934全日服務建議
講咗好多年，934始終打唔贏930X原因係唔全日，當936都鋪緊路全日嗰陣，934都差唔多要開工。但係我擺咗幾個934全日嘅前設出嚟先：
1. 麗城養唔起全日嘅934，所以一定要加區
2. 港島走線若果灣仔止步，都係要繼續播936轉乘
3. 車就有12部掛牌，暫時唔諗加車住，反正而家都係會私返去再做
4. 繁時要保留現時934走線嘅特班
小弟想拋磚引玉一下，將934拆做荃灣走線同港島走線，各分析利弊。
荃灣走線方案 (出港島方向，回程則調轉走線)：
1. 維持原路
2. 荃景圍天橋後上山，行橋落嚟祈德尊上路
3. 荃景圍天橋後直去，跟30X入如心前走線
方案一 {維持原路}
利：對麗城最友善，有機會問鼎九龍路段最短嘅全日西隧過海線
弊：客唔夠，做一班蝕一班，好快收檔
方案二 {荃景圍天橋後上山，行橋落嚟祈德尊上路}
利：鞏固九巴荃景圍地位，唔使再食每日兩班嘅934A，徹底打破930X上山
弊：對於麗城延長路段最長+最慢，好可能受沙咀道工廠區塞車影響
小弟相對唔贊同祈德尊上愉城落嘅順走方案，塞車風險大過逆走唔少，同時都幾顛覆麗城搭車習慣。
方案三 {荃景圍天橋後直去，跟30X入如心前走線} 回程跟234X
利：對麗城相對平衡延長同全日，食到地鐵站一帶客源
弊：同930X競爭會更明顯，大河道vs戴麟趾同埋930X會停大涌道福來邨
港島走線方案：
1. 維持原路
2. 延長至灣仔北/灣仔碼頭/會展
3. 延長至銅鑼灣棉花路/天后
方案一 {維持原路}
利：近乎冇，只諗到回車快
弊：冇得擺車，路邊總站都幾樣衰
方案二 {延長至灣仔北/灣仔碼頭/新會展總站}
利：方便調度，有正式總站
弊：到喉唔到胃，都係去唔到銅鑼灣
方案三 {延長至銅鑼灣棉花路/天后}
利：唔使934轉936，同930X更正面競爭
弊：難擺車，加上城記可能翻枱
小弟自己係西約居民，個人意見覺得3+2可行性最高，歡迎其他版友提出意見。
假設 934 如果要加區先可以幫到條線做全日的話，
條線根本就冇辦法情況之下起荃景圍做總站，否則對麗城個邊觀感變差，得不賞失。
當然，你可以話加區兜荃景圍之後就可以變全日服務去利誘西約個邊去支持呢個計劃，
但係而家 934 某程度上都已經半全日，轉全日加荃景圍對西約某程度吸引力唔算大。
何況九巴係要做，934 當日加服務時間就上左荃景圍了。
九巴個算盤其實就好簡單，
條線行車時間短等同用車數量少，加上 934 收費唔平，以而家個情況都已經有錢賺又何需要加時間去加多個區。
荃景圍要全日九巴過海線機會其實唔高，
除非運輸署真係比 934 全日而加兜荃景圍，否則真心唔見得九記會自己做。
－－－－－
至於港島區，
其實方案三又係假議題，棉花路其實咩環境就心中有數好難再擺多條線入去，
不過我係同意拉長港島區走線係比起拉荃灣區易，最少我認為九巴叫有機會同意去做先。
我自己認為其實以 934 個定線又真係要做銅鑼灣，其實放北角碼頭都唔算過份，
始終荃灣去港島比起新界西北去港島路程短一大段，就算去到北角碼頭最低限度都叫真係有個總站，而又真係 serve 多個區。
當然，西隧全日線係唔係真係可以過到天后到最後真係要運輸署拍板，但以而家情況之下，銅鑼灣根本冇位比佢擺線 (除非真係上山，呢點就其他板友起某個 post 有提過)。 銅鑼灣既然有九巴係高士威道維園做總站
好似沐安街用盡兩邊停車
都停到兩部九巴
不過要睇九巴想擺幾多線入銅鑼灣
同埋都要等東鐵過海後先有條件
因為一個唔該可能P960會由灣仔北改擺維園 其實934 上段尾都講緊 30+
夠唔夠客見仁見智 其實似運署唔畀934全日多過九巴唔想開934全日
咁喺九巴層面，除咗係咁loop洗腦廣播谷客，都無乜野做到
如果真係驚唔夠客，都似乎會拉咗線上荃景圍或喺港島去更多地方 回程荃灣走線跟 934A 往愉景新城比跟 234X 理想, 因為可以食到尚文苑/荃灣東面回程果批客, 車程不比跟 234X 慢多少. kay 發表於 2022-1-3 16:02
銅鑼灣既然有九巴係高士威道維園做總站
好似沐安街用盡兩邊停車
都停到兩部九巴
銅鑼灣總站方面，有無可能將幾條線放堅拿道巴士專線做總站?
現時停站路線部分改停軒尼詩道堅拿道東分站
頁:
[1]