kmb71k 發表於 2021-5-23 20:10
鯉景灣個圈5分鐘以內?順燈或者勉強得
唔順燈一定唔只5分鐘
數過燈位數目，由筲箕灣去到太祥街，兩種行法都係7支燈，唔見得行愛秩序灣及鯉景灣會比直行筲箕灣道同其他巴士塞埋站慢超過5分鐘，對原有18X乘客影響其實甚低。
(新成街客只係一街之隔就可以搭到18X，海晏街客去西灣河站搭18X都係合理距離)
但18X吸到的愛秩序灣/鯉景灣去中環$9.1客，就個個都係新客/720升級客。現時18X在筲箕灣道上客的情況證明，18X西行係有空間可以試下用另類走線吸下新客。
(東行上環有唔少客願意搭到去西灣河同筲箕灣，所以唔會郁東行)
brianso198 發表於 2021-5-24 00:05
評論18X前不如大家睇清楚樓主條定線點行
只不過,
西灣河站建議在原有站位的後方半個巴士車位 (小巴站同現有站柱之間) 加一條站柱比18X停站，方便停完站抽頭去右線轉右。
若不可行，則建議轉右後立即停站，增設 太安街，筲箕灣道 分站。
當年城巴新巴競爭新加了奇怪分段，今時今日善水巴士嚴重虧損，亦都可以做當年相反的野，就係新線收到盡，懶理舊有路線類近的收費水平。
(不過宜家睇番轉頭，720X又真係幾抵搭，中灣繞車佢係收最平，其他區想落中灣繞，要畀唔少附加費)
本帖最後由 brianso198 於 2021-5-24 02:46 編輯
2076 發表於 2021-5-24 02:11
西灣河站建議在原有站位的後方半個巴士車位 (小巴站同現有站柱之間) 加一條站柱比18X停站，方便停完站抽 ...
你有無睇過西灣河站個站乜環境？如果果度加到既話就唔會提出異議。
唔講咁多，總之做好research先好講你頭幾句好唔好？
另，有d野唔係懶唔懶理問題囉。
仲有繞道邊有所謂附加費？成抽西隧車、甚至18X，88X有無因為繞道再收貴左？
18X、88X只係因為條線去西環先收貴，如果行繞道收附加費點解第一日行繞道唔加價？
40/45睇黎目的都係為左回應返南區希望維持希直達上下半山嘅訴求
但既然大執到咁就不如計盡佢:lol
40或者可拉埋落去田灣華貴補返去瑪麗訴求
45照擺返去華富北但改行域多利道
咁就可以順便送埋43M上路
車未必慳到太多，不過當係搓大個餅
brianso198 發表於 2021-5-24 02:44
你有無睇過西灣河站個站乜環境？如果果度加到既話就唔會提出異議。
唔講咁多，總之做好research先好講你 ...
西灣河站個位又真係幾亂的，轉車上耀東的人都成日打晒蛇餅。咁轉彎後擺站會較為合理。
的確行繞道係冇直接的附加費，只係新巴到目前為止除720X外，只係比去到堅尼地城的路線入繞道。但從18X同88X上環都冇分段的情況下看來，新巴是明顯想借繞道收貴啲，補償番中途冇得停站兜客的潛在損失。當年九巴有特快路線的獨立收費表都係同理。
不過冇快到又加價都算係於理不合，我建議的722都因為龍和道先入繞道，而建議維持番$7.4的收費水平。X720改線主要都係想透過改埋編號，做足宣傳效果，搶番太古城同西灣河班倒左落去MTR的客，X720就算唔加價，佢同720A加埋用車數冇變的情況下，一定吸到多啲中環客回流，以及金鐘站同金星大廈720A全日停站，X720+720A的客量一定多過現時720，盤數都一定好過宜家720兜海富，倒走中環客，金鐘灣仔客又做唔足，所以新巴有誘因改線，X720加價反而比較次要。當然，不加價新巴就會有X720搶18X客的顧慮，變成$7.4 vs $9.1的分別。詳細都係要新巴自己計下數，平衡得失，尤其是到底有幾多太古城同西灣河客係由無限極果頭行過去港澳碼頭上18X。如果人數不多，X720不加價都沒有任何影響。
Rogerlhm98 發表於 2021-5-24 14:19
40/45睇黎目的都係為左回應返南區希望維持希直達上下半山嘅訴求
但既然大執到咁就不如計盡佢
40或者可 ...
謝謝回覆。我都比較想知道半山居民對呢組線有甚麼睇法。
40/40M拆做40/45，係想保留南區想去齊堅道/柏道/羅便臣道的訴求的同時，平衡番半山都有去瑪麗醫院的需要，從而令到資源運用更加理想，始終40/40M而家連聯合班次都冇埋，非繁載客率又得20%，對半山居民來說又去唔到好多本身區內有訴求要去的地方。40行循環線的好處，就係羅便臣道都可以搭番40一程車去瑪麗醫院，算係改善了半山區與醫院的連接。
我諗45的時候係有諗過併埋43M去南區。咁樣華富叫做有多一條線出灣仔同金鐘，唔駛靠4號或者轉車。但因為45我想同12做聯合班次開各30分鐘一班，43M開緊20分鐘一班，合併會令域多利道要捱30分鐘一班車，以及收費收唔到45諗住收的$7.6，而要收$6.2。加上華富搭45出中環金鐘灣仔實在太慢，其實應該冇客會搭南區<>中環/金鐘/灣仔，咁倒不如比45卑路乍灣做總站，方便半山同堅尼地城居民夾時間搭45上半山，班次又會穩定啲。
反而40拉落去田灣係有得諗，亦都係後續的重組諗法之一，反正用車數目唔會有變。不過田灣華貴到底想要43M定40多啲，以前的43X係去到堅尼地城，40就去唔到。冇左43M，田灣華貴就冇車去堅尼地城，變左係去瑪麗。我之前都出過po問田灣華貴到底想去堅尼地城定瑪麗多啲，就係諗緊到底擺43M定40去田灣好啲。