再分析馬鞍山77區往深水埗巴士需求及九巴態度
今年RPP總算肯執86系同286系，但實際操作上仍存在唔少爭議，而今屆區議會又帶起左關於77區應否有全日深水埗巴士問題。之前唔少網友都係唔同Post討論過，不過都係輕輕帶過，所以想開多個Post比大家Focus呢個問題。我個人睇法係，就算86C真係可以經77區，都唔代表86C未過死期，原因如下：
1. 以前86C經大圍年代，特別班有86X同86P，其中86P係配合當年86C由恆安延長去利安而開。本來早繁想同86C分流恆安總站客，但之後因為86C全日都經恆安，所以不斷減班，都仍然唔肯經77區。其實已經證明左，九巴根本冇心同你86系開拓77區客源。
2. 77區係政府落實興建馬鐵之後先發展，交通上一定會考慮「保鐵」，而時間上搭鐵遠比86C優勝。除非有利可圖，否則九巴唔會直接同鐵路競爭！
3. 77區人口問題，現時經81C同89C本身係77區已經唔多人搭，硬將86C放入77區又會加左幾多人而可以加返密去到15-20分鐘一班？
4. 走線問題，因為77區人口唔多而令絕大部份巴士線都需要經沙田外圍地區保持客量，反令77區乘客因走線過長而拒搭。86C現時係市中心已經唔吸引，改去77區又會令幾多人唔坐鐵坐巴士？
而點解問題去到今屆區議會先有呢個問題？我覺得有幾個因素：
1. 選區劃界問題，以前成個77區都係納入鞍泰選區，自然發現唔到保泰街一帶同鐵路有一段距離。而家拆開左兩區，錦泰都可以話行去亞公角街搭市中心線或者港鐵，但海嵐區係正恆安站同大水坑站之間，兩頭唔到岸，令問題浮現。
2. 政治考慮，今屆區議會由民主派控制，唔可以呼籲人搭黨鐵。當然交通上有競爭係好事！
3. 地區勢力分布問題，之前286C經唔經富豪引發河東同馬鞍山之間爭論。本來唔關事既77區區議員又唔想齋食花生，咪又想搶光環挑起另一山頭搶票lol（PS下屆有得選先算）。
其實入77區既巴士線前景係比現時更唔樂觀，因為將來錦駿苑和欣安第二期落成後會係馬鞍山路起一對巴士站，我個人估計應該每條經恆康街及/或馬鞍山路的巴士線都會停，包括現時唔入亞公角街的路線。
AVW28 發表於 2021-4-27 10:55
其實入77區既巴士線前景係比現時更唔樂觀，因為將來錦駿苑和欣安第二期落成後會係馬鞍山路起一對巴士站，我 ...
長遠都要除 43X 之外其他對外路線都要撤出寧泰路
然後加返一堆 BBI 算
有時間的話我 F1 出文 RobynnNKendyFan 發表於 2021-4-27 11:00
長遠都要除 43X 之外其他對外路線都要撤出寧泰路
然後加返一堆 BBI 算
有時間的話我 F1 出文 ...
繁時線和289K反而要留，因為部分恆康街路線於繁時在出迴旋處前已經難以登車；289K留係因為要輔助87K龐大客量，加上是寧泰路唯一去大學站既路線，當然最好減一減價減到同87K睇齊。而81C、85K和89C則可改回97年之前的在馬鞍山區的走線，286M則無意見(似乎九巴都想取消，但唔該改快89C先講)。 RobynnNKendyFan 發表於 2021-4-27 11:00
長遠都要除 43X 之外其他對外路線都要撤出寧泰路
然後加返一堆 BBI 算
有時間的話我 F1 出文 ...
北行都可以夾硬話近
南行真係關77區咩事?
一係加條青沙線俾人去轉乘用40x/43x模式處理。281b全日，281x全日改青沙旺角上落取代81c。281x新界可以用麗豪上青沙 兜咁大個圈都係想講 77 區無客
呢十幾廿年黎成個 77 區都係減車減線
43X 拆左 43P 然後車同線都唔關馬鞍山事
81C 拆線減班，縮短去尖麼，星期日特快取消
85K 大減班 85P 取消
89C 減班
286M 減班
得條85S, 289K 算正常少少
681P 都係一換一比981p
天空之神 發表於 2021-4-27 12:22
兜咁大個圈都係想講 77 區無客
呢十幾廿年黎成個 77 區都係減車減線
行唔到出去搭車都係寧泰路中後段
嗰段路住宅密度底
村巴再加有車階級幾個因素加埋
冇辦法
天空之神 發表於 2021-4-27 12:22
兜咁大個圈都係想講 77 區無客
呢十幾廿年黎成個 77 區都係減車減線
減班咪已經證明左有幾多客啦！
機會黎喇新巴