請問我呢d係咩心態?
到現時為止，我都拍過好多次拖亦都失過好多次戀
經驗話俾我知，經唔得起考驗
真係唔好拍拖，唔係自己真係會好傷
最近唔知點解會有個咁既諗法
我自問都算有D吸引力，間唔中都有女仔MSN聊我，搵我去街
最近我覺得個女仔鍾意我，好似就黎到表白既地步
有次去睇戲佢訓埋黎我度(我諗九成係掛?)
但我唔知點解會有個咁既諗法:
我情願保持現狀，繼續行街睇戲食飯，反而有拖唔想拍
我明知佢同我講我，我自己唔會同佢開始
但又想保持現狀
我知呢d叫拖泥帶水，對大家都唔好
所以如果佢表白時我會say no
我唔知點解好驚
呢個咁既心態，都有左好耐時間
如果呢世都係咁，我個人真係接受唔到
但我好驚呢個咁既心態會影響我一世...
但我真係唔知點.. 因噎廢食唔係解決問題既方法 我覺得...唔可以咁樣
如果你對呢個女仔冇feel的話
就即刻同人哋講清楚
如果係有feel的話
何解唔開始呢?! 可以打個比喻：
你看見有好多供試食的美食，
但你去試食counter拿一小片吃，
離開一陣再拿，
拿完又走，
走完又拿，
因為害怕浪費，
而不敢買一整包回家吃。
不過世上有免費午餐嗎？
P.S. 你已經好過我好多，我連「敢」都無資格。 好聽d 就係睇化左, 唔恨有拖怕,
難聽d 就係怕面對現實, 連闖關既勇氣都拿不出來........
唔只係你, 我都有類似問題.
好似人越經歷得多, 就越冇衝勁, 就越懂得封鎖保護自己.
如果你問我這是什麼心態, 我諗大概已經答左你.....
但你問解決方法, 我諗要另請高明解答.......
ps 回到開頭一句, 如果你睇化左, 咁點解又要同人食飯行街?
咁唔係好似比緊false hope 人, 兼麻醉緊自己咩?
[ 本帖最後由 av220 於 2006-8-8 01:47 編輯 ] 第一個你要答既問題:
究竟你對佢係點諗?
你尋求答案時,
係要拋去你依家心中那份恐懼,
十分清楚咁去諗。
心病還需心藥醫,
其實你係怕再次受傷害,
所以有呢種逃避心態。
失戀係好痛苦,
但見你依家會咁諗,
我想問你:
你有冇試過勇敢面對失戀既痛苦?
如果係睇化左,
你會係收放自如,
有自然開心,
冇亦無需介意,
而唔係你依家呢種心態。
你一直咁做,
問題永遠解決不了。
你一定要正面面對感情得與失,
及諗清楚以上問題,
先好再開始一段感情。
你對佢有feel,
就應該接受佢,
你以上問題應該同佢一齊解決,
如果冇feel,
就要拒絕,否則你同佢會好痛苦。
希望幫到你。
頁:
[1]