘步程.
而且所謂隔涉好多, 都係北角匯 海璇 北角碼頭巴士總站30秒步程內到達, 絕對唔算得上隔涉.
每人距離感有唔同, 我行山連續行七個鐘頭唔休息都係碎料, 但係咪代表所有人都接受到呢?
講市區, 我推輪椅由九龍灣健康中心行去觀塘站亦係等閒事, 但唔代表人人都接受到.
講番本建議, 比如話, 有住海璇的金融才俊要返海濱道商廈, 日日返工著晒suit+皮鞋 高踭鞋, 如果有一程車小巴價錢, 專程等埋你落船, 然後舒舒服服返到公司樓下, 吸引力絕對唔係低.
至於人地用唔用呢個計劃, 你理唔到咁多, 如果10個有需要嘅人, 10個都唔用, 好似我老遠行10分鐘去北角搭船一樣.
只要唔係用左你d資源, 又唔係導致有人利益受損, 整個優惠出嚟, 其實無傷大雅.
EX-TL 發表於 2020-11-18 16:32
北角站最近碼頭的出入口係渣華道市政大廈斜對面, 我唔知閣下用邊一個出口去計, 可以計到行5分鐘先去到北 ...
1.我在英皇道計起
2.能夠住在海璇的財俊，我相信以佢地既財力/舉債的能力佢會駕車又或者的士上班，才不會留意到依d咁小意思的優惠。對於有錢人，價錢唔係問題，時間才是問題。
3.北角碼頭附近唔係無人住，只係小人住姊。Even海璇居民都是鄰近地鐵站
4.你個方案唔會損害別人利益，只係效益很少，整左幾乎等於無整咁
5.如果797有為 觀塘西灣河線乘客提供這種優惠，效益會比提供北角觀塘線大，畢竟果度靠近中產屋苑+距離地鐵站遠
買海璇嚟住係好有錢, 租海璇嚟住就係買唔起, 而又要話畀人知佢住海璇, 但係有錢冇錢係咪住海璇唔係重點, 那怕係住馬寶道住春秧街, 定係住公屋住劏房, 幾萬至十幾萬蚊一個月都唔一定會揸車返工, 搭公共交通工具的大有人在.
住得北角嘅, 對北角環境熟, 知道行去北角東碼頭係近定遠, 點行最快, 因本來渡輪就係做熟客生意, 而生客變熟客係需要過程, 過程需要時間.
至於人哋留意與否, 好睇船公司有冇宣傳, 人哋每日都搭船返觀塘, 突然間某一日碼頭有宣傳品, 人哋睇到覺得吸引會試吓用, 唔鍾意就繼續行路, 就係咁簡單.
北觀航線港島過九龍返工客量一直高企, 放工亦係九龍過港島佔多, 推出優惠對船公司同巴士公司都有機會吸到/留住班客, 何樂而不為?!
如果唔聯手搞優惠, 會唔會無啦啦船公司會宣傳新巴797 $7.9去到海濱道, 唔搞定點班次係咪一定有車即刻載走登岸客呢!
更何況我建議用現成班次去試辦, 對將軍澳乘客影響非常有限, 而且唔一定剛好掂到定時點, 架車要開走係巴士公司決定, 巴士公司覺得方案做得過, 自然會調整班次去迎合船客, 唔通會推出計劃, 但係特登整走晒入到定時點內的班次, 有生意唔做?!
北角-觀塘航線你搭過幾次, 唔知你又搭過西灣河-觀塘航線幾多次, 不過幾多次唔係重點, 重點係乘客在觀塘登岸後, 行返轉頭去觀塘碼頭巴士總站搭797要行幾耐, 要行返轉頭嘅, 點解我唔向前行埋返公司.
其實你唔熟唔緊要, 北角-觀塘航線繁時航程約13分鐘, 呢點在本建議第一句已經說明, 如果一上岸駁到797(開15分及45分), 觀碼去到巧明街 海濱道落車, 車程3-7分鐘不等, 即係話, 由北角開船到海濱道落巴士, 在797有定時點之下, 用時最多係22分鐘.
假設個客搭8:30船, 8:52已經返到公司樓下, 等埋升降機上去, 9:00有找返到公司.
我就唔知搭地鐵去到牛頭角站人迫人咁行勵業街出去有幾疏乎有幾快, 或者搭巴士慢車入東隧, 再由觀塘道行出去有幾爽了, 搭的士同樣要慢車入隧道, 走線與671亦幾近相同.
唔熟路嘅話搭地鐵搭巴士搭小巴乜都好, 總之搭到公司樓下就最好, 往後返多份工一段時間再諗有冇其他出行方法唔遲, 住近北角碼頭, 一定知道有船過海, 事前睇吓有咩船搭亦好正常, 如果人哋知道船+行路又快又穩定, 地鐵 巴士根本唔會放在眼內, 而船與巴士有提供車費優惠, 只要時間合適, 價錢合理, 五百人當中有十個人用, 效益仲算唔算低, 就要各人判斷.
所以, 人哋覺得行(一個地鐵站距離)*返公司係輕鬆嘅, 行飽佢囉, 而本建議有幾多人搭唔係重點, 因本來船一小時嘅載客量最多500幾, 想多啲都冇, 除非開更大隻船, 但係唔搞gimmick, 連潛在有需要用到嘅人都得物無所用, 我覺得咁先係最浪費.
