rickywk 發表於 2022-2-9 22:31
除雪成本、乘客量，有無貨運都係主要因素
五稜郭至長万部有JR貨物頂住，隨時塞比道南いさりび鉄道食
呢幾日先講 JR 北又玩賴皮
大雪唔夠資源除雪
索性連札幌市都會區啲在來線都停駛佢
仲要出埋新聞稿同你講話佢地好努力咁除雪㗎喇
https://www.jrhokkaido.co.jp/CM/Info/press/pdf/220209_KO_Snow.pdf
夜晚搵 50 個外人除札幌站的雪
日頭就 40 個社員去處埋
真係好感動 ;P;P;P;P;P
同一日又話佢地今年少咗好多人
直頭係日本版新城咁樣添
https://www.jrhokkaido.co.jp/CM/Info/press/pdf/220209_KO_Riyoujyokyo.pdf
今日先開返札幌小樽
聽朝開番至旭川
聽晚先重開學園都市線
其他就食自己喇
反正年年呢個時候都係停翻十幾廿日先...
本帖最後由 qunow 於 2022-2-11 02:38 編輯
cky 發表於 2022-2-10 04:09
函館市話晒仲有貨運頂住
如果唔係道南漁火邊肯同你玩一日開 9 班全線車?
JR貨物唔肯頂，寧願買多幾隻船直去苫小牧，都唔肯幫手搞函館至長萬部呢段，沿線各地政府想北海道政府同埋國家政府幫手，但兩邊都唔理咁樣。計過呢一段線路，普通嘅貨物補償金只係大概夠cover貨物列車運行費用，幫補唔到客運
而家係講緊連函館站去新函館北斗呢一段仔，就算作為市區段，計埋新幹線接駁客，都做唔落，因為官方報告係計到新幹線開之後30年嘅情況，而函館市預計開之後30年即係2060年嘅人口會由而家<s>120</s>25萬跌到落得<s>40</s>11萬
道南漁火睇佢地肯唔肯食埋函館段，食唔落嘅話應該都摺得
同埋長萬部到余市呢段而家就決定係因為當地各政府話要提早決定嘅，因為財政數據好明顯冇可能俾得起錢，加埋俱知安已經諗定話要拆咗在來線車站個位嚟起停車場同上落客區，所以長痛不如短痛一早決定咗佢，方便規劃未來
余市至小樽呢一段客量又唔係真係咁差，對比北海道其他線路嚟講都唔算特別低，但拆出嚟得三個站搞間鐵路公司出嚟啲overhead就算唔係北海道都做唔落去，JR北海道睇又好似JR東海心態咁在來線全部都係蝕諗住靠晒新幹線，咁緊係cut得幾多得幾多，就算客量唔算特別差都用並行在來線名義推條線去死
而且唔好話並行在來線，而家JR北海道接受政府資助只係去到2023年，而日本政府對JR北海道定出嚟要繼續資助嘅目標係2023年客量要維持返2018年嘅水平，根本冇可能達成，就算唔計疫情都廢咗一大堆線，而且高速公路網絡不斷擴張同人口老化亦都導致JR北海道乘客量持續下跌，出年成間JR北海道應該已經破得產，到時仲邊個理並行在來線
qunow 發表於 2022-2-9 13:36
連函館市段都想話要廢，余市町嗰三個站點夠做
咁「新函館北斗 — 函館」點算......
nwfb1001 發表於 2022-2-10 12:14
咁「新函館北斗 — 函館」點算......
巴士接駁
雖然話如果真係咁做嘅話，全國預計要請多數以百計巴士司機＋數以千計貨車司機，而而家日本所有職業司機都唔夠人，福岡同京都之類地方已經有啲巴士線因為請唔到司機而cut走或者索性成間公司唔做，唔知喺邊度可以請到咁多人返嚟
cky 發表於 2022-2-10 04:19
呢幾日先講 JR 北又玩賴皮
大雪唔夠資源除雪
索性連札幌市都會區啲在來線都停駛佢
https://www.youtube.com/watch?v=cR_S1IGfMbo
無辦法，2月6日日間倒到落，當初原本預計仲可以分段行車，但降雪量比預期多太多，變咗好多列車被迫中途站停運，骨牌效應下完全陣亡。
就算係JR東日本呢d咁多資源嘅營運者，佢地都最怕營運時間落大雪，停又唔係，唔停又唔係。
半夜落，仲可以等通頂，等佢落完先搵車清，但營運時間落，郊區線仲可以縮減下時間表，但好似札幌圈呢d咁密嘅，兩難
qunow 發表於 2022-2-10 05:02
JR貨物唔肯頂，寧願買多幾隻船直去苫小牧，都唔肯幫手搞函館至長萬部呢段，沿線各地政府想北海道政府同埋 ...
函館市宜家邊有 120 萬? 計埋北斗市都冇呢個數啦
佢宜家就係步緊夕張市呢啲... 作為中核市但係早幾年已被指定人口過疏地區之一
不過說實話，函館的生活環境真係唔錯
未封關前去親東北都要抽番兩三日過函館行番轉
Waiyin12 發表於 2022-2-9 09:39
新幹線並行在來線廢線...
連掟比第三部門鐵道都唔做/無人做，狀況應該都幾不堪
北海道啲三セ有邊間頂得住？
道南都係苟餘殘命緊
池北高原鐵道玩咗唔夠廿年咪都係要執笠
cky 發表於 2022-2-11 00:07
函館市宜家邊有 120 萬? 計埋北斗市都冇呢個數啦
佢宜家就係步緊夕張市呢啲... 作為中核市但係早幾年已 ...
記錯咗，而家人口應該係12萬戶25萬人，2060年預測係11萬人
cky 發表於 2022-2-11 00:15
北海道啲三セ有邊間頂得住？
道南都係苟餘殘命緊
道南唔係有過路費收，一早係江差線年代執鬼埋
cky 發表於 2022-2-11 00:15
北海道啲三セ有邊間頂得住？
道南都係苟餘殘命緊
「道南」有貨物過路，點都唔會死