對106之我見
早兩個星期三因為需要所以要坐106都係坐11點30-45分果班由西灣河去土瓜灣班次
兩次都等左我超耐
前一個星期三等左14分鐘, 仲要黎架龍仔唔記得g什麼牌
結果慢過慢金油, 部車到無胡街俾後面mp牌新車過放甩
到呢個星期三, 等左多過15分鐘, 又係黎架龍, 不過唔記得大龍定小龍
無記錯果個司機有個「全」字
但係坐兩次部車有同一現象, 起步死死下, 等黃燈唔過食紅燈
最過份係去到馬頭圍道富豪前面果個站
明明埋到, 點知部車停左o係燈位, 等到紅燈為止
全程計部車都未到健威就俾後面一部新巴106過頭
但係今次我們拍拖行車
前一個週三, 西灣河到煤氣古要45分鐘
今週仲型, 用左57分鐘, 計埋等車差唔多1小時20分
到底106係咪定線老化?
以後我仲有星期三該時間坐106的機會
真教我擔心
另外, 今週坐的果部106要屈入鵝頸橋
怕且人人都覺得行呢條路係最慢架啦
就算直入九龍/ 灣仔北再塞, 揀灣仔北至係最佳選擇
差唔多任何情況下經鵝頸橋乃最笨方法
因為要同銅鑼灣灣仔的線塞作一團
大家對106有什麼看法和意見?
不妨分享一下
[ 本帖最後由 2ac 於 2007-2-16 07:48 編輯 ] 原帖由 2ac 於 2007-2-16 07:42 發表
..........
另外, 今週坐的果部106要屈入鵝頸橋
怕且人人都覺得行呢條路係最慢架啦
就算直入九龍/ 灣仔北再塞, 揀灣仔北至係最佳選擇
差唔多任何情況下經鵝頸橋乃最笨方法
因為要同銅鑼灣灣仔的線塞作一團
..........
呢層唔一定,有時行灣仔北,未上橋已經塞車,塞番大約十分鐘就會過到馬師道個路口 原帖由 S3BL271_DY4315 於 2007-2-16 08:13 發表
呢層唔一定,有時行灣仔北,未上橋已經塞車,塞番大約十分鐘就會過到馬師道個路口
呢個星期三我坐果部106既時候, 我聽到有客話部車「兜路啦」
*見到部車行鵝頸之後
個人覺得啦, 灣仔北因為不能親眼見到預測
所以雖然有巴士線但係行都要冒一定風險
不過講真, 如果106行鵝頸, 不如去則魚涌坐116.. 如果時間係你第一考慮，建議你坐地鐵去觀塘落apm出面轉11x，
雖然價錢係貴左d。 以我呢個經常往來港島東(鯽魚涌, 太古一帶)同馬頭圍(紅蘋果至家計會範圍內)既經驗所得
正常黎講116會比106快, 106經常遇到一出站, 前面交通燈就轉紅既問題, 而且轉燈時間耐, 即使香港行告士打道都無補於事, 而且有個奇怪既情況, 就係九龍去香港既116會比香港去九龍既116少人既, 即係上客既時間都少d啦
坐116行上路唔方便? 其實如果你肯行既話, 最多10分鐘就落返下路, 可能果架106都未到(銅鑼灣塞車另計)
如果講時間穩定既話, 不如坐任何去觀塘既巴士, 去到觀地或牛地轉地鐵, 呢個要睇上邊架巴士, 14, 15可以去到apm先落, 但101就牛地落好d, 即使而家要響油塘轉地鐵, 都應該比正常既106快, 不過如果係香港去九龍呢, 搵14, 15就比較麻煩喇
講最快, 但最唔穩定, 就係坐82轉橙渡去九碼, 預正開船就隨時半個鐘到九碼, 撞唔正呢就......:Q
[ 本帖最後由 wesley 於 2007-2-16 13:41 編輯 ] 原帖由 2ac 於 2007-2-16 07:42 發表
不妨分享一下
最近,某星期六下午落街(在柴灣近環翠),約下午三點半
見到新巴1001行106去黃大仙
之後去左食牛肉飯下午茶
之後去搭地鐵去北角,
去到北角碼頭等約十多分鐘開船(四點十七分)
去到九龍城碼頭落船,
慢慢行出去土瓜灣道,
見返部HU8370,仲去更黃大仙.....
時間大約係四點八 106上落站太慢同埋等黃燈唔過食紅燈
既情況太普遍，呢d係司機既問題，
所以我好高興晚上有流水紅小服務相同路線。
呢個問題在102也有出現，真係坐到火起，
如果你同我講「坐巴士係咁既啦，想快就地鐵啦」
我就會問你是否太年輕，未見識過中巴年代既
102，行同樣路線，只要做到「卡拉」一前一後上客，
以及善用右線，車程可以快現時九記/城記一倍!
