建議用現代化電車連接啟德郵輪碼頭至啟德站
眾所周知，啟德單軌計劃已被擱置，主要原因係觀塘舊區做唔到高架系統。因此，之前有立法會議員提議改動單軌走線，使單軌唔走入觀塘，以解決上述技術問題，但政府認為該走線客源不足以平衡單軌的建造及維護成本，所以反對此方案。有見及止，我建議重新考慮採用成本遠較單軌低嘅現代化電車取代單軌，連接啟德郵輪碼頭經跑道，及體育園至啟德站，以服務啟德新區。由於啟德新區路面設計已預留位置，可供作電車專線，令電車可有獨立路權之餘又不影響其他路面車輛。
而第二階段可考慮將電車經麗晶花園連接入九龍灣，途經九龍灣行動區及兒童醫院，並以牛頭角站至終點站。此路段由於連接入九龍灣舊區，沒有空間設計電車專線，所以需要使用混合路權模式。
用現代化電車行以上走線應該可以滿足疏導啟德與九龍灣商貿區交通的需要，並維持造價在合理範圍。
幾年前政府之所以放棄選擇電車，係因為電車係舊區無可能做到專線，所以效率遠低於單軌。但既然現在單軌因技術問題而入路到觀塘舊區，倒不如重新考慮電車，而唔係一刀切放棄哂有軌交通嘅選擇 啟德跑道嘅電車專線可考慮設在面向兒童醫院一方嘅行人道上，按政府文件可見，該行人道約闊20米，絕對有空間容納雙線電車。然後電車線可沿著海濱駛入體育園園區，之後再駛進啟德車站廣場。整條路線都唔需要佔用車道，唔會對路面交通做成影響
其實應該考慮用東九龍綫
寶達後落山經碧雲道去油塘
油塘經油麗 麗港城出啟德
不過要等 T2 公路起完先有得諗 天空之神 發表於 2022-6-22 18:58
其實應該考慮用東九龍綫
寶達後落山經碧雲道去油塘
如果啟德連接系統能夠同東九龍線合併當然好，但東九龍線嘅興建難度應該比啟德單軌仲要高，我諗短期內都唔會成事
第二階段走線及車站位置（藍色線）
此段採用混合路權 跑道區電車專線示意圖
從圖中可見，用海濱長廊作專線空間非常充足，唯一缺點係犧牲了共融單徑的位置。但鑑於跑道向維港方向嘅海濱長廊已有充足位置預留做單車徑，所以整體影響應該好輕微 大家覺得以上方案可行嗎？ 要起實起到，但如果政府要起，前提係有人買地 ;P
然後你望吓已經賣咗幾多地 tonychow 發表於 2022-6-27 17:45
要起實起到，但如果政府要起，前提係有人買地
然後你望吓已經賣咗幾多地 ...
其實仲有好多地未賣，住宅地有剛改劃嘅2A區五塊地，跑道區一塊。商業地有就跑道區四塊地，九龍灣沿海有3B同3A區四塊地，仲有九龍灣行動區。夾夾埋埋有超過一千萬呎樓面未賣，所以其實絕對有incentive去搞
頁:
[1]
2