ENS529 發表於 2022-9-9 23:40
好啦, 九巴站長將塞車未到站嘅班次抽起費事誤導,
大家見到「暫時沒有預定班次」又話唔知等幾時先有車...
...
說話就唔係咁講，如果一開始就見到「暫時沒有預定班次」，起碼就唔會期望幾點有車來，就算等都係心甘命抵地等。
KC8249 發表於 2022-9-9 21:17
明明已經塞車回唔切車，你仲發人晦氣有咩幫助？
同意
人地熱線員都係是打工，好心回覆，無啦啦仲要受氣，無車到又唔係佢既錯造成，將心比己，人地都覺無辜同難受
jackson_bus 發表於 2022-9-9 23:23
我都是受害者，我係上環站等，平時會以905A做指標，見到新巴尾車先叫正常，今晚等等下仲見到九巴尾車，心內 ...
原來呢度仲有另一位師兄係苦主，我就係因為見到有900 960 等路線駛過，所以先覺得沿路交通情況無異常。之後我都見到2000灣仔開果班正常開出，我心諗，如果繼續死等落去，咪即係要等足一個鐘先上到車？！
我搭咗934都有一段時間，平日早晚兩繁啲車都好準時，真係無諗過25-30分鐘一班嘅時段，都可以連甩兩班車，中秋加週五效應真係唔講得笑，就算630當日港島大規模封路都仲搭得到！
969A尋晚18:30 都遲開，預計班次一路照行，乘客都你眼望我眼係咪冇左班車，到後來六分鐘後終於有車
本帖最後由 samuelho668 於 2022-9-10 09:26 編輯
就算依家個APP有設計到行車緩慢 同 行車受阻@地方, 都唔係成日出到呢句野
有時自己搭緊架車塞緊都無顯示出黎
至於返唔切車搞到遲回車, 其實都應該改善下無GPS訊號就唔應該顯示出黎
ronlam 發表於 2022-9-10 06:53
原來呢度仲有另一位師兄係苦主，我就係因為見到有900 960 等路線駛過，所以先覺得沿路交通情況無異常。之 ...
其實我都經常搭1905灣仔開個班934，都係經常遲經常失蹤，一前一後個班又好準時。點解拎905A做指標，我有次見過報站LED monitor 仍顯示905，所以我估有班次上段行905，再者我之前係西邊街返工，會搭905過西隧或101,104,113出上環轉934（我是月票客），大約晚上七點半前905九巴尾車同新巴頭車會到正街往荔枝角（連帶905A亦是）。我試過接近八點仍見到九巴車，再望934班次當然消失了，所以我懷疑有班係905過港島再行934，灣仔北個帶塞車就恭喜各位搭唔到車。
我亦試過等成粒鐘，其他路線密密到，跟住投訴，只係話灣仔路段塞車，其他路線無影響就已經唔識答我，當日有諗轉搭其他線，但都唔夠有934快（經常搭968到大欖過對面轉車落荃灣），有時見有車返到，ETA即彈個班次出嚟，有車真係好快，934係衰無車。
jackson_bus 發表於 2022-9-10 10:08
其實我都經常搭1905灣仔開個班934，都係經常遲經常失蹤，一前一後個班又好準時。點解拎905A做指標，我有 ...
19:05班934係做完17:20嗰班私返灣仔做
934以菲林明道而唔係會展為總站，我想可能係為左方便同多個總站嘅線互相柯打，便於車務運作。好似琴晚咁塞車回唔到總站，會展無車嘅時候，九巴有無考慮過由天后派車來救934？甚至由東區果邊總站派部原本行紅隧線嘅車來救？根據版友話見到多部960同968駛過，我想原本可以抽一班960或968來救934？
sunhoo 發表於 2022-9-10 10:42
934以菲林明道而唔係會展為總站，我想可能係為左方便同多個總站嘅線互相柯打，便於車務運作。好似琴晚咁塞 ...
識行咪黎救你, 更可況你講既960/968派車都無荔廠份咁濟, 一陣黎救934行錯路又要俾你班西客鬧, 邊個會冒險黎救
samuelho668 發表於 2022-9-10 09:21
就算依家個APP有設計到行車緩慢 同 行車受阻@地方, 都唔係成日出到呢句野
有時自己搭緊架車塞緊都無顯示出 ...
至於返唔切車搞到遲回車, 其實都應該改善下無GPS訊號就唔應該顯示出黎其實係應該係想方法去處理回唔到車﹐就唔好如常當有車開﹐之後車站就如常同你計算預到時間。
部車有大延誤仲行緊上一程﹐都未返到總站﹐唔通有能力玩分身行下一轉車咩:L
有站長管理的總站﹐都可以靠站長去入機調整。
去到無站長管理的車站﹐真係要靠班IT人﹐點去用GPS的資料﹐判斷上一程車是否行完返抵總站﹐以提升準碓度。