我對新巴城巴在專營權交接嘅活動安排上感到失望，行程規劃不對辦喎！
巴士專營權交接，各位職員都勞苦功高，不過在交接安排上，就出現了一大堆問題，未能盡興而歸新巴最初想著用4架波浪紋巴士行970X作為讓乘客參與的「告別儀式」，之後又話0400喺藍灣半島用「N8P」做新專營權嘅「首航」班次……
但係佢哋有無計過970X嘅實際行車時間㗎？正常情況下，01:30甘泉街開，都要02:00左右才到西區隧道口，快極都要02:15才到香港仔，正常的話甚至係02:30！
如果好似交接當晚咁，大批乘客在深夜上車，必定多擾攘，乘客去到香港仔又一定會拍照留念，結果最後嗰㗎970X要去到03:00才能到香港仔，又何來有足夠時間搭「街車」由香港仔快速地返到小西灣睇「N8P」城巴首航呀？
正因如此，我就唔夠膽排隊搭970X尾車，01:30過後就搭N171轉N118，由長沙灣經紅隧去小西灣，但係就攞唔到新巴紀念品！而巴士迷搭其他通宵過海路線由九龍去小西灣，又影響了其他巴士嘅正常行車時間，又有其他乘客問「做乜㗎巴士今日咁多人搭㗎，搞到無位坐」！而且都未講到巴士迷喺馬路上面影巴士影響交通安全嘅問題呀！
之後轉車去到小西灣，只見督察早早就架起鐵欄，以為有大批巴士迷會嚟，仲要擺咗N架巴士，點知到最後班「巴士迷」喺香港仔返唔切入小西灣，原本又以為會出8910嗰啲「氫能巴士」，點知到最後只係用貼咗橙色貼紙嘅巴士去做首航！而且仲要係03:54新巴尾班車，以及04:00城巴首航就已經載曬大部份嚟「襯熱鬧」嘅巴士迷，我會覺得「Bravo」今次欠缺周全囉！
但係佢哋又用㗎「5550」開篷巴士去招呼記者由長沙灣載到香港仔，之後又好快去到藍灣，仲要載埋人哋返車廠！
一般乘客或者巴士迷可能未必睇到咁樣有問題，但我係PLG常客嚟㗎！你哋咁樣都有，成個Tour根本唔對辦喎！
如果係理想嘅行程，倒不如直接由香港仔免費載乘客去小西灣，或者直接喺藍灣半島搞交接同告別儀式仲好過啦！ 邊有人話個「Tour」係包生仔？更何況人地根本唔係tour。尾車就係點半，頭車就fix死左係四點，中間就係得兩個半鐘，邊有得魚與熊掌兼得架；坐9號或者早兩班970x就可以趕得切去藍灣，但就冇左你地最中意嘅「儀式感」。呢個世界邊有兩全其美架。 最PERFECT係開49S,香港仔往藍灣半島,屈夠廿幾蚊位,連72S都可以唔駛開.
不過,凡事邊有完美,新城班伙記呢個幾月已經諗得好好,做得好好啦. 駛唔駛開班49X喺03:00畀你哋不停站特快前往小西灣呀⋯⋯
官方無任何保證你一定搭到你想搭嘅車/線，
肯開班72S畀你哋出返銅鑼灣已經算係「仁慈」，
佢大可以要你哋照等N72㗎⋯⋯
「理想唔一定會實現」應該係樓主第一樣需要學識嘅嘢。 970X 尾班車之後出咗幾部終極尾班車, 唔存在影響街客問題 今日所見站牌未換，仲有今日暫時未見城巴車行前新巴線或前新巴車行城巴線 根本屎水唔想玩呢個交接遊戲啦,只係當橙汁呢個品牌消除咗噤解揸.:lol
btw,它都好Fuck人明明宣佈咗KTS開01:30的970X係橙汁終極尾車,但就私下係ISR開03:59的N8P先係LastRun搞到巴迷唔知點搞好呢?(但就時間問題永遠去唔到兩邊):funk:
樓主咁想要禮物
其實可以上咗尾班970x後
深水埗/旺角落車轉N118
同埋世上仲有一種交通工具叫的士
冇需要幻想屎水會開條專線畀巴迷
GD1570 發表於 2023-7-1 11:12
駛唔駛開班49X喺03:00畀你哋不停站特快前往小西灣呀⋯⋯
官方無任何保證你一定搭到你想搭嘅車/線，
其實個問題係「Bravo」今次係用咗公共專營巴士，去做埋一啲「旅遊性質」嘅生意呢！利用Gimmick去製造話題嘅公關宣傳推廣活動，咁所以佢係應該有一啲「旅行團」嘅「行程規劃」概念囉！
如果唔係點解之前又有開篷巴士行H1B，行曬新巴咁多車廠，仲要講「筲箕灣派對」、「紅隧決戰場」？
甚至十幾年之前嘅另一間公司搞「再見3+2」，咁點解要請巴士工程師講巴士部件，之後先至由九龍塘行80M去穗禾苑？
如果唔係用「開篷巴士去車廠」，或者「用3+2巴士」去搞活動接載乘客，咁呢啲具有「旅遊性質」嘅巴士班次，仲有無人去Join？有無傳媒去報導？