LN9267 發表於 2021-8-13 21:10
正如東鐵頭等繁忙時間要企，一樣有人願意支付較貴車費入去頭等車廂企，九巴豪華巴士的原理一樣而已。
九 ...
利益衝突之下
正線乘客利益到最後必然受損
呢D咪攬炒囉
本帖最後由 neoplan720p 於 2021-8-13 21:47 編輯
由始至終開呢種同原本走線無乜大分別既特貴價「P」線，
就係唔正常。
當然，你可以話有班客真係唔睇價錢衝上車，或者真係願意用$30幾蚊去買個位坐，
但車程無快過之下，點解一個所謂「豪華位」值$10幾蚊？（唔計月票upgrade價）
本身960、968唔夠載，
唔係應該加班或者拆線咩？
點解要用「P」線黎upgrade個價錢，但車程又無快過，去既地方又無點變過？
坦白講，如果P960、P968收$30，但飛走中上環直去灣仔銅鑼灣，大把人會gur好多。
FBI2 發表於 2021-8-13 19:14
出幾架v6b頂住先囉
借幾架E5T頂住先啦
好奇一問，標題 DLC 係咩意思？
neoplan720p 發表於 2021-8-13 21:46
由始至終開呢種同原本走線無乜大分別既特貴價「P」線，
就係唔正常。
其實唔係個「豪華位」吸引人，而係個「位」吸引人，960 968都係總站出幾個站就無位坐嘅，大家都唔想企(日日企會企到癲，寧願企地鐵)，不嬲P線都係個座位買得。
而且960 968都冇乜空間加班(總站唔夠位，沿途擺又好阻街)，960話拆線都容易D，但係968真係做唔到，朝早個個趕返工，樓下有車就會上，但係返元朗都係大馬路轉車/行路返屋企，行元朗南或北都唔夠客(南人口太少+要塞鳳翔路/十八鄉迴旋處，北太近西鐵+巴士唔近多人住嘅橫洲)，索性直接繼續大馬路行/轉車返屋企算，起碼轉車班次密過直車，就係一個問題：968過海，全人直車，3個字一班，同全人出大馬路等，3分鐘一班嘅問題嚟。
teddybus 發表於 2021-8-13 21:50
好奇一問，標題 DLC 係咩意思？
DLC係Downloadable Content 嘅縮寫，可以理解為額外內容，唔少遊戲會推出付費DLC，相信標題所指嘅係俾額外車費買豪華櫈
213D 發表於 2021-8-13 21:59
其實唔係個「豪華位」吸引人，而係個「位」吸引人，960 968都係總站出幾個站就無位坐嘅，大家都唔想企(日 ...
下，960，968總站空間有限，所以加唔到班？
如果係既話，不如解釋點解本身已經爆既灣仔北同天后仲有位塞到P960/P968啦
LN9267 發表於 2021-8-13 21:10
正如東鐵頭等繁忙時間要企，一樣有人願意支付較貴車費入去頭等車廂企，九巴豪華巴士的原理一樣而已。
九 ...
960/968唔夠載，咁咪加資源落正線身上囉
反而無啦啦走去整豪華車，變相加價，然後仲要形容九巴係願意補教，真係笑而不語
日後P線成功既話，只會鼓勵巴士公司不思進取，唔肯真真正正精簡路線提升吸引力，反而走去巧立名目趁機加價
S3BL343@66 發表於 2021-8-13 23:25
960/968唔夠載，咁咪加資源落正線身上囉
反而無啦啦走去整豪華車，變相加價，然後仲要形容九巴係願意補教 ...
本身豪華巴士就係巧立名目趁機加價, 而且依家已經條條路線都係冷氣豪華巴士價, 我唔知邊度搵到架冇冷氣既普通巴士載客, 我都唔知P960/P968點樣豪華再豪華, 但我知203S/208到今日都仲係非常之豪華
今朝0820左右見有班P960過屯轉, 相信係0745嗰班, 全車唔夠廿個