假如回到90年代，整個鐵路網重新規劃......
而家屯元天、東涌機場要用鐵路出九龍嚴重依賴已經飽和嘅荃灣線做接駁，搞到要用大量平行巴士線輔助，實屬規劃失敗，如果可以重新規劃，可唔可以做得更好？第一、東涌線及西鐵改經旺角
a. 東涌線及西鐵於南昌站後改經通州街公園、塘尾道、於近亞皆老街設「旺角站」，沿渡船街、巧翔街附近返回原線。
b. 機鐵走線不變，但與東涌線交匯處設聯絡線，定時開行「經旺角」特別班次，增加機鐵吸引力。
第二、整合旺角區鐵路站
a. 旺角火車站、旺角地鐵站改用空調地下街形式連接，促進兩站間轉乘，增加旺角人流使用鐵路意欲及創造地下商場商機。
b. 整合既有站及東涌線、西鐵旺角站成為類似東京新宿站的「旺角超級鐵路站建築群」並以地下街、自動行人道等連接，促進多線轉乘，另使大部份鐵路可以一線直達九龍核心。
第三、設立大角咀膠輪捷運系統
a. 為補償奧海城一帶無鐵路到達之弊，故興建架空膠輪捷運系統。建議走線如下：
旺角站（亞皆老街近旺角中心）
↓
大角咀站（近櫻桃街交匯處）
↓
↓→維港灣站（海輝道）→海帆道車廠→日後伸延至南昌站
↓
奧海城站（近富榮花園二期）
↓
渡船角站（海泓道近八文樓）
↓
西九龍站（轉乘東涌線、西鐵、高鐵）
b. 有關系統除可方便旺角西居民往旺角轉乘鐵路，更可促進旺角舊區與新區東西連接，帶動人流往旺角西填海區。
以下開放討論 本帖最後由 ate214 於 2024-7-17 08:02 編輯
搞清楚成件事既關係先
奧運站本身係機場核心計劃既範圍
無奧運站既話唔好話奧海城
根本成個海皮既樓都唔會出現
個新交通系統預定既服務對象至少一半從一開始就不存在
咁有咩用？ 東涌線咁樣屈過旺角
咁即係成個香港站九龍站冇咗?
要分返清楚,
東涌線通車頭廿年 好大程度上都係東涌線分流荃灣線最繁忙路段 最應該補嘅係中九龍線，橫貫南昌、油旺、啓德跑道區、九商、觀商；
帶動九龍東發展，同時便利新界西往返中東九龍
東涌綫同東涌新市鎮本身都係新機場嘅產物，直接講AE先係主人婆。
至於點解西鐵只到南昌，留俾熟書板友解説 Quanta 發表於 2024-7-17 11:21
東涌線咁樣屈過旺角
咁即係成個香港站九龍站冇咗?
東涌線旺角後可以係巧翔街附近地底出返九龍站
西鐵都可以咁樣駁返去柯士甸站 流星☆雨 發表於 2024-7-17 11:49
最應該補嘅係中九龍線，橫貫南昌、油旺、啓德跑道區、九商、觀商；
帶動九龍東發展，同時便利新界西往返中 ...
所以機鐵我會比佢走返原線行三號幹線橋底直入九龍站，東涌線先兜入旺角
但係因為而家機鐵唔經中環以外任何一個市區核心，搞到乘車率偏低，如果部份班次可以經停旺角應該可以有改善 ate214 發表於 2024-7-17 08:01
搞清楚成件事既關係先
奧運站本身係機場核心計劃既範圍
機場核心計劃唔止奧運站一個，重有機鐵、三號幹線等，而家只係搬走東涌線一樣，其他全部野都照返原來計劃去起
現時奧運站缺乏連接九龍市區同新界東嘅交通，你可以見到奧海城人流係遠不及朗豪坊等旺角舊區商場，如果改用膠輪捷運駁返去旺角，可以將旺角人流引過黎之外，重可以利用埋現有地鐵市區線同東鐵嘅網絡連通全港
呢個概念我個參考東京臨海副都心同百合海鷗線去規劃，用集體運輸工具將旺角舊都心同旺角西副都心結合先可以做到相互發展 ky26042008 發表於 2024-7-17 13:16
東涌線旺角後可以係巧翔街附近地底出返九龍站
西鐵都可以咁樣駁返去柯士甸站 ...
S型走線? 呢條時速過百嘅重鐵嚟㗎
ky26042008 發表於 2024-7-17 13:32
機場核心計劃唔止奧運站一個，重有機鐵、三號幹線等，而家只係搬走東涌線一樣，其他全部野都照返原來計劃 ...
周圍既樓都係奧運站既上蓋或者因為有奧運站直出港島而起
無左東涌線奧運站
點會做到同原定一樣?
最應該起而又未/ 冇起嘅，應該係
1. 九龍中線： 貫穿九龍東、亞皆老街、旺角、大角咀、南昌（東邊可以睇下入唔入到將軍澳/ 科大，順便做分流）
2. 北港島線（港島線分家）
頁:
[1]
2