促進定壓抑競爭？
本帖最後由 neoplan720p 於 2022-7-12 23:30 編輯前言：
不論54區定皇后山，
由畫出招標線，到有正式招標結果，再到開線，
都充滿爭拗，討論版面閒閒地10幾20頁，
甚至最終淪為兩間公司fans 互曬命。
但爭拗的禍根，
從來都在於運吉唔清晰、唔公開既準則同方向。
之前提及過既「究竟一個幾大既新區先需要招標新線」同「招標計分準則」都已作討論，
所以今次唔打算集中討論。
******
主題：
其實好多時候既爭拗，
都在於「競爭」呢個問題。
-> 壓抑競爭既招標定線
以皇后山為例，
全部新線都係逆走沙頭角公路及龍山隧道，
極力避開原有區域服務範圍（即聯和墟、粉嶺中心）。
呢個策略，明顯地係唔鼓勵競爭，
即就算招標線由另一間公司投到，
都唔會點影響原有公司既利益。
好處：
-> 避免惡性競爭，例如如果城巴78X、679招標定線為途經聯和墟同粉中，九巴必然會還擊，甚至狂加277A/X、673班次，但車從何來？必然係抽其他北區既車，到時不論上水定粉南，都有機會因為被抽車而受害。
壞處：
-> 舊有區域無法借新區黎提升服務。
繼續以皇后山為例，如果78X途經聯和墟同粉中，咁不論邊一間公司投到，對聯和墟、粉中都有好處。城巴投到，聯和墟、粉中唔駛再硬食兜粉南既277X；九巴投到，亦可乘機同277X搞拆線：皇后山 -> 聯和墟 -> 粉中一條；置福圍、粉南圈一條。
（provided that 78X用正常走線行九龍段，而唔係咁樣逆走商貿區擺啟德）
-> 新區人口不足，招標線單單服務新區，難以全日服務。
皇后山個case就係咁。除79X勉強夠客做全日外，其餘三線單靠皇后山甚至一段仔沙頭角公路，都難以夠客提供全日服務。就算係79X，非繁班次亦只能僅僅維持30分鐘一班。係咪好差？以長途線來講，又唔算。但一定唔算好吸引。
*****
-> 促進競爭既委任線
點解未進行招標前，
會指定委派某公司開新線去服務新區？
如果招標結果，
獲勝公司同被指定委派開新線既公司，
並非同一間公司（正正皇后山、54區既個案），
咁唔係會促成兩公司大鬥法咩？
不論78A同67A，
都係導致無盡爭拗既原因。
點解呢兩條線唔需要經過招標，就直接被委派俾某間公司？
如果67A claim係67M支線；78A claim 係78K支線而直接委派俾九巴的話，
咁點解55唔直接被當成258X支線、950被當成960C支線、56被當成261S支線、955被當成960BX支線？
條界線擺左去邊？
*****
結語：
運吉一方面為左唔想兩間公司競爭，而將新線盡量避開舊有區域（而家54區堆線，甚至連屯公三站都唔知埋唔埋到）；
但另一方面又於招標線以外，直接委派路線俾附近原有區域的服務營辦商，促進競爭。
咁運吉既大方向，
係想多d競爭，定少d競爭？
我望唔透。
叫唔叫「唔犧牲原有服務者利益前提下拓展服務」？ 運吉不嬲都係講一套做一套
招標扮晒公平咁 結果其實都係兩間分餅仔
佢應該係諗住九巴攞短途 城巴攞長途
咁就可以兩間都唔得失
Happypig375 發表於 2022-7-12 23:32
叫唔叫「唔犧牲原有服務者利益前提下拓展服務」？
呢個準則，
適用於新線唔踩入原有區域（如皇后山線唔入聯和墟、54區線唔停屯公三站）。
但以呢個準則，
點解要直接俾九巴開78A同67A呢？
仍然未解得通。
ATENU135 發表於 2022-7-12 23:37
運吉不嬲都係講一套做一套
招標扮晒公平咁 結果其實都係兩間分餅仔
佢應該係諗住九巴攞短途 城巴攞長途
以後仲會唔會有當年B2爆大冷老嶼中標呢
本帖最後由 Happypig375 於 2022-7-12 23:46 編輯
neoplan720p 發表於 2022-7-12 23:38
呢個準則，
適用於新線唔踩入原有區域（如皇后山線唔入聯和墟、54區線唔停屯公三站）。
補返20、22踩咗九巴場？
或者係「有限度競爭」？
簡單而言，招標目的不是為既定服務，而是打壓非專利巴士的市場，使邨巴在香港服務舞台逐漸消失。根本，一切的招標取態和形式，就與以往的邨巴一模一樣。運輸署希望從一邨一堆私人線拉闊至一小區一堆小區通勤線。就算你看另一款會出現的居民服務：跨市鎮的通勤服務都是一樣。 競爭呢兩個字,已經係香港消失左了,而家只會講分餅仔.
KC3555 發表於 2022-7-13 00:03
簡單而言，招標目的不是為既定服務，而是打壓非專利巴士的市場，使邨巴在香港服務舞台逐漸消失。根本，一切 ...
最私人嘅車莫過於私家車，私家車日日違泊、阻塞交通、排廢氣，唔取締，反而打擊邨巴，匪夷所思
根本好似歐洲咁搞好公共交通（唔係畀乜巴乜巴為慳錢而cut車）、限制私家車進出，先係廣大市民福祉
本帖最後由 12Lane 於 2022-7-13 00:46 編輯
Happypig375 發表於 2022-7-13 00:11
最私人嘅車莫過於私家車，私家車日日違泊、阻塞交通、排廢氣，唔取締，反而打擊邨巴，匪夷所思
根本好似 ...
官商，功利主義去睇，就係有合作（或勾結）成份。邊個打骰，就邊個話事，招標亦都可以係做場戲。轉過頭屈尾十直接批條線，又可以美其名話保障居民選擇同利益。
根本冇準則，為左保障自己利益，佢可以冇準則地選擇性推行政策。塞車問題唔搞私家車，去搵紅van村巴落手又得；一時又話鐵路骨幹，對巴士喊打喊殺，一時又可以話鐵路好迫批條收貴幾蚊嘅T線巴士「輔助」鐵路。
現實就係每間公司地盤已經一早埋晒位，運吉除左戰狼上身之外都唔見得大規模改變現狀對社會有咩益處，幾間公司同市民利益放係個天秤上面，就係分餅仔，分得唔好，咪空降路線balance番，製造大家都有份做假象。就正如某些新區，一間公司攬晒幾條對外線，原來都唔夠一條 78a, k54咁大影響力，知咩事啦。