唉.... 呢個問題我之前都提過,
而板友們都有一d 其他建議.
http://www.hkitalk.net/HKiTalk2/viewthread.php?tid=186604&extra=page%3D1
其實我同我fd 講過, 土瓜灣根本係個死位,
入到出唔到 (入土瓜灣唔多塞車, 但你想出返去呢, 哈哈).
如果要避開塞車, 只可以經何文田 (去旺角或經西隧去西區),
或者去九龍東 (經東隧去東區), 或者行下路 (去紅磡尖沙咀).
土瓜灣好多巴士線都幾疏下, 塞車+疏+冇鐵路,
半個鐘出唔到土瓜灣都實在唔係出奇事.
我好多時要由土瓜灣去西環同則魚涌,
其實101 同106 都係唔多夠車行, 成日黎3 架111 都冇一架101.
但101 一到深夜就勁快勁拖架 (拖架即係唔係唔夠車),
106 站頭又冇線幫佢手, 又疏, 又慢.
班次密佢n 位既116, 偏偏去到"上路" 先有得坐.
我多數去港島106, 回程116.
116 幾密車, 但我擔心堅拿道(往東區) 同崇光大塞車.
尤其堅拿道, 個度一塞, 仲有一大段路先埋到站........
106 就算都係咁塞, 但你起碼可以快d 埋站, 改搭地鐵走人.
116 另一個塞車位係土瓜灣, 如果龍尾在浙江街,
咁可能同106 兜紅磡再cut 出去漆咸道都係一樣時間.
回程方面, 則魚涌往土瓜灣 (落山道站),
116 同106 係一樣時間, 但116 多位坐同密車好多
(ot 116 d 車仲舒服過106 d 掛牌tim.)
仲唔駛怕塞入去景隆街個站.
以九巴計, 101 65min 都有18 架,
但106 85min 先得14 架, 根本係唔夠車.
如果係去東區, 我諗去觀塘轉mtr 會比較保險.
(如果去埋紅灣半島, 坐5c/船轉118;P )
ps 今日個116 司機好進取, 堅拿道站之後衝唔到u-turn 盞燈,
學以前咁響出面u-turn, 仲要剛好放綠燈, 後面116 司機望到o 晒咀.
[ 本帖最後由 av220 於 2007-2-16 21:00 編輯 ] 原帖由 wesley 於 2007-2-16 13:40 發表
如果講時間穩定既話, 不如坐任何去觀塘既巴士, 去到觀地或牛地轉地鐵, 呢個要睇上邊架巴士, 14, 15可以去到apm先落, 但101就牛地落好d, 即使而家要響油塘轉地鐵, 都應該比正常既106快, 不過如果係香港去九龍呢, 搵14, 15就比較麻煩喇
講最快, 但最唔穩定, 就係坐82轉橙渡去九碼, 預正開船就隨時半個鐘到九碼, 撞唔正呢就......:Q
香港去九龍要地鐵轉巴士，
可以在藍田地鐵C出口行出去，14，15甚至215X等線都可以上車
驚無船可以上網check定時間表先~ 原帖由 av220 於 2007-2-16 20:54 發表
呢個問題我之前都提過,
而板友們都有一d 其他建議.
http://www.hkitalk.net/HKiTalk2/viewthread.php?tid=186604&extra=page%3D1
其實我同我fd 講過, 土瓜灣根本係個死位,
入到出唔到 (入土瓜灣唔多 ...
九巴106果班車長真係冇乜邊個唔會咁做,尤其係一入左馬頭圍之後等紅燈既情況就更加嚴重
而行上路既116,我試過由筲箕灣去土瓜灣搭地鐵去到炮台山再轉116,時間係可以快過搭一程106好多,不過就貴D
(116入埋銅鑼灣同106行出面差唔多,甚至可以快過佢,106果班司機...:L )
回程搭喺浙江街之前106都唔係太可靠,但係行前一個站就隨時有部空車俾你坐,仲隨時唔止一部
之前又試過搭5A去紅隧轉102/110,時間又係快過106,家維邨果頭塞都塞左成15分鐘有多
不過用最快時間返到筲箕灣既始終都係北九線轉82/85/529,夾岩船期既話可以用40-45分鐘返到筲箕灣 :lol
入隧道果3條路,中間果條就係最快,不過可惜成日塞
堅拿道同海皮用既時間都差無幾
ps:係藍灣半島;P
[ 本帖最後由 KR7295 於 2007-2-16 22:32 編輯 ]