香港<->廣州 交通問題
直通火車比巴士貴近一倍,上落車地點亦不及巴士多
點解火車仲有咁多人搭? 火車可靠準時,一定多人搭
巴士雖然平,但有未知情況發生(如塞車、意外...)
一般而言,小弟盡可能坐火車都唔坐巴士
不過近日廣深線的工程,令我會考慮選擇海路前往 如果你想坐平車，又唔計較時間，上廣州坐直通巴士一定是最經濟的選擇，
最平$70已經得，不過過關加埋行廣深，最快都要3-3.5小時，慢起上黎4小時以上都唔奇。
坐火車，直通火車通常2小時已經到，想平D，上深圳羅湖轉廣深線，慢半小時至一小時不等，
但時間上坐火車仍然會快過坐直通巴，時間上可靠好多，又比巴士安全。自然會多人坐啦！ 原帖由 U-157星之Kelvin 於 2007-3-12 21:43 發表
火車可靠準時,一定多人搭
巴士雖然平,但有未知情況發生(如塞車、意外...)
一般而言,小弟盡可能坐火車都唔坐巴士
不過近日廣深線的工程,令我會考慮選擇海路前往
火車可靠準時?廣深線晚點情況嚇到你驚...而家整軌更加嚴重... 路過講經歷:
兩點半向廣州上巴士,八點半先過到關,九點半向旺角落車
註:係去到深圳先塞,個日亦都唔係咩特別日子，但Ｄ貨櫃車頂死哂
好耐之前既事
以上係SPEICAL CASE，但我搭左超過五十次，得一次係可以岩岩好３個鐘落到車，4個鐘內落到車既唔多過廿次
或者我唔好彩啦
其實搭巴士最唔好就係過關，要落兩次車，返黎仲要兩次都拎行李
萬一預到個同車唔係香港人，咁就恭喜你囉，慢慢等啦.....
仲有廁所問題 我都講一講:
有一次我係廣州返深圳11點上車, 結果成3點先返到深圳,
同樓上一樣, 都係普通日子而己, 結果搞到成3點先有得食野
坐巴士如果一個唔好彩大塞車除左有洗手間問題外, 仲有食的問
題~ 基本上廣深高速的塞車問題
可能要等另一條新公路落成及啟用後先可以改善...
否則真係無得搞
相信廣深火車線點都唔會成三個鐘先到囉...
就算近來晚點都係咁話...
農曆新年初一早上北上沒有晚點
年初三南下都只係晚點廿分鐘..
算係可以接受啦...
P.S.：側聞清明復活期間晚點情況再加劇的情況.... 原帖由 GD1570 於 2007-3-18 09:27 發表
相信廣深火車線點都唔會成三個鐘先到囉...
就算近來晚點都係咁話...
農曆新年初一早上北上沒有晚點
年初一無晚點係因為工人要返鄉過節....
車程本身要三個鐘相信無乜可能，
不過連埋等車就絕對有可能~ 原帖由 053h4 於 2007-3-18 11:19 發表
根據過往經驗
除有事故外, 晚點多過10min應接近零
搭單一問：事故的頻率如何？
頁:
[1]
2