66702686 發表於 2024-7-17 19:47
其實當初應該係要直接拉219x去油塘而唔係另外開條14x
以死攬一條邨巴黎講，219X保到今時今日仲有咁嘅班次執到，仲洗理你油塘仲要行海濱先出？
唔少人搭219X油尖往觀塘工業區（偉樂街落車步行前往）
本帖最後由 mattwong09 於 2024-7-22 18:40 編輯
kay 發表於 2024-7-17 22:11
一條做晒班次隨時又係20-30
14X本身亦係做黎做去都做唔起個類
以麗港城嘅 case 嚟睇，觀乎所有直接服務麗港城嘅公共交通路線過去十幾年服務水平同需求嘅變化，除咗小巴69系列分拆咗69A後有明顯上升之外，其餘路線均呈長期緩慢下降嘅趨勢，相信其他類似嘅中產住宅區都唔例外
新時間表今日生效，對比返上一份表，班次數目變化如下：（括號內為對比2013年10月，即219P取消時，至2019年4月生效嘅時間表嘅編定班次數目跌幅）
平日：56 --> 48 (-33.3%)
星期六：55 --> 52 (-26.8%)
假日：48 --> 44 (-31.3%)
今次減班後，相信會有更多客流向215X、地鐵等替代路線；如果考慮埋其他同樣往返住宅區同尖沙咀嘅路線喺呢幾個星期相繼減班，亦都反映來往尖沙咀嘅實質需求係下降緊
mattwong09 發表於 2024-7-22 18:38
以麗港城嘅 case 嚟睇，觀乎所有直接服務麗港城嘅公共交通路線過去十幾年服務水平同需求嘅變化，除咗小巴6 ...
流向215X或地鐵機會甚微, 我睇客量下降同居民出行唔一定要出尖咀有關(包括轉車), 太子有69A, 佐敦有W2, 亦多左去其他地方路線, 而北上趨勢係另一致命傷.
成業街休憩公園由以前冇站, 逐D逐D路線加停, 而家輪到麗港公園, 遲下翠屏河花園打通埋敬業街, 無論搭車方便度, 或者過去商貿區條路闊落好多, 形成商貿區消費帶.
自從成業街休憩公園搬過去翠屏河花園, 越來越多居民行成業街出觀塘, 成業街市道亦比以前明顯暢旺, 連帶23B 23M小巴都少人搭.
最近, 麗港城議員其中一項對交通的訴求, 包括咗要求23系小巴重新招標, 意思即係「交牌」, 根本你換邊間營運商都一樣, 少咗人搭自然畀少D服務.
之前幾位板友討論嘅14X, 一直做唔起除左要兜出海濱同埋塞加士居道之外, 根本係由14C轉型, 至放棄啓福道天橋呢段日子都係儲唔到客, 油塘大大個地鐵站, 去尖咀佐敦經港島綫一早成為主流.
就算219X拉到去油塘, 客量唔見得會好幾多, 對油塘來講來回兜入麗港城, 比現時經海濱道 牛上唔會快咗, 客源又係得咁多, 最弊係冇得執215X雞, 而麗港城-油塘唔見得有大需求, 23C小巴說明咗呢點.
以前個年代, 行街買嘢消閒去九龍公園 美麗華 海港城, 而家邊駛, 本區有Megabox apm, 甚至係德福呢個屋苑商場都夠同國際廣場 前SOGO呢挺「大商場」有得揮, 消費模式唔同晒, 甲級商廈空置率又升, 非繁主打行街客, 呢幾年恐怕都係捱打.
JX9097 發表於 2024-7-17 20:25
麗港城唔肯放手嘛
依家茶果嶺發展中
唔知可唔可以上去幫幫手喇
幾年之後公屋起好再講
到時高嶺路另有道路接駁茶果嶺道，219X係麗港城總站後可以經茜發道、高嶺路同新路去茶果嶺道再去油塘
Toz 發表於 2024-7-27 04:36
幾年之後公屋起好再講
到時高嶺路另有道路接駁茶果嶺道，219X係麗港城總站後可以經茜發道、高嶺路同新路 ...
茶果嶺仲有將藍巴士路線可以用
對九巴黎講油塘唔係條條線都旺佢
拉去油塘應該吸引唔到佢
反而鯉魚門轉型慢
到依家都仲有堆工廠
開頭諗住10年就成區變晒住宅都無
得個堆私樓都支持唔到14X太多
反而又係益左堆小巴
219X觀塘段應該繼續都係不變應萬變，頂多體育園開可能會試下資源回收再造，但多數都唔會成事。然後麗港城想響中九龍開哂後要啲新野，自然會攞佢啲班次找數。
本帖最後由 Toz 於 2024-7-27 22:06 編輯
kay 發表於 2024-7-27 08:19
茶果嶺仲有將藍巴士路線可以用
對九巴黎講油塘唔係條條線都旺佢
拉去油塘應該吸引唔到佢
公屋有一半係山上一半係山下，將藍線肯唔肯兜埋上去高嶺道先?
同埋宜家將藍線D班次仲衰過麗港城
人地鍾意村巴，減到 30 都無問題，就係唔想同其他人分
你理得佢地
同 296D 疏車一樣有死忠上佢唔想 796P 一樣道理
本帖最後由 Toz 於 2024-7-28 10:12 編輯
天空之神 發表於 2024-7-27 22:31
人地鍾意村巴，減到 30 都無問題，就係唔想同其他人分
你理得佢地
宜家 219X 已經有特別班拉上高嶺道，將來公屋落成後特別班自然會延長去公屋果邊
（除非九巴想運輸署招標）
然後公屋搭車既人多，特別班一定會加班，正班會被陰乾，（諗下廿幾年前 224X 係全日線，13X兩繁，宜家呢?）
麗港城班客除左219X仲可以搭W2可以行出去搭215X，公屋班客一係219X一係790，對九巴黎講肯定要拉埋過去，790上唔到山先天就係劣勢，最多係呢幾年慢慢同219X減班到時可以用增強服務去換
然後九巴自然會發覺特別班由油塘果邊出車會快D，拉埋去油塘係順理成章既事，做埋去油塘站駁鐵既客