原帖由 KV149 於 2006-8-3 00:04 發表
其實如果係做兩味車既應該都好好架喇
正字軌先最慘 :L
可惜蛇車好困身哩 ...
我試過返工工時俾兩味 , 超困身 ...
其實好多輪更的工作都需要"日未出而鑿, 日未入就要息"
如果係響機場返工, 早更可以係返五點, 凌晨兩點幾三點就要起身, 下午兩三點就放工; 或是下午兩三點返工, 晚上十二點放工, 返到屋企都點幾兩點....
但可以肯定的是, 上下班都無需迫巴士同埋遇塞車, 一定有舒適的位坐...
原帖由 cy_but 於 2006-8-3 00:27 發表
做車長真係唔易:)例如我細佬揸城記E11.中途走兩轉962..家住屯門:$
如果番早更開五點幾...半夜三四點就要起床搭廠車....仲要睇下果日要去邊度攞車...:D
若果番東涌都好D...有時要去柴灣攞就真 ...
不過做咁早就甚少係超長棍，好多時下午一兩點就收工，有好多司機都爭住做
事實上早夜更0既司機大部份都可以係夜晚時間訓覺，但通宵更就唔同啦。
九巴算好，做成個月先轉字軌，有0的就係梗字軌，但城巴就每個禮拜都唔同款，
更難適應早同夜，早轉夜都好0的，夜轉早就好麻煩
呢一份工,坦白講
以前早九年,十年都算做唔錯
而家就真係見仁見智
除非你年過三十, 讀書唔多, 又得個車牌, 咁就做下都無妨
如果一支公, 咁份糧都叫做夠用有餘
日做夜做十幾個鐘, 返04:30- 16:00 都係得$12000左右
一家三口,靠一個車長支撐成家，就真係唔夠用....
仲有，返工時間長，少時間晌屋企
如果結左婚, 個老婆唔理解,就可能離埋婚都唔奇
未結婚，入左九巴做，頭兩年幾，仲做緊後備
返完夜更大兩味，第二日返架夜更一更車，再返架大兩味
又無時間出去玩
大時大節，人地有得玩，自己又要開工
到放假，就算幾有魄力都好，人地都要返工，
況且第二日又唔知派更整架咩極品你返
最多咪出街行陣，返屋企又訓過
而家投訴又多，明明係個客唔口岩
都係投左你票先，輕則主任打個電話問下野
重則叫你工餘時間上番去搵主任
就算事實上係你口岩晒都好，好多時都係話你口岩
呢份工，坦白講
身邊有幾個朋友仲做緊
但都係睇錢份上就算
之前有一個就做左兩年幾，頭18個月做得唔錯
無意外無投訴，因為俾客屈左一單無禮貌投訴，
之後就無理投訴就接踵而來，主任又唔信，
最後做到心灰意冷，交證收場
另外一個做左一年多D，做到有抑鬱病都無做
好唔好做，就見仁見智
一早都話左唔好做
唔係睇份人工同埋工作簡單,
仲會留係度咩
原帖由 cy_but 於 2006-8-3 00:27 發表
做車長真係唔易:)例如我細佬揸城記E11.中途走兩轉962..家住屯門:$
如果番早更開五點幾...半夜三四點就要起床搭廠車....仲要睇下果日要去邊度攞車...:D
若果番東涌都好D...有時要去柴灣攞就真 ...
個司機要自己坐車去拿車????
九鐵巴士部同旅遊巴公司
會唔會有上述情況?
[ 本帖最後由 hksf 於 2006-8-3 21:08 編輯 ]
我有位親戚入左九記做車長，只是三年光景，容貌老了十年...
正如以上版友所講，做車長壓力極大，工作時間不定，少與家人有
天倫之樂，大時大節不一定有得放，人工亦不吸引，合約制沒有長
遠保障，部份乘客濫用投訴機制等．過的基本上是非人生活...
原帖由 virus 於 2006-8-2 20:52 發表
其實依家出來打工好多時都係o甘，
如果阿Q小小諗，
巴士車長起碼有固定既工作時間，
但係好多行業就唔知OT到幾時。
大家可以做的是在巴士車長遭人不合理對待時施以援手。
同意, 依家搵食艱難, 有邊份工咁好做, 唔辛苦唔駛受氣, 冇壓力架 ?
巴士司機都係打份工, 辛苦在所難免, 大家都係接受現實巴 !
原帖由 KFC 於 2006-8-3 21:05 發表
個司機要自己坐車去拿車????
交通方便0既站頭或停車場有通宵巴士，隔涉0的有工程車/廠車