*「一個地鐵站距離」指觀塘碼頭與海濱道(勵業街-宏照道)的距離, 相對於觀塘站與牛頭角站的距離相約, 但實則前者距離更遠.
EX-TL 發表於 2020-11-18 19:39
買海璇嚟住係好有錢, 租海璇嚟住就係買唔起, 而又要話畀人知佢住海璇, 但係有錢冇錢係咪住海璇唔係重點, 那 ...
1.無記錯北角觀塘線每邊有個計客器，早2-3年搭尾班船見到百幾人左右，一半藍領一半白領，唔知依家多左幾多客，但沒有加班說明1小時每個方向最多4-500個客
2.無錯的是觀北線以港島客多，但我覺得好多人的心態係想搭平船而剛好就到時間搭。
3.海濱道係有商廈但比較近勵業街果邊，我試過由牛頭角站行過去，除左要落隧道，要行的話真心唔遠。
4.有定點平價接駁車當然好咁，係一個好的嘗試，但除非打鑼打鼓咁宣傳(印彩色單張都要成本嫁)唔認為有好多人會因此咁搭車。另外，如果北角觀塘工業區有通勤客，對新城來說要做依批客其實唔難，搵1-2班608掃曬成條偉業街就得，至少袋曬所有車費
5.個轉乘比我既感覺好似九巴過海線轉電車的優惠咁，係有點用但好似無左佢都無所謂咁
6.我想某程度你係想解決觀塘碼頭要兜大圈才可以到海濱道的問題(隔左個駕駛學院)。畢竟佢唔係好似西灣河線咁停公眾碼頭
7.我覺得你至少沒有考慮幾個因素
a.理想情況下797可以即時載客去九龍灣，但如果無左班車碼頭客就即時gg，尤其是大家都知將軍澳隧道交通本來就難以預料…….但如果要797在觀碼stand by 5分鐘以上，就輪到將軍澳客被趕走
b.有好多上班人士會買早餐，至少佢地唔會將時間預到咁緊迫(依個係船的問題)，依家上班客落船後只有約10分鐘行返公司(另外5分鐘for上樓打卡)
c.加左轉乘後取消/更改797路線難度更上一層樓
8.其實應順便建議早上所有船班次提早5-10分鐘，這樣就算班客唔轉797，返工客由碼頭行去返工地點的時間會更加鬆動，而且有機會開發觀塘去北角返工的客
本帖最後由 EX-TL 於 2020-11-18 23:52 編輯
1. 未有海璇前及疫情前下繁多人搭到識留後, 上繁就更多, 啓德航班上繁班次完全取消, 要留船有需要時做北觀加班.
2. 你覺得?
3. 要行係唔遠, 但過咗順業街的海濱匯也落成, 已經唔近勵業街, 順業街之前那幢宏利其實都唔係近勵業街, 已經唔計太平洋貿易嗰幾幢.
不過, 都係嗰句, 你同我覺得唔遠, 有好大代表性?
4. 前面板友講行政費, 你就講彩色打印, 係嘅, 油墨好貴, 電費好貴, 打印成本好高, 高過一條巴士路線改少少就要列印幾十張豬紙, 跟手搵人出去換?!
富裕小輪紅磡-中環航線海報見過未, 北角貼一張, 入得去搭船嘅一定睇到, 成本幾高, 不如你答我.
608自己都要加班做九龍灣, 而你又話地鐵站行出去近, 606A牛頭角站落車行出去咪得.
5. 如果九巴與電車轉乘優惠無謂, 九巴九龍市區線轉乘龍運A線最高慳$6, 應該點講好.
6. 唔想直接答你, 你自己行一次先, 睇嚟你係地圖派, 唔明我講乜.
與其直線(穿過碼頭舊設施下方)行返轉頭去碼頭總站上797, 用同樣步程, 我已經行到九龍麵粉廠, 過多一個街口到勵業街, 咁點解要為西灣河航線客去諗轉乘呢!
7a. 請參閱5#, 將藍通車後再作別論.
7b. 行去北角碼頭前買定早餐, 上船食又得, 怕惹菌或者影響衞生嘅, 帶番公司食又得, 早餐唔會豐盛到拎住搭船搭車都有困難, 北角買嘢街坊價, 仲有人會返公司樓下買廿幾蚊份三文治+盒裝飲品?
7c. 講咗咁耐, 你終於講到你想講嘅重點.
如果做咗優惠都係頹到爆, 根本唔會有人反對取消, 只要一直打試辦旗號, 好似5R咁, 有一日要改線, 唔會唔得!
但如果優惠真係貢獻到少少, 繼續朝呢個方向走, 唔係咁難睇已經收貨, 我相信你唔會天真到以為797呢條走線短期內會儲到客呱, 觀塘海濱仲有至少十年二十年時間, 轉型先至成形.
8. 淨係做碼頭附近都爆, 改唔改航班時間已經係後話, 但疫情影響到近期客量, 開拓客源係一個好選擇.
本帖最後由 S3bl430 於 2020-11-19 10:33 編輯
另外，沒有看錯的話，小巴22A，90A exactly 做緊你想做既野，都係收3.9/2.9元。只要改下觀塘碼頭停站位置，應該都做到你想要的效果
爭在朝早未必上到車
早繁一個將隧足夠KO 呢d 夾船期既行為
F1板標題請加上「建議」字眼