本帖最後由 kei_hk 於 2024-4-27 10:49 編輯
s20131417 發表於 2024-4-27 00:54
趁著九公噚日更新T&C，小弟想再引一下當中2條：
小弟唔肯定旅客日票個二維碼係咪能夠查到使用者嘅登記資 ...
總之一句啦﹐人家張車票講到明係賣給遊客﹐唔係供本地香港人使用。
你用你的方法去買到﹐唔代表你係符合便用條件。
人家理唔理/捉唔到係另一回事﹐但係捉到就後果自負囉。
如果本地香港人係可以完全唔理後果﹐覺得出事率係 "零" or 自己可承擔﹐咪去馬買番張去玩下囉。
真係想慳錢﹐坐尾班車用綠色卡﹐之後轉用粉藍色卡好過。:P
正如MTR都有供遊客使用的1日/2日票﹐有效期內有條件地任坐。
同樣地﹐條款講明本地香港人不可使用。
本地香港人用自己方法買到並且使用﹐比人捉到咪又係後果自負囉。
當你無支付車票乘車﹐就一定走唔甩。
busnrail_fans 發表於 2024-4-26 17:04
根據呢張日飛嘅適用對象，都唔係好關一般本地公眾事
似乎交返俾文化體育旅遊局（或者其下屬部門）出通告 ...
因為運輸署係監管巴士公司﹐包括票價。
所以﹐運輸署發出公告係正常的。
而其他政府部門(eg. 旅發局.....) 係可以幫手助攻的﹐但幫唔幫手就另一回事。
仲係果句，港鐵捉到不當使用車票可以罰你500蚊，但九巴無咁嘅罰則，最多補番車費了事。違規成本極低。
sunhoo 發表於 2024-4-27 10:25
仲係果句，港鐵捉到不當使用車票可以罰你500蚊，但九巴無咁嘅罰則，最多補番車費了事。違規成本極低。 ...
其實都係睇下九巴會唔會攪大來做﹐後果係可大可小的。
斷正認衰﹐好大機會正如你所講﹐叫你支付車費便算。
如果仲係認叻串串口﹐可以真係慢慢同你玩。
由於你要交資料﹐要做聲明﹐所以你一定知這張車票唔係供本地香港人使用。
你仍然用你自己方法去買及使用﹐係可以告你詐騙或相關罪行。
你真係打自己的護照號碼還好﹐如果係你亂填﹐可以交警方處理﹐告你使用虛假交書。
都係果句﹐本地香港人要慳錢﹐而家就用綠色卡﹐遲D就用粉藍色卡。
坐夠 $400/月﹐仲有交津添。
照計可以平過$55 日票。;P
ps. MTR 現時係罰 $1000。
去到呢一刻它未有人”以身試法”話買到用到播.... 不過 今日開ecoin嗰度都唔見有日票相關嘅掣 哈哈
kei_hk 發表於 2024-4-27 10:41
其實都係睇下九巴會唔會攪大來做﹐後果係可大可小的。
斷正認衰﹐好大機會正如你所講﹐叫你支付車費便算 ...
先旨聲明，唔鼓勵犯法。
但可預見日票同兩蚊卡嘅風險成本相差甚遠，執法者嘅執法成本都相差甚遠。
另一九巴新聞稿: https://www.kmb.hk/news_detail.html?id=890&year=2024
kei_hk 發表於 2024-4-27 10:41
其實都係睇下九巴會唔會攪大來做﹐後果係可大可小的。
斷正認衰﹐好大機會正如你所講﹐叫你支付車費便算 ...
即使係香港永久性居民，都可以以外地訪客身份入境香港。我真係揸住張旅客入境標籤去用日票，九巴奈我幾何？無香港以外地方發出嘅旅行證件嘅人，先完全無法律漏洞可捐。
sunhoo 發表於 2024-4-27 13:09
即使係香港永久性居民，都可以以外地訪客身份入境香港。我真係揸住張旅客入境標籤去用日票，九巴奈我幾何 ...
一個香港本地人﹐要刻意離開香港﹐再用外地passport入境﹐之後再要在指定日期前離開香港﹐再用番香港身份證入境。
目的係為左用 $55 的日票﹐真係 X X 無極限。
kei_hk 發表於 2024-4-27 17:22
一個香港本地人﹐要刻意離開香港﹐再用外地passport入境﹐之後再要在指定日期前離開香港﹐再用番香港身份 ...
現時已有一定數量香港居民過著每日過境嘅生活。當然，佢如果某日用左遊客身份入境，咁佢在香港期間就唔合法翻工翻學。
結論係，無可能完全排除有一部分生活在香港嘅人可以合理地用到九巴日票（可以推廣到更多只設計俾遊客嘅安排，例如商場嘅遊客獎賞）。只不過呢類人足夠特殊，令呢個群體細到無傷大雅。