第一次搭善水686回程沙田後感(終於明白點解做唔起條線)
之前係呢度睇到師兄們，對屎水686既留言，今日放工，趁聽日放假又唔趕返屋企，就搭一次屎水686回程返沙田感受下。18:27係北角電照街上車，以下繁計，全車老實真係唔多人搭，上層過埋港島尾站，先叫坐滿窗口，下層直頭好多吉位。
跟住兩大塞車例牌，先係東隧港島入口，係轉上東廊冇幾耐，已經慢慢塞到入隧道口，跟住大老山隧道九龍入口再塞，未到麗晶花園已經慢車，甚至試過要停低，雖然卡佬已經好盡力追時間，但真係好難追，去到荷李活廣場已經過19:00，跟住一路慢車行隧道，結果19:15到沙田圍新村落車。
其實686既走線係唔錯，如果計北角去沙田圍，地底要轉兩次車，加埋轉車上上落落，又未必有位坐，分分鐘有時仲等多班車，如果想一程車過，686係OK，但果兩個塞車例牌真係頂唔順，計過足足慢過地底10-15分鐘，將個優勢蝕哂，難怪唔係好吸到客做唔起，希望今年屎水將佢轉做986，情況會好啲。 686冇計，係運吉定嘅走線
嚟緊改986應該會好番啲 如果6幹通車686改行該段路可否改善車程? 東隧真係好塞，行紅隧中好過 預計月內改行西隧 未開都已經知係會咁，係運吉明知山有虎 偏向虎山行，唔知癡左邊條根。 其實東隧港島入口可唔可以劃d巴士綫比巴士打尖插隊。好似紅隧咁姐:Q PK9394 發表於 2022-6-3 08:44
其實東隧港島入口可唔可以劃d巴士綫比巴士打尖插隊。好似紅隧咁姐
唔見得路面有條件可以加巴士線畀巴士打尖入東隧 PK9394 發表於 2022-6-3 08:44
其實東隧港島入口可唔可以劃d巴士綫比巴士打尖插隊。好似紅隧咁姐
行車線咁多年都已經亂七八糟，點再畫？