覺唔覺得808應該取消錦英路個站？
成日聽到錦英A、B座同富寶班人嘈佢地係果個站上唔到車但好奇怪，坐85M、86K同87D，佢地又乖乖地咁識行上總站搭車，又從來冇要求過係斜路加站點解佢地又唔行上808總站搭車呢？
明知小巴冇得企位，你班人好心就行上去搭啦！
同埋留位問題又真係冇L用
而家規定總站要空6個位比中途站人上車，但通常去到斜路已經坐爆，錦龍苑個站根本都冇得上
而回程又因為有人係斜路落車而食燈
所以我覺得最好方法就係取消斜路「錦英苑」來回兩個站，唔好再助長班懶人而搞到車程慢上加慢！
小巴既特式同好處就係方便同靈活，
而唔係比啲人佔領道德高地
紅小有啲見過爭兩步都唔行
等你駛前再上都有
你都會有年老既一天，你好氣好力無問題
但啲公公婆婆，可以行少一段，就幫助好多
當你過條馬路都要用兩三分鐘果陣
叫佢地再行埋上錦英，啲體力就無左一大半
個站唔係比懶人，係比有需要既人 以前做過當區居民講兩句
如果係出沙田方向, 錦英AB兩座居民係視乎係唔係有需要坐808而揀去總站, 定係過馬路去叫兩飛
想出市中心的話, 總站有時會有特班轉左經狗屋落山, 但叫兩飛的話就睇下87K定係808到先
富寶就睇下住上面定下面同近唔近健康院, 如果唔近又想落山, 就只可以行幾十級樓梯上樓主講嘅小巴站上車
唔係就要行落去明愛中學出面個度叫三飛 (803, 808, 87K), 但個站長期都有人排隊
803/808根本唔會上到車, 即係得返10分一班87K可以上
既然個小巴站頭就係樓梯盡頭最頂, 又有咩誘因去等過馬路同行多起碼2-3分鐘去總站呢?
85M/86K/87D同808不同之處就係佢地去到明愛個站都有位坐
808係短途駁腳線緊係即捕即解啦
住左個面咁耐又未聽過返錦英方向會有人嫌停AB座個站會等燈等耐左喎
eternalflame 發表於 2021-8-10 22:17
以前做過當區居民講兩句
如果係出沙田方向, 錦英AB兩座居民係視乎係唔係有需要坐808而揀去總站, 定係過馬 ...
近AB座過富寶嗰盞公仔燈，乜唔係一掃sensor就即轉綠燈咩？印象中嗰盞唔駛點等燈，除非有人唔知嗰綠燈sensor係要掃先識轉、又或者係近年拆咗嗰舊嘢/改咗間距喇。
以前聽過一個笑話，行到埋路口，見著部87K慢慢碌上嚟，係唔駛衝紅燈追，燈口位掃一掃盞綠燈出嚟，就可以施施然等部87K埋站。
RyanPun 發表於 2021-8-10 22:42
近AB座過富寶嗰盞公仔燈，乜唔係一掃sensor就即轉綠燈咩？印象中嗰盞唔駛點等燈，除非有人唔知嗰綠燈sens ...
好多人都唔會掃好似碌葛咁企係度架😂
住錦英AB座仲會係相反方向40X站頭直接過馬路去87K站頭上車添
但由富寶上山過左馬路轉右仲要行到86K站尾先過到808總站個邊，其實都幾兜路 eternalflame 發表於 2021-8-10 23:36
好多人都唔會掃好似碌葛咁企係度架😂
住錦英AB座仲會係相反方向40X站頭直接過馬路去87K站頭上車添
疫情下唔想掂啲冇人清潔過嘅公共設施我會理解，但印象中呢盞燈一向都係咁盞鬼。
當然，要等公仔燈所以嫌遠有啲唔合理，不過本身斜路808係有一對站做富寶，加上富寶行去808總站都幾唔就腳。
老實講，貪平想坐808嘅，根本唔會計較呢點，加上外面有87K，都算叫做大包圍做哂兩邊客，起碼唔係叫你行天梯落市中心先🤡
RyanPun 發表於 2021-8-10 22:42
近AB座過富寶嗰盞公仔燈，乜唔係一掃sensor就即轉綠燈咩？印象中嗰盞唔駛點等燈，除非有人唔知嗰綠燈sens ...
盞燈到而家仲係撳掣轉燈
BTW 我同樓上兩位一樣，未聽過有人介意停富寶，另一邊廂808去到小瀝源都有幾個大巴無嘅站，未聽過有人投訴
小巴本身上落就靈活啲，係咁架啦
新市鎮小巴已經大致跟大巴站，市區小巴大把上落客點唔係巴士站都係咁
利申間中會喺錦英總站搭808 RyanPun 發表於 2021-8-11 06:57
疫情下唔想掂啲冇人清潔過嘅公共設施我會理解，但印象中呢盞燈一向都係咁盞鬼。
當然，要等公仔燈所以嫌 ...
就算未有疫情之前都一樣有人癡癡地等待而唔會拍下個掣
頁:
[1]