東鐵過海與巴士比較 短評
本帖最後由 ky927 於 2022-5-15 22:54 編輯基本上每星期都會來回灣仔/沙田，於是今日東鐵過海，特別做一個試搭比較
北行搭巴士，南行搭東鐵
1830灣仔屋企出門口，搭1843到柯布連道嘅673轉84M，到達愉翠苑屋企開門時間剛好1930；
2115沙田屋企出門口，到會展站2200，到灣仔開門口時間係2213
明白唔係同時段同方向有啲難比較，所以只不過係一個搭乘經驗嘅分享。
上673時，都覺得比平常星期日少人，但去到銅鑼灣，又的確可以谷到七成滿；反而同時間嘅182，目測似乎跌客真的跌得比較多，照片似跌淨2-3成。平常呢個返屋企食飯嘅時間，真係可以坐滿窗口。
揀回程搭馬鐵，主要原因係，大圍站唔駛落返大堂轉線🤣🤣🤣
不過剛剛真係送車尾，大圍站等左8分鐘。
印象中搭過2115愉翠苑開嘅182，大概都要50鐘到六國。
純睇車程，兩者差距不大，但如果大圍好彩地唔駛送車尾，或者較為繁忙時間地鐵密啲，咁東鐵嘅優勢會大增。但無可否認，唔睇錶嘅話，東鐵個感覺都係會快啲。
我唔知去上水，或者去馬鞍山（即978，680/681）時間差幾多，不過巴士公司真係要識得捉邊啲地方有條件同東鐵線有得爭；邊啲地方要改西隧或東隧；
673其實都係一個幾好例子，係唔密，但673行唔近東鐵嘅位置多，所以只要東隧唔塞車，尤其假日回程銅鑼灣客係無乜跌到（當然都可能受惠於月票）
所以，680/681 都仲可以靠銅鑼灣/北角，但182就真係撞得太正面了。
新界東過海線要生存，除左要分到邊啲地區有競爭力之外，要有彈性行東西隧，但係北行上車位置要相同先留到客。
例如：繁時開980X，咁金鐘/灣仔上車點要跟返680/681，當然咁行定線就考起畫圖員
今日跌客真係情有可原，好多都新屎坑三日香。今日撞啱我去太古城，返上水正路都係金鐘轉鐵。而金鐘條頭等龍龍尾都要等三班車先上到車走。而今日真係全港人都好興奮，見到好多港島人都好似無搭過東鐵，對東鐵沿線風景都好好奇，先令我驚訝。總之今日東鐵線人頭湧湧，過咗一兩個星期熱潮過咗應該會正常返，巴士客會升返。尤其是𢦓日會坐673嘅我，都唔會放棄坐673。 ky927 發表於 2022-5-15 23:01
新界東過海線要生存，除左要分到邊啲地區有競爭力之外，要有彈性行東西隧，但係北行上車位置要相同先留到客 ...
其實應該係得清風街入中灣繞先有可能做到行車時間靚仔，乘客觀感良好，兼且北行上車站位完全一樣。
不過以政府性格，清風街入中灣繞係冇可能比巴士行的。
2076 發表於 2022-5-15 23:03
其實應該係得清風街入中灣繞先有可能做到行車時間靚仔，乘客觀感良好，兼且北行上車站位完全一樣。
不過 ...
其實我都想話邊個設計得啲出入口咁衰🤣🤣🤣🤣
唯一折衷係劃一段線係俾右邊車過中線
其實平日下繁告士打道西行算做少塞左，不停站算可以解決問題
2076 發表於 2022-5-15 23:03
其實應該係得清風街入中灣繞先有可能做到行車時間靚仔，乘客觀感良好，兼且北行上車站位完全一樣。
不過 ...
要政府開放快線都幾難
住秀茂坪，坐紅van去旺角東25min，行去火車站5min，轉東鐵連等車當15min到會展，45min過到海601都做唔到，619X先機會做到 tommy14D 發表於 2022-5-16 14:02
住秀茂坪，坐紅van去旺角東25min，行去火車站5min，轉東鐵連等車當15min到會展，45min過到海601都做唔到，6 ...
呢個極端左啲，轉咁多次，而且太子道東易塞。不過601係要提速兼要中上環要全日有車
tommy14D 發表於 2022-5-16 14:02
住秀茂坪，坐紅van去旺角東25min，行去火車站5min，轉東鐵連等車當15min到會展，45min過到海601都做唔到，6 ...
不是有 601P 嗎?
PC2625 發表於 2022-5-17 00:24
不是有 601P 嗎?
咁601P又唔係全日