我今朝睇ETA，8點幾睇到269D冇預定時間，冇幾耐出返嚟，我仲以為係啲車返唔切
其實凌晨三點幾已經話五點落波
下次洗唔洗提早半日通知?
Toz 發表於 2022-11-5 10:18
其實凌晨三點幾已經話五點落波
下次洗唔洗提早半日通知?
似樓主訓咗冇睇就喺度話人錯
師兄，你咁樣問，只可以話你知錯在打風
1. 天文台掛唔掛風球、落唔落波係有準則，到底你想點樣協調先至有用？至於有無通知老運（以至其他部門），點解又會咁肯定係無？
2. 所謂運輸署零協調，師兄確定運輸署係無指引無跟進？
3. 巴士公司最短命果間都已經做咗23年，呢23年都打過唔少8號波，師兄你真係天真到覺得佢地會無提早做好準備？
坦白講，畀你協調又如何？巴士司機都係人，八號風球乜都無嘅情況下要全部早班司機準時開車，會唔會諗得太理想？佢地點樣返廠返站頭攞車？泊喺山旮旯嘅車邊個去開？
我知內部有颱風員接車，但就算畀你開到又點樣？有幾多架車幾多個人可以出到？之前果晚要留幾多個人喺廠等運到？
最後，好唔理解「今次不單用語言偽術欺騙巿民, 掛風球決定進退失據.」呢兩句話嘅意思
請問佢邊句說話係「語言偽術」？請問又如何「進退失據」？
批評係可以令到件事變得更好，但批評前可唔可以諗多步，令到自己提出嘅理據變得合理而唔係無理取鬧
喺提出「零協調」、「無準備」、「進退失據」嘅時候，有無實例可以支持你嘅論點
最錯係保險公司，８號風球或以上任何交通工具的唔包保險。
攪到巴士因路面突發情況損毀無得賠；
的士收工老奉，搵到的士要被迫違位按錶後再加錢。而且打風開工佢仲要俾錢賠車主，同自己受傷保險通通無得賠。
仲俾人鬧點解無車載我返工。
所以一切嘅錯都係保險公司。