EX-TL 發表於 2022-9-9 21:20
其實我諗最嬲唔係車返唔切冇車搭, 係個死人ETA成日fake人.
Exactly,師兄完全講中重點來！回唔切車唔緊要，你唔好俾假希望乘客，等完5分鐘再等25分鐘，好折磨！
HT408 發表於 2022-9-9 21:27
灣仔無站長，啲車長塞緊車又唔打得電話通知灣景入數
邊有人改ETA？
咁就好笑啦，熱線員話打去灣仔站頭問站長開車情況，晏啲回覆我，無幾耐之後就連ETA都熄埋，真係唔知邊個負責。
HT408 發表於 2022-9-9 21:27
灣仔無站長，啲車長塞緊車又唔打得電話通知灣景入數
邊有人改ETA？
樓主係因為俾ETA fake, APP聲稱有車開但根本冇車玩乘客, 所以先咁火.
其實如果塞車去唔切總站, 設計得比較好ge系統應該要識得自動延後開車時間.
例如原本開出時間係19:05, 但系統預計架巴士要19:08先返到總站, 咁系統就應該要自動將個開出時間更新為到達總站後幾分鐘時間 (例如19:11), 預返啲時間俾乘客上車.
據眾多版友觀察, 似乎九巴個ETA系統係唔識得因為巴士遲返總站而自動延後下一程ge開出時間.
不過就算系統唔識得自動延後開出時間, 九巴站長/控制中心應該睇到哂啲巴士實時位置/預計幾時返到總站, 如果有心做, 就應該提早人手改開出時間.
我覺得個熱線員第一次係係亂答樓主, 九巴套系統睇唔到架車有冇開? 點解第一次答樓主話19:05有車開, 後尾改口話冇?
本帖最後由 Ricky403 於 2022-9-9 22:51 編輯
934不嬲回程班次唔多準
港島無車時間準嗰陣就唔多客
本帖最後由 jackson_bus 於 2022-9-9 23:37 編輯
我都是受害者，我係上環站等，平時會以905A做指標，見到新巴尾車先叫正常，今晚等等下仲見到九巴尾車，心內滿是粗口，唔知等幾耐先有車，我由1910等到1937左右，見有936就轉會，去到荔枝角轉234X，上234X後即聽到「九巴934號路線，特快往來中上環...」，吹脹，最後睇apps，934 2000個班準時開，唔理係塞車定咩，至少無咗兩班車。
我睇見900都算係準時，1910開，1937到上環，只怪900係重點路線，934唔係囉！934雖然係快，中上環，都不用半小時返到荃灣，等了一段時間，走又唔係，等又唔知等幾耐，班次失準d客就流向對手，紅公司好似唔明依個道理。
我明樓主
有時嬲嘅位係你同我講塞車乜乜乜
但同類路線全部都正常
得我架車等極都冇
點樣唔嬲？
Mueller 發表於 2022-9-9 22:40
樓主係因為俾ETA fake, APP聲稱有車開但根本冇車玩乘客, 所以先咁火.
其實如果塞車去唔切總站, 設計得比 ...
好啦, 九巴站長將塞車未到站嘅班次抽起費事誤導,
大家見到「暫時沒有預定班次」又話唔知等幾時先有車...
好啦, 學城巴新巴咁電腦自動就到站時間延誤而押後,
大家又會話個時間係咁跳後, 係呃人喺站到等車...
咁到底要點做先滿足到各位嘅要求呢？
本帖最後由 EX-TL 於 2022-9-9 23:57 編輯
如果用九巴APP睇新巴城巴班次係一直延後, 其實個客應該第一時間轉開新巴城巴APP睇吓發生咩事, 有里數有原因, 唔似九巴個廢APP想知咩都冇辦法知道, 但好奇怪周街等巴士嘅都係睇九巴APP, 就算喺港島巴士站有電視mon列明, 個客仍然要睇自己手機個垃圾九巴APP.
九巴獨營/九巴班次就唔好意思啦, 繼續捱佢個垃圾APP罷啦!
ENS529 發表於 2022-9-9 23:40
好啦, 九巴站長將塞車未到站嘅班次抽起費事誤導,
大家見到「暫時沒有預定班次」又話唔知等幾時先有車...
...
睇下巴士公司有冇心盡量將最多資訊發放俾乘客知啫.
如果巴士只係稍微遲到總站 (例如遲5分鐘), 比較好ge應對方法就係系統自動延後開出時間, 總好過明知架巴士唔可以依時開出, 但係又唔改開出時間.
但如果好似你咁講, 巴士塞住咗行唔到或行得好慢, 開出時間不斷跳後, 咁比較好ge做法就係喺個app度顯示 "巴士前往總站行程受阻, 預計開出時間進一步延遲" 或類似字句, 盡量將個實況通知乘客.
原理同新城app/九巴app個行車受阻類似, 技術上應該唔難做到.
再好啲做法就係系統自動出個alarm提醒站長/控制中心開出時間已經大幅延遲, 從而調配另一架巴士行走該班次.
Mueller 發表於 2022-9-9 22:40
樓主係因為俾ETA fake, APP聲稱有車開但根本冇車玩乘客, 所以先咁火.
其實如果塞車去唔切總站, 設計得比 ...
熱線未必係亂答,佢都係實時睇住站長紙黎答
咁站長冇係站長紙上面特別備註,熱線照住答咪會錯
反而屎水個系統有得睇係預計到站時間定實際已經到站時間,熱線可以即時知道究竟係咪真係有車開過