UN8708 發表於 2023-9-30 22:50
無論有冇替代品，開足車係巴士公司原則上必須負上嘅社會責任。
做巴士服務唔係做生意，一定有賺有蝕。
喺 ...
阿生，而家講緊個前提係唔夠人唔夠車，你就淨係識講開足車係責任，連前提都唔理。你有無解決過問題？
無呢個前提既話鍾意點都得，但而家唔係嘛
咁樣唔係叫做 problem solving 囉
S3BL100 發表於 2023-10-1 21:57
阿生，而家講緊個前提係唔夠人唔夠車，你就淨係識講開足車係責任，連前提都唔理。你有無解決過問題？
無 ...
專利巴士既前提係要開足車, 開足車唔係咩社會責任, 係佢專營權要做既本份
你所謂既前提根本錯重點, 一間公司要請個員工識英文, 請左之後發現原來個員工寫篇文又串錯字又錯漏百出, 跟住你就話而家前提個員工係A-Z都唔識所以做得唔好, 你又解決咩問題?
要解決問題咪炒左個員工囉, 仲有咩前提?
本帖最後由 S3BL100 於 2023-10-1 22:52 編輯
kd7941 發表於 2023-10-1 22:40
專利巴士既前提係要開足車, 開足車唔係咩社會責任, 係佢專營權要做既本份
你所謂既前提根本錯重點, 一間 ...
十個煲七個蓋，一定有三個煲無蓋冚。而家個前提係你根本得七個蓋，你就轉移視線，話前提係準備好十個蓋係本份
你講完之後，就會突然間有三個蓋由天跌落來？你打算點樣即時搵三個蓋返來？應唔應該搵返三個蓋係另一個問題，但你有無改變過本身得七個蓋呢個事實？
你解決唔到呢個問題，咩責任論都係廢話
S3BL100 發表於 2023-10-1 22:51
十個煲七個蓋，一定有三個煲無蓋冚。而家個前提係你根本得七個蓋，你就轉移視線，話前提係準備好十個蓋係 ...
我知道十個煲七個蓋, 但而家個問題係你拎自己個蓋去幫隔離屋阿茂冚煲喎
我一直針對一樣野, 口口聲聲話自己冇資源, 轉個頭就可以掟到車去啟德、十四鄉同屯門
而家港島既 23、38、42 收得平咩？收緊人 8 個幾喎
一定賺得多過條 20A 同 50M, 以及十四鄉將來果兩條全日線
不如你城巴開誠布公講, 你港島區嘅客俾嘅錢係臭嘅, 我唔鐘意要, 我淨係鐘意同對面海九公司爭飯食
如果城巴肯搲爛臉講呢番心底話, 我相信港島居民一定好樂意咁成全嘅
kay 發表於 2023-10-1 21:44
無鐵但仲有進智公交
真係獨市獨到只有巴士又有幾多位
睇晒FULL PICTURE其實呢區已經唔係差
成日賴進智同地鐵搶走班客, 但由一開始就已經唔當班客係人
38 同 42 合併、4 同 48 合併, 呢啲係咪做生意嘅態度？
華富邨拆緊甚至拆哂, 你城巴咁執線法我覺得無可厚非, 但現實唔係嘛, 華富仲有好多人住緊架
又好似 5X 同 7 合併, 擺到明就當班客係臭嘅
不如好似我上個post咁講, 你城巴大方認港島班客嘅錢係臭, 我唔收
你表明哂立場, 我做客咪自己諗用咩方法出入囉
superbus 發表於 2023-10-2 01:23
成日賴進智同地鐵搶走班客, 但由一開始就已經唔當班客係人
38 同 42 合併、4 同 48 合併, 呢啲係咪做生意 ...
重組你唔 buy 就等於人地做生意態度有問題？
本帖最後由 tridents 於 2023-10-2 03:53 編輯
superbus 發表於 2023-10-2 01:08
口口聲聲話自己冇資源, 轉個頭就可以掟到車去啟德、十四鄉同屯門 而家港島既 23、38、42 收得平咩？收緊人 8 個幾喎 一定賺得多過條 20A 同 50M, 以及十四鄉將來果兩條全日線
每次投訴 TCU 回覆都係話車務調動缺人壞車, 而當中多過案例比埋時間車號邊個站頂閘上唔到或飛站, 唔信就叫巴士公司比 CCTV 你地 TCU+TD 睇 , 下一班亦要十幾廿分鐘後才有車, TD 又話實地視察然後用語言藝術稱發現個別班次載客量的確比較繁忙, 總之搭唔到車等多十幾廿分甚至三十分唔覺有問題, 亦已要求巴士靈活調動車輛, 咁就當係解決問題.
