tkglobe 發表於 2023-8-7 21:29
巴士線只會影響其中一條行車線, 而唔係要導致其他車輛塞車去配合
原本行緊果個出口嘅私家車，在你將果個出口劃為巴士專線之後，會轉用其餘出口，為其餘出口嘅地面路網帶來更多流量。呢度頂唔頂得順，係要做simulation先知。我所謂“去兜水街”，只係官方建議行法，唔代表無人轉用其餘出口。
本帖最後由 12Lane 於 2023-8-7 22:56 編輯
tkglobe 發表於 2023-8-7 21:27
請問何謂全世界認同? 淨係你提出嘅呢個建議, 好大部分人都唔會贊成
要慣架啦，而家仲邊有人理民意？一於霸王硬上弓啦。第日好多巴士都會因鐵路通車受到同樣對待，咪睇下大家係咪仲咁口響。
我都可以話學新加坡行擁車證大幅增加揸車成本啦，口講又唔駛負責嘅，講到幾天花龍鳳都得架。
12Lane 發表於 2023-8-7 22:53
要慣架啦，而家仲邊有人理民意？一於霸王硬上弓啦。第日好多巴士都會因鐵路通車受到同樣對待，咪睇下大家 ...
唔係理唔理民意，民意有機會係支持公共交通或反對公共交通，只睇民意就死得。應該做嘅係充分溝通爭取共識。其實想說服私家車受益群體去支持公共交通發展都唔難，因為有人由揸車轉用公共交通，咁就少左人同死硬派競爭道路空間。我見到美國業界就係以呢套說法，說服左社會去以公帑發展公共交通。
sunhoo 發表於 2023-8-7 23:02
唔係理唔理民意，民意有機會係支持公共交通或反對公共交通，只睇民意就死得。應該做嘅係充分溝通爭取共識 ...
民意可以支持or反對公共交通...Excuse me? 點解要反對公共交通，佢開巴士起地鐵對我揸車有咩影響？
你取消左條路先對我真係有影響喎。
（利申番先，我就冇車嘅，純粹講邏輯）
如果你係想講公帑運用，我想問，
喺現代香港有咩方法可以令民意有效阻止到一樣政策實行同埋反對一樣基建落實？
sunhoo 發表於 2023-8-7 20:35
我認為嘅平衡各持份者係意味著，私家車在擬議嘅新樽頸位排隊，唔會阻到唔關事嘅方向嘅車流。會阻到嘅方案 ...
咁西區居民就唔使搭巴士？大半條主幹道嘅車倒哂落水街一帶gridlock，佢地有冇 alternative 先？每朝攬炒佢地唔係辦法。唔講民意反對，西隧仲要係機場同粵西入 CBD嘅主要道路，政府夠唔夠魄力改哂成堆商家/高官嘅路先？
kei_hk 發表於 2023-8-7 14:57
蒸蝦餃 發表於 2023-8-7 13:50
的士錢係個客比, 點會突然有堆的士會用多左西隧過海的士佬只會揀順路 ...
預料中事以外，大家都係估緊下轉再減價會否再增加車流，令西隧巴士行車時間計落少左著數
都係等啲車流定好哂，運吉先會再同巴士公司傾改唔改巴士線分佈同行車安排
梗硬響實行分時段收費時畫蛇添足，只會得不償失
無奈家陣依啲常識都要講出嚟
12Lane 發表於 2023-8-7 23:42
民意可以支持or反對公共交通...Excuse me? 點解要反對公共交通，佢開巴士起地鐵對我揸車有咩影響？
你取 ...
扯太遠啦，還原基本步吧。我會希望在技術層面拆解一個方案潛在嘅反對聲音。下下都講咩公共交通咁大議題未必真正幫到手。
原本行緊西隧上環出口嘅車，兜干諾道西行至水街再上公路會耐幾多，可以計到嘅。咁之後我就想瞭解下當年在紅隧實施巴士打尖嘅時候，我地點說服私家車接受去排更耐。希望可以借鑑當年經驗啦。
JH_LE4612 發表於 2023-8-7 23:54
咁西區居民就唔使搭巴士？大半條主幹道嘅車倒哂落水街一帶gridlock，佢地有冇 alternative 先？每朝攬炒 ...
唔好誤會，我所謂私家車兜水街，根本唔會踩入電車路，甚至唔會影響原本一直沿干諾道西行嘅車流。私家車由西隧落到干諾道西行方向，一直保持在最右線，兩枝燈後右轉經水街上干諾道，完全無gridlock可能。
係904同905會同呢條私家車龍重疊。改路加停高樂可以解決，但早繁想在電車路落車嘅人，會唔會介意你加停高樂？我無主意，可以再議。
暫時諗到上下繁私/對站可以受益路線
106,116,606過鐘/私牌車可改經東隧
101,109,115可改經西隧,佐敦道
960,961下繁私對站改經西隧,中灣繞出
182,373,673,681下繁私對站改經青沙,西隧
307,373,673,680X,681P上繁改經私西隧,青沙返新界
本帖最後由 12Lane 於 2023-8-8 02:28 編輯
sunhoo 發表於 2023-8-8 00:49
扯太遠啦，還原基本步吧。我會希望在技術層面拆解一個方案潛在嘅反對聲音。下下都講咩公共交通咁大議題未 ...
「我地點說服私家車接受去排更耐？」，咁調番轉我想問，係咪說服唔到就唔應該做？
講一樣野之前，係要有目的同原則問題，點樣去平衡大眾利益同小眾利益。唔好講咩野私家車先啦，就當係搵食車，都已經係另一種講法。而唔係計死數話一部巴士幾多人幾多分鐘同埋一部的士又幾多分鐘。皇帝出巡封晒路，塞到hihi，已經答左你邊個嘅一分鐘係比較重要。當然，揸旗果個都可以攞走其他人/搵食車/潛在上流人士嘅一分鐘去成全巴士上每個人嘅一分鐘，但都係屬於利益權衡。
巴士係大眾運輸，以前地鐵唔發達嘅年代，搞巴士專線都算係必要之惡，你連唯一條屯門公路都比唔到人行得通、紅隧行得順，對經濟有影響，都吸引唔到人搬去新市鎮住，但而家基本上地鐵四條線過海，就算新界東西搭鐵去港島商業中心都近乎零死角，紅隧巴士都講緊cut車cut班，西隧線都危危地，再搞巴士優先係咪真係配合到而家嘅社會發展環境？