點解倫敦LHR機場唔見有機場巴士特快去全市各區？
香港同伊斯坦布爾機場都有大量豪華機場巴士（定義係一出機場就直接去市內各區，用豪華車行，有行李設施，而且收費一般高過普通路線嘅）去全市各區，點解倫敦LHR機場貴為全英國最大機場，服務全歐洲國際金融中心，都唔見有呢類嘅巴士？我搵緊平日日間去倫敦南部某個住宅區嘅交通，要多重轉車先到！我搵到LHR機場嘅市內交通有淨到市中心嘅機鐵、去唔到幾多地方嘅國鐵火車、一條站站停嘅地鐵同埋幾條流水線巴士，覆蓋相當有限。Elisabeth Line 通車就會改善到 其實有好多London開出既Inter-city巴士中途會停Heathrow Airport
例子有National Express，一樣係高規格有行李艙，直達市中心
你搵唔到唔代表冇:L
同埋其實Underground/TfL Rail已經包攬曬高低價位往來機場服務
本身搭Piccadilly/TfL Rail出市中心再轉其他線已經四通八達 都冇咩空間需要特登開巴士線
尤其如果你搭過London啲市內巴士你會發覺真係分分鐘行路仲快
入到Central London要慢慢碌，對比起Railway會冇競爭力
同埋其實倫敦周圍有六個機場
Heathrow主要都係做國際長途線多
搭歐洲航線尤其廉航主要都係去其他Airport (e.g. Stansted, Luton)
每個機場都開咁多線去足全市咁多地方邊有咁多需求
以前有A1 A2 用豪華olympian行，後尾都係因為個d咩同地鐵重疊原因取消，同埋塞得太勁唔準時 https://www.milesfaster.co.uk/in ... -airport/airbus.htm 樓主要去邊? 有一條X26係全倫敦最長巴士線由heathrow開去倫敦南部Croydon，用獨有改裝過有行李架既單門B9 ，每個town只停一個站既limited stop 特快，之後可再轉其他線去目的地。
michlui0718 發表於 2021-4-11 14:42
其實有好多London開出既Inter-city巴士中途會停Heathrow Airport
例子有National Express，一樣係高規格有 ...
相信樓主講緊係類似香港CITYFLYER 既服務，直出倫敦市區，唔係national expresscoach 去其他城市，而事實上宜家真係無，以前先有 (A1 A2)。
本帖最後由 miklcct 於 2021-4-11 16:29 編輯
michlui0718 發表於 2021-4-11 14:42
其實有好多London開出既Inter-city巴士中途會停Heathrow Airport
例子有National Express，一樣係高規格有 ...
首先，National Express唔係市內交通，呢啲車適合用來搭去其它城市用嘅，但係唔能夠用喺搭去倫敦各區。TfL Rail同Underground都係出倫敦市中心，而唔能夠直接通去市中心以外嘅地區（例如倫敦南及倫敦北）。
我以去 Streatham 為例，Moovit 話最快方法係先搭機鐵、再搭地鐵、再轉火車，全程75分鐘。如果轉少程車嘅話，就要搭地鐵出 King's Cross 轉火車，全程差唔多要2個鐘。而且全部方法都要入 zone 1 ，無得喺市中心以外通過。請問事實係唔係咁？
另外睇埋條X26，由機場去 East Croydon Station 要成102分鐘，Moovit 又話經市區多重轉車起碼快成半個鐘，甚至先搭 RA2 離開倫敦去 Woking，再搭返火車返入去重快。點解會咁？
bus_mister 發表於 2021-4-11 15:59
相信樓主講緊係類似香港CITYFLYER 既服務，直出倫敦市區，唔係national expresscoach 去其他城市，而事 ...
家陣我咪係講緊National Express可以Heathrow中途上車直出倫敦囉:L係咪咁難明？自己上佢個網search吓睇吓先啦 £10可以直接出到Victoria
樓主要機場Coach巴士服務咁咪就係呢啲囉
唔係冇 只不過唔密姐嘛
當然你可以話班次唔密 咁你咪搭返Tube/TfL囉
michlui0718 發表於 2021-4-11 16:47
家陣我咪係講緊National Express可以Heathrow中途上車直出倫敦囉係咪咁難明？自己上佢個網search吓睇吓 ...
講緊巴士，豪華雙層巴士呀。唔係樣樣野都覺得有一樣交通工具就可以替代到。
本帖最後由 michlui0718 於 2021-4-11 17:10 編輯
miklcct 發表於 2021-4-11 16:24
首先，National Express唔係市內交通，呢啲車適合用來搭去其它城市用嘅，但係唔能夠用喺搭去倫敦各區。TfL ...
首先你要明白唔好將香港嗰套代入去世界其他城市度用
香港係好特別，人口密度極高，而且好多地方人口都係主要集中喺一條海岸線或者一條主幹道附近
所以開條巴士線一條過唔洗兜好多地方都夠客營運
如果你去過其他歐洲城市
你會發現好多城市機場都係靠鐵路接駁地鐵網絡為主
即使有機場巴士，主要都係負責接駁市中心俾人轉車用，只有少數係直接出市中心以外其他區域
就算係London呢啲Top Tier城市，人口密度同集中程度根本同香港都冇得比
好似你講啲Zone 3/4地方好多都係Suburb地帶，人口分佈極為分散而且一啲都唔密集
唔好講條街，平日唔係繁忙時間個Rail Station客都唔多
有咩可能會夠客出到條合理班次既機場巴士線呢？
唔夠客咁就要兜，但係咁又點夠鐵路快呢？
所以每一區做好同市中心接駁
再做好機場同市中心之間服務，咁樣會更加有效率過每區一條線
我可以同你講，就算點收車點壞車都好
香港啲公共交通網絡效率同埋速度一直都係全世界最好
尤其係市區巴士，好少城市會養得起咁多條咁頻密而且又特快既巴士線
唔好將香港啲標準攞去其他城市用