Busmtr 發表於 2021-1-30 20:38
炮台山冇18要去上環，得鴨仔10號619，當然最多人都係去咗地鐵。要人行一個地鐵站嘅距離咁唔開胃，畀係普通 ...
小弟住北角,18都係一條經常坐嘅線,由卑路乍灣時期坐到佢縮去屈地街,再因為西港島線再縮去上環改做兩味,最後做到宜家一至五半全日都仲坐緊
其實之前呢度有人劇透話18號延長服務時間,都對新巴有d期望,但方案一出就非常失望,加喺d需求極低嘅時段,東行尾車就反而唔延長
講返正題,個人認為18係可以去返堅尼地城做總站,但東行可以大膽d,由卑路乍灣一出就直去西區警署,換18P水街出去,西行就停完山道就直接返卑路乍灣,咁樣西區嗰段就唔會同18P重疊
2013年18縮去屈地街個例子停完高樂花園之後就直去總站,嗰期西營盤d客係完全趕走晒,所以如果唔行電車路就注定無客
至於東行入唔入灣碼,個人認為亦都係要,有時紅隧條車龍一定會過入境處外面,cut 3條線出去都有d困難,同埋灣碼除咗渡輪客之外,仲有運動場、幾幢商廈同埋灣景中心,行去灣碼一定快過行去內街,入返灣碼雖然成效有限,但起碼有得執幾個客
當初18話要變返日間服務，我都開心架，問題係做得唔夠多，亦做得唔足，所以先搞到半桶水。
18西行同18P爭飯食，北炮出→銅北灣北服務明顯供過於求，營運效率極低；18東行唔做夜晚，食唔定主要客源，位又補唔足，抵佢冇生意。
樓主走線係過咗炮台山之後直達中環，再經4幹出堅城，咁已經同西行18P 18X嘅角色重疊。新巴係唔會接受一條$5.5嘅18，以咁快嘅走線出堅尼地城搶18X生意搵自己笨。
況且堅尼地城都冇能力支撐三條全日線出北角，單憑18P客量，我唔認為要拉埋18落去堅尼地城做特快搶生意，有資源點解唔畀北炮有快車出上環同補償西營盤？所以我絕對唔贊成再拉18出堅尼地城。
本身整個西區出北炮需求根本唔大，無論而家18P一線走天涯，定係18 18P分開地盤做都搞唔掂，只會兩條線一齊拍烏蠅。18X改用中灣繞直達北角，已經係對西區最好嘅交代。18 18P兩條東行以西營盤做界，已經喺冇辦法中嘅辦法達致最好分工。
根本18對堅尼地城，唔快、唔密、唔平，絕對冇吸引力，我實在諗唔通點解寧願做堅城都唔做上環西營盤... 依家北角炮台山係一架上環快車都冇，西營盤亦得流水冇快車揀，呢啲位有需要亦有潛力補。
當年18返北角都有入灣碼，其實客量絕對唔差，又可以搶905同upgrade 2A班客，將唔入堅尼地城嘅時間慳返加停灣仔碼頭，個人認為意義嚟得更好。
其實有冇人解釋18入堅尼地城有咩好處？有咩必要？我真係睇唔到...
Busmtr 發表於 2021-1-31 13:05
班次上就冇得再減，始終佢攬住大坑同愛秩序灣流水功能。但係可以透過縮線到金鐘止步，將鴨仔中上環↔東區 ...
大坑隨時一個屈尾十用5B抽一半班次去威非（變相復活5仔）嚟解決;P
HM3044 發表於 2021-2-1 05:26
大坑隨時一個屈尾十用5B抽一半班次去威非（變相復活5仔）嚟解決
西環唔會畀你過，堅尼地城同一個站開都無聯合班次，再拆細架 5B 仲得了? 你想 30 分鐘嚟兩班?
Busmtr 發表於 2021-1-30 20:38
炮台山冇18要去上環，得鴨仔10號619，當然最多人都係去咗地鐵。要人行一個地鐵站嘅距離咁唔開胃，畀係普通 ...
曾經建議過既25X:
https://www.hkitalk.net/HKiTalk2/thread-1181971-1-1.html
其實18 某程度上係唔入碼頭唔入大坑既2 仔，但講到流水能力根本就一早趕哂客
明明以前18 仲好搵過 2 仔都要殺，就知呢間野何等聰明
做貴價流水中環-灣北-北炮都夠佢發發
Busmtr 發表於 2021-2-1 01:52
當初18話要變返日間服務，我都開心架，問題係做得唔夠多，亦做得唔足，所以先搞到半桶水。
18西行同18P爭 ...
入返堅尼地城只係方便管理,順便執下總站客
如果以屈地街做總站,擺西行就做唔到西營盤客,因為德輔道西西行無位轉出去干諾道西西行,擺東行車流大運吉又有機會唔批
所以其實上面都有提到,只要18東行係卑路乍灣一出就直去西區警署換18P水街出去,西行停完山道就直返卑路乍灣就可以
教訓：
送左俾黨鐵既客，好難返轉頭。
除左18，720系都係一個例子。
反建議：
既然18X善巴覺得不能動，
而18P東行少客；而18就西行少客。
最簡單做法就係兩線合返埋一條，西行跟現18P，東行跟以前18。
完。
neoplan720p 發表於 2021-2-1 14:36
教訓：
送左俾黨鐵既客，好難返轉頭。
除左18，720系都係一個例子。
問題係西區咬住18P唔放
東區咬住18唔放
兩邊要既野唔一樣
注定鬧交
neoplan720p 發表於 2021-2-1 14:36
教訓：
送左俾黨鐵既客，好難返轉頭。
除左18，720系都係一個例子。
咁搞法北炮冇快車出上環，堅尼地城又要再兜中上環，只會兩邊都反枱，邊有你諗得咁簡單。
所以個局面係18同18P兩條都不能少， 先可以符合北炮同西區兩邊嘅期望，二合為一嘅諗法唔可能實現。
所以樓主propose 18西行唔停多餘嘅銅鑼灣同灣北直去中環，絕對可取。不過我個人就會做上環+西營盤，唔會去堅尼地城。