好啦, 咪又掟返個 email 去 TCU 話呢間細公司無人無車有現存生意唔肯做連車也開唔足, 點解仲要批新線比佢? 仲要經營一堆無客新地區新路線而無能力維持港島區時間表下既原有服務, TD 就覆呢間公司評分最高所以有關新路線就比咗佢, 咁評分唔包過往表現? 龍門楂莊既任佢講.
投訴多班客搭唔到車, 入紙減班後再枱底收車, 舊有高中低價路線包括機場唔願做, 打江山打完攞咗塊地返嚟就得然後有佢爛地唔駛理, 橫掂 TD 做後台呢個仔幾衰都係叻仔, 咁多年 TD 偏黃唔覺有改善過.
本帖最後由 kitarolo 於 2023-10-2 06:37 編輯
superbus 發表於 2023-10-2 01:08
我知道十個煲七個蓋, 但而家個問題
係你拎自己個蓋去幫隔離屋阿茂冚煲喎
我一直針對一樣野, 口口聲聲話自己冇資源,
轉個頭就可以掟到車去啟德、十四鄉同屯門
而家港島既 23、38、42 收得平咩？
收緊人 8 個幾喎 一定賺得多過條 20A 同
50M, 以及十四鄉將來果兩條全日線
唔夠人喺營利機構嚟講係偽命題
請足夠人員/改善待遇等於賺少咗
好啦盤數計完點都做唔夠,咁仲學人
擴張服務? 舊有路線奉旨拉疏、獨市
位慢慢等,算唔算蓄意不提供表列服務?
進取啲可以放棄半邊112,鐵路覆蓋得晒
亦可符合正苦口味,不過又唔想益咗九巴
咁勉為其難做生意(唔少得署方縱容)
直接取消舊線,好過聲稱有服務但要睇
心情/大時大節攞資源去邊境而貴客自理
superbus 發表於 2023-10-2 01:08
我知道十個煲七個蓋, 但而家個問題係你拎自己個蓋去幫隔離屋阿茂冚煲喎
我一直針對一樣野, 口口聲聲話自己 ...
咁新區點都要有巴士公司接手做
你搵九巴接手，同樣係隔離舊區抽車出來做，只係爆煲既唔係你樓下堆線你唔覺咁解
單係隔離台報263開20分鐘一班然後連續幾班城隧頂閘飛站
影響已經大過呢劑唔少
當然我認同23B呢啲固定班次既繁時線，收車係好離譜
但歸根究底其實係成組線（23/40/23B）個運作模式有根本問題
三條線都太長，夾唔到班次
結果塞一塞，班次間距長，就連續幾班飛站
間距短，就載空氣上山
既然大部分學生都係搭地鐵轉巴士上山
其實最節省資源，又方便學生預行程既做法，係12A模式
喺 金鐘站 門口，擺架車喺度煲客，定點開23上山
然後40直接減落15/20，23正線正式減落12，23B三變二
咁做，只要學生保證某個時間去到金鐘站站頭，就唔會遲到
而唔係日日好似賭博咁
superbus 發表於 2023-10-2 01:23
成日賴進智同地鐵搶走班客, 但由一開始就已經唔當班客係人
38 同 42 合併、4 同 48 合併, 呢啲係咪做生意 ...
咁MTR小巴搶巴士客最大原因係車海
但巴士有幾多有車海
即係好似63A 51S 59A呢D 19座密密開
D客慣性排佢地唔排巴士
點樣改變佢地慣性?
討論左十幾廿年都無方法
不過我認同其他版友講
巴士公司做D你唔LIKE既重組
係咪就一定唔係做生意
巴士迷成日覺得自己好醒
但實際上巴士公司先最清楚條線表現
佢自己真金白銀做生意
大家除左課金搭車就咩都無參與
所以依家個天秤側左去巴士公司係有原因