香港巴士玩需求定製有無得諗？
香港而加已有一套制度令巴士公司可以因應乘客需求變化而改線或加減班次。但係現時模式下落實變動比較慢，講緊數周至數月。在呢段gap期，一係就服務不足頂閘留後，一係就服務過剩浪費資源。如果有鐵路等替代服務還好，無嘅話乘客就要硬食頂閘留後，唔理想。引入需求定製理念就可以快速響應乘客需求，提升服務質素同善用資源。當然唔係照搬外地任何已有模式啦，要跟香港市場特徵来設計營運模式。
我嘅初步想法係揀一個地區，唔旭現有常規線同全日線，只拎早繁特別線來玩需求定製。下繁都唔旭，照跟原有安排。成個流程按下述步驟行。
1. 當區乘客每（工作）日截數時間（例如2am）前入某個portal報告佢嘅通勤目的地同理想到達時間。系統預設該乘客每日通勤需求相同，直至乘客入portal作出更改。
2. 巴士公司事先編定當日為該地區提供幾多部車行駛早繁特別服務。每日截數時間過後，系統自動根據乘客報告之當日通勤需求來安排呢幾部車嘅運作。因為被編排嘅只係特車，無被編排到嘅乘客，就去搭當日常規班次。
3. 呢幾部早繁特車嘅車長翻工時間應該係事先編定，唔因當日收集到嘅乘客需求而變。
4. 乘客在佢預先指定嘅時間（例如7am）收到短訊通知，佢當日嘅通勤需求被編排至邊班特車，定係未被編排至特車，建議乘搭常規路線（x點x分嘅xx號線）。
一些討論：
揀一個唔太方便唔搭當區巴士嘅地區來做比較容易。即係你編左特車俾佢，佢無乜理由唔搭。掃管笏，皇后山，水泉澳，甚至天水圍北或啟德跑道，都有機會。我在呢度想排除安達臣發展區，因為可以搭lift落去搭本身服務秀茂坪嘅巴士，唔係一定要搭當區巴士。
報告左通勤需求後有機會被編排特車直接服務，呢個係一個誘因，令到乘客傾向於及時去報告。越多人報告，越大機會group齊一班人來開到特車。
系統編排特車時，要排除駁鐵再去更有優勢嘅目的地或者直情不屬自己專營權範圍嘅線路。我會建議咁嘅算法：將收集到嘅乘客需求樣本，按比例放大至當區總通勤人口數後，減去當區常規巴士班次提供嘅運載力，剔除前述兩類目的地，為剩餘嘅需求由人數高至低派車。
最終，有左上述玩法之後，我地就有左一套機制去即日響應部分乘客所需。 要留意返點樣先唔比人惡意申報
一陣1000個人申報，但實際得200個人出嚟都係死得 本帖最後由 S3bl430 於 2022-8-31 01:12 編輯
依家都有依種交通工具, 果種交通公具叫的士
開app叫的士,15分鐘就有專車接你去指定地方
====================
玩定製需求,你願唔願意俾訂制需求既錢先,
就好似你book巴士咁,果個價格唔細
=======================
某程度馬場/演唱會散場巴士線係需求訂制服務.
佢相對於普通線會有票價溢價,
路線方面亦不是很吸引
頭段特快,尾段兜路
tina 發表於 2022-8-31 00:57
要留意返點樣先唔比人惡意申報
一陣1000個人申報，但實際得200個人出嚟都係死得 ...
更加大可能係會冇人申報，又唔係外國山旯旮地方。個個落街就有車搭嘅地方，仲嘥時間預約。
反而用喺鄉村小巴可能仲好，特別是全日都得特別班次半個鐘一個鐘一班綠van果堆地方。 當日P960/P968 話比人book 位都無左下文啦 tina 發表於 2022-8-31 00:57
要留意返點樣先唔比人惡意申報
一陣1000個人申報，但實際得200個人出嚟都係死得 ...
只係拿少量額外資源出來玩定製，唔旭常規線，即使無人走出來搭特車都蝕極有限，有空間另作檢討。例如話當區每10000通勤人口派一部定製特車。 S3bl430 發表於 2022-8-31 01:06
依家都有依種交通工具, 果種交通公具叫的士
開app叫的士,15分鐘就有專車接你去指定地方
如果派出嘅定製特班相比常規線路頭尾段都快左，咁收小小溢價都ok 12Lane 發表於 2022-8-31 01:07
更加大可能係會冇人申報，又唔係外國山旯旮地方。個個落街就有車搭嘅地方，仲嘥時間預約。
反而用喺鄉村 ...
留意我提議嘅派車算法係將收集到嘅需求減去常規線運載力，針對呢個gap來派車。如果當區有人嗌緊去邊度無直車或者去邊度已經逼爆，咁就叫佢來申報需求囉 本帖最後由 kitarolo 於 2022-8-31 05:58 編輯
天空之神 發表於 2022-8-31 01:54
當日P960/P968 話比人book 位都無左下文啦
無錯,法律條文我就不熟悉
但咁做似乎不屬專利巴士範疇
上面提及報咗名但最後無現身
嘅問題,除信用卡外更可考慮手機
付款作預繳,但咁做就更接近非專
簡單嚟講仍有Call的士都要
照錶再加$先肯做嘅通勤地點
專利巴士有服務但長期載唔晒
都唔願加、亦多數跟唔到時間表
咁我係營運商可特登做爛常規線
可循客訂路線(唔跟收費表)嚟加價?
即係球證旁證主辦者,都係我嘅人?
再考慮埋郊遊地點,就算有合適
車輛,小巴/的士/非專嘅阻力呢?
由此可見一係就秩序更亂一係就
門檻太高祗有少數客訂服務獲批
唔計萬宜水庫或嶼南呢類限制區,
陣間某會員喺度話烏蛟騰有通勤需求
平日上下繁都訂一部單層巴士服務,用
非專價應該唔便宜、僅比綠Van貴兩三成
又會嘈搶生意,直情放棄全條唔做,咁鍾意訂
巴士就訂埋平日非繁囉……輸嘅一定係搭客
個“agent”一定收得服務費貴 最後大家唔用咪又係送人去死.... 正如東張之前幾集講個飯票平台擺明創辦人有心 但最後買既人唔多 餐廳一個月又做得幾百生意額（但每個餐收少好多） 最後係根本兩邊都做唔起（商家同食肆）