本帖最後由 jpoon 於 2021-6-5 12:55 編輯
li1872903 發表於 2021-6-5 08:27
有咩問題？居民可以到附近商廈返工又可以善用商業區附近交通
邊會咁啱得咁蹺，除非你係做保安清潔，否則人工好易過入息限額，都未必咁易申請到去住
更何況抽屋咁鬼難
jpoon 發表於 2021-6-4 13:38
咩搬唔搬？講緊堆填區唔適合起食品批發市場喎
堆填區下面係垃圾，夠力支撐成幢建築咩
...
我唔認為批發市場一定要係好重型嘅建築物，基本上具有遮雨功能，上落貨儲存轉運已經可以，畢竟依家雞同菜都係平房模式，雞更加只係一堆鐵皮屋。
下面係垃圾又點？處理好上面都可以心曠神怡。呢啲主觀觀感問題咋，曾咀煤灰湖上面放骨灰，仲提供埋撒灰服務添呀，係唔係又覺得你先人撈咗落堆煤灰度？
本帖最後由 jpoon 於 2021-6-6 02:34 編輯
巴士的膠 發表於 2021-6-5 23:17
我唔認為批發市場一定要係好重型嘅建築物，基本上具有遮雨功能，上落貨儲存轉運已經可以，畢竟依家雞同菜 ...
你唔認為唔代表實際唔係喎
你見過啲貨車入去批發市場未咖？與其紙上談兵，不如你搵晚去西區副食品批發市場睇下人哋點運作先講啦
閒閒地一架車都幾噸重啦，仲要幾十架車排除入去，乜齋舖石屎可以支撐到咩？仲有就係垃圾堆填區係keep住有沉降，做公園就無乜所謂，因為就算沉降幾十厘米，起幾級樓梯就行到，但貨運又點得呀！仲有就係叫得批發市場，唔係只係做轉運，仲要做批發，要拆開包裝再分銷，所以一定唔係所有嘢都包裝好，甚至響西區副食品市場，有唔少市民會專登走入去買生菓
畀埋數字你睇，睇下佢每日處理幾多食物，係咪真係你「唔認為係好重型嘅建築物」
https://www.afcd.gov.hk/tc_chi/a ... d_supply_c_2017.pdf
你用煤灰同垃圾比，乜你覺得有可比性咩？煤灰話晒係燒完嘅灰，同滿佈細菌昆蟲嘅垃圾有可比性咩？先人靈灰場一年先去一兩次，但食物市民日日食，又有可比性？唔好乜都你認為先得咖，你認為冇乜問就係冇問題？食物嚟講，衛生水平理應有返咁上下啦
照你咁講，咁不如起返啲組合房屋住人啦，反正都唔係好重型嘅建築物，咪仲好過起批發市場
本帖最後由 charlesli0104 於 2021-6-6 17:26 編輯
巴士的膠 發表於 2021-6-5 23:17
我唔認為批發市場一定要係好重型嘅建築物，基本上具有遮雨功能，上落貨儲存轉運已經可以，畢竟依家雞同菜 ...
曾咀煤灰湖上面放骨灰，仲提供埋撒灰服務添呀，係唔係又覺得你先人撈咗落堆煤灰度？
煤灰還煤灰，骨灰還骨灰，唔好混餚
好似話撒灰都係只限海上同埋花園
主觀觀感問題？試下落街問下100個人，99人以上都唔會同意將先人混入廢物殘渣裡面
本帖最後由 27131118 於 2021-6-6 18:46 編輯
li1872903 發表於 2021-6-5 08:27
有咩問題？居民可以到附近商廈返工又可以善用商業區附近交通
當然有問題啦，話晒係政府規劃失當
當初開發衛星城市就係諗住住宅工商業混合發展
但結果俾人詬病住宅太近工商業區
依家係政府弱智到要行返條行唔通嘅舊路喺九龍灣觀塘呢啲準核心商業區起公屋
同喺中環金鐘起公屋一樣咁弱智
jpoon 發表於 2021-6-6 00:55
你唔認為唔代表實際唔係喎
你見過啲貨車入去批發市場未咖？與其紙上談兵，不如你搵晚去西區副食品批發市 ...
當東涌線行咗廿年堆填區條線都未冧，相信啲大貨車都行到一段相當長時間。
如果沉幾十厘米公園厠所都唔爆渠，辦事處嘅風火水電可以如常運作，咁做個頂蓋應該都可以唔冧。
至於點解唔起過渡屋，相信交通、排污果啲更難克服，搞得到交通嘅堆填區舊址，又有咗用途。