首先回覆 #31：你話「當年170都係咁樣出生架姐」，實際上唔係。當時係因為香港仔同埋沙田不約而同有過海嘅需求，所以九巴同中巴聯營整咗條來往香港仔同埋沙田嘅路線，即170。於是乎該路線偶然創造了港島南區直達沙田的客源，再加上聯營路線較難「分家」，遂保留至今。
之後就要回應某位超級出位人士嘅 #15 啦。
嗰位仁兄話：「如果係覺得去轉鐵的M線多人，不如認認真真睇下M線下去邊，而開直車。」
首先，我知道你想講話九巴當初想開296B來往尚德同埋鑽石山站，後來發現尚德乘客搭296A去轉車多數都係去九龍西，先至良心發現整條296C入去深水埗。但係而家石籬係一個人口老化嘅區域，點同當年仲係新區嘅尚德呢？石籬一帶乘坐31M落葵芳站轉乘港鐵已經係status quo，唔會有人想開新線，無論係匯達、載通定係進智都係。
其次，你話要調查嗰啲轉車客主要去邊：
萬一佢哋主要係去觀塘呢？40P即刻全日服務，或者增設石籬特班咩？盞畀人再「問候觀塘娘親」添！
萬一佢哋主要係過海呢？935即刻全日服務咩？咁936就可以飛出石籬:lol，係嘅話又會話海盈邨去唔到石籬囉……點啊，再開31C由海盈邨去嗰邊啊？