053h4
發表於 2021-4-12 14:02
kingprowm
發表於 2021-4-12 14:38
巴士公司保留實力而已
053h4
發表於 2021-4-12 14:43
HV7025
發表於 2021-4-12 18:49
053h4 發表於 2021-4-12 14:02
講真, 任何野都要取得平衡, 新加坡咪即係澳門咁由政府主導, 政府批D巴士經營權比私人公司營運.
香港接唔接 ...
無論係咩原因、有無合適解決方法都好,香港交通迷都應該要承認,香港嘅公共交通已經差過以前好多
地鐵愈來愈樽頸,巴士路線整體比廿年年疏咗唔少(但人口同市區就業人數係不斷增加),加埋塞車嚴格咗好多,例如呢排大熱話題觀塘XX
市區線的確收得比同類城市平,但長途線隨時貴過同類城市,例如倫敦巴士一程價雖然貴,但夠搭離開市區到zone 4,同樣價錢香港都未必去到咁遠
巴士公司向長途線傾斜,無可厚非,但實非市民之福,特別係土地問題下,愈來愈多人被逼住得遠,部分人交通開支已經可以超越同類發達城市
引以為傲嘅市場私人主導交通模式,已經係廿幾年前嘅事,往事只能回味
相反外地唔少大城市都有做好地鐵規劃,俾遠區嘅居民搭鐵直入市區
市區巴士線班次理想,或者有BRT、巴士專道輔助,減少行車時間,例如首爾市區,部分路線行馬路中間嘅專道,可以仲快過搭地鐵
佢哋進步緊,而我哋退步緊
如何改善、有無方法改善,可以好多討論
但以近年巴士路線疏車逼人程度,真心已經差過以前好多,去到唔健康水平,呢點希望交通迷都要認咗佢,而唔係仲停留喺香港已經好好嘅諗法
AVBWU291
發表於 2021-4-12 19:00
HV7025 發表於 2021-4-12 18:49
無論係咩原因、有無合適解決方法都好,香港交通迷都應該要承認,香港嘅公共交通已經差過以前好多
地鐵愈 ...
但以近年巴士路線疏車逼人程度,真心已經差過以前好多,去到唔健康水平我仲以為巴士公司保留實力係健康嘢㖭
053h4
發表於 2021-4-12 19:01
053h4
發表於 2021-4-12 19:02
miklcct
發表於 2021-4-12 20:27
HV7025 發表於 2021-4-12 18:49
無論係咩原因、有無合適解決方法都好,香港交通迷都應該要承認,香港嘅公共交通已經差過以前好多
地鐵愈 ...
香港嘅地鐵最大問題係缺乏行走東西嘅線路,嚴重向南北方向傾斜,尤其係觀塘嘅鐵路根本嚴重不足,得一條觀塘線重要繞經黃大仙先到旺角嘅。
首先睇下港島,到而家為止,無論係荃灣去柴灣、元朗去灣仔、定係九龍灣去上環,都要經過尖沙咀去金鐘呢段樽頸。
而無論柴灣去荃灣、北角去九龍塘、定係將軍澳去上環,都要經過灣仔去金鐘呢段樽頸。
觀塘線無喺黃埔通去炮台山就真係哂咗啦。
之後到九龍。而家成個鐵路系統根本向油尖旺傾斜,有成5條路線(唔計機鐵)插入去,但係觀塘只有觀塘線同將軍澳線,兩者早已逼爆,再加上無方便嘅鐵路走廊連接新界西,乘客就上返哂去路面。但係路面又得一條舊式道路龍翔道係大流量嘅(唔通行加士居道樽頸咩),結果就晚晚塞。
最後到新界。新界嘅鐵路發展根本追唔上人口增長,尤其係而家缺乏來往新界東西嘅路線。如果有一條新路線喺屯門出發,通荃灣、沙田、再出埋觀塘,就已經可以解決咗上面嘅問題。
kiwai
發表於 2021-4-13 11:55
HV7025 發表於 2021-4-12 18:49
無論係咩原因、有無合適解決方法都好,香港交通迷都應該要承認,香港嘅公共交通已經差過以前好多
地鐵愈 ...
我真係唔覺得香港公共交通比以前差好多(如果同六七十年代比較)
起碼依家仲未去到以前咁, 唔去總站就一定上唔到車返工返學
去到總站都仲要排成個鐘先上到車
以前有位長輩同我講, 以前佢住青龍頭, 要去荃灣返學,
如果搭唔到第一班16, 就唯有行路返學, 因為由第二班開始16只會班班頂閘
HV7025
發表於 2021-4-13 20:06
kiwai 發表於 2021-4-13 11:55
我真係唔覺得香港公共交通比以前差好多(如果同六七十年代比較)
起碼依家仲未去到以前咁, 唔去總站就一定 ...
六七十年代嘅香港仲未去到發達社會,唔應該用當時嚟比
咁比不如話70年代香港有路線巴士,有小巴,已經好過東南亞,人哋巴士都未必有,用tuk tuk、雙排車當小巴咁用,上唔到車、去唔到就揸綿羊仔踩單車行路
要比就同廿年前嘅自己比,或者同而家嘅同類大城市比
拎九龍市區做例
呢廿年九龍人口有無少到?大數好似無乜,係居民老化咗啲,但出入九龍嘅通勤人數仲多咗唔少
九龍嘅鐵路網呢廿年有無好到?好咗少少啦,多咗幾個站,但路線主力仍然係嗰幾條大動脈,車廂就逼咗唔少
但九龍線由1號數到29M,呢廿年有邊條無cut過班?加埋cut咗嘅車多不勝數
喺九龍開apps睇ETA,超過廿分先有車嘅都有一堆
交通迷成日話外國郊區一日得幾班巴士,呢個係事實
但要比拎番市區比
我去其他大城市市區遊覽,經常搵巴士搭,順便望下當地文化
市區等單一條路線,要超過15分鐘先有下班車嘅例子,認真大部分地方都唔會好似九龍咁多
至少巴士迷熟悉嘅新加坡,大部分市區路線都疏極有個譜,而且非繁忙時間好少會好似香港啲巴士咁多人搭(少部分用單層嘅大線除外)
係日本東京大阪就真係市區巴士半粒鐘一班以上,但人哋市區鐵路網強大,巴士角色輕好多
去到鐵路網唔大嘅京都、福岡,市區巴士已經密車好多
已經未計港島、荃灣、沙田等等,呢廿年都cut咗唔少巴士班次
過幾年可能市區一大堆路線都要廿幾三十分先有一班車,到時唔係仲好意思話香港交通好吧
巴士公司基於商業原則,重視長途線而輕市區,在商言商好難話佢錯
但如果呢個模式繼續,對社會唔見得好
市區巴士愈來愈惡等,等車時間耐過坐
長途巴士雖然服務好,但愈來愈多人要住得遠,硬食可能超越外國嘅通勤車費
鐵路逼人,巴士等車耐、行車時間耐,某程度上係呢十幾年多咗咁多私家車嘅原因之一
社會都應該要諗下呢個模式是否要繼續