s3n370 發表於 2024-9-29 18:26
港龍仲未俾國泰收購果陣都飛過仙台，無記錯正正係用A320。
當年日本旅遊熱遠遠無今日咁盛行 ...
開果時
無記錯應該仲係要簽證時
而且係啟德年代已經有
Waiyin12 發表於 2024-9-29 20:28
日本東北地區真係好大，東京搭新幹線上仙台只係個半鐘，仲有排先到新青森 / 新函館北斗總站
與其全世界擁 ...
曾經有版友係廣島個post留言，話主要係因為當地無充足地勤應付國際線。雖然係事在人為，但諗諗下人手呢個問題有時政府都未必處理到。
既然係咁，面對一啲真係三線嘅城市 (例如靜岡)，可唔可以利用第五航權的權利，開辦一條例如靜岡>東京>香港嘅航線？
不過JL個邊就會有阻力...
5504~NK3640 發表於 2024-9-29 23:34
曾經有版友係廣島個post留言，話主要係因為當地無充足地勤應付國際線。雖然係事在人為，但諗諗下人手呢個 ...
第五航權嘅意思係途中經停第三國，例如現時國泰經台灣去日本嘅航班
Waiyin12 發表於 2024-9-29 21:24
東北要做到北九州，我覺應該有點難
FUK 係極近市區，而且航程短過東京、大阪，如果香港 07:00 - 08:00...
咁樣講，仙台同秋田/青森/函館有一個重大分別，就係仙台有野買有 outlet，秋田/青森/函館係真鄉下地方，極其量得 aeon mall。香港人去日本未會好似台灣人咁純玩，點都要溝少少 shopping 的話，東北地區只能開仙台。加上呢三個機場都有暴雪風險加距離再遠少少，可能要減載都唔出奇。而北海道，直接開札幌就 ok，大灣區同港航都應該要考慮下搶金蛋。至於北陸，富山/小松應該係下一步要開返的航點，北陸新幹線仲貴過去仙台，而且 pass 都唔好用，係會創造到需求。
P.S. 個人希望開花卷/富山，前者去滑雪超方便，就算係夏天玩北東北都唔差，總比秋田/青森有用，後者玩北陸其實遠比小松方便，立山黑部本身亦都有知名度，冬天亦都可以擦邊做白馬村的滑雪客。
至於東北同北九州的分別，FUK 當然有壓倒性優勢，只係 SDJ 出入市區有鐵路，車程 17 分鐘，又平，方便程度贏晒 HIJ / TAK / NRT / CTS / KIX，可以話係 FUK 以外的次選。行李 policy 其實係誘因，就係因為絕大部分客都要拎大喼，UO HX HB 先至計到條數，yield 會比福岡高一截。FUK 而家香港人去慣去熟玩快閃咁方便，隨時 3-4 成客係一個手提喼就夠。唔係話仙台可以做到福岡 2.0，只係仙台的潛力都唔係低，以旅客立場，一定係樂見可以有多啲航點選擇。
2076 發表於 2024-9-30 16:19
咁樣講，仙台同秋田/青森/函館有一個重大分別，就係仙台有野買有 outlet，秋田/青森/函館係真鄉下地方，極 ...
我2015年去仙台，都覺得市內規模同福岡差唔多，應該可以支持全年有需求。我怕凍，唔係好敢去睇雪，希望最少有一間可以開全年，睇櫻花、紅葉或者浸溫泉都方便。
DIH 發表於 2024-9-30 17:44
我2015年去仙台，都覺得市內規模同福岡差唔多，應該可以支持全年有需求。我怕凍，唔係好敢去睇雪，希望最 ...
仙台係有全年需求，除了本身日本各城市都有的春櫻夏祭秋楓外，仲有冬雪，其他地方做唔到。就算 HB 想推米子大山滑雪，規模及知名度同東北各大滑雪場都差一大截。
唯一隱憂係有部分香港人仲會因為 311 而唔去東北，星野磐梯貓魔 resort 宣傳都完全避重就輕，除了地址之外完全見唔到福島兩個字。
5504~NK3640 發表於 2024-9-29 23:34
曾經有版友係廣島個post留言，話主要係因為當地無充足地勤應付國際線。雖然係事在人為，但諗諗下人手呢個 ...
我提及嘅秋田、函館、青森而家全部有國際線飛緊台灣 / 韓國，如果離開日本時間相若，又用同一間地勤公司，其實處理一班機同兩班機，分別不大
東京 - 靜岡之類，正常情況日本應該唔會批航權一家外國航空公司經營日本國內線，就算國內段唔單獨售票，都有行李清關、乘客出入境等問題
2076 發表於 2024-9-30 16:19
咁樣講，仙台同秋田/青森/函館有一個重大分別，就係仙台有野買有 outlet，秋田/青森/函館係真鄉下地方，極 ...
如果經關西 / 名古屋入境去北陸，係有相應 JR pass 可以用，部份甚至包埋立山黑部路線全部交通；但東京出入就得一張北陸拱形 pass，而且牽涉 JR 東日本、西日本邊界，想去埋信越地區（松本、諏訪、新潟、越後湯澤等）都唔得
富山去白馬都唔算太方便，中間條大糸線北段班次超疏，比較常見係長野站搭高速巴士（咁嘅話其實東京出發效果一樣）
3.11 同輻射陰影應該都幾難抹得甩，到今時今日香港仲有一部份人講緊日本海產有輻射之類就知咩料；其實青森、秋田離福島距離仲遠過東京...
Waiyin12 發表於 2024-9-30 20:21
如果經關西 / 名古屋入境去北陸，係有相應 JR pass 可以用，部份甚至包埋立山黑部路線全部交通；但東京出 ...
但其實關西北陸 PASS 都收 19000 日圓 7 日，直飛富山/小松，再開北陸區內 PASS 就慳一大截，情況同仙台都似，直飛仙台就唔駛捱貴 PASS，或者可以慳返少少日數。立山黑部就係名古屋入，但都係要碌成條高山本線甚至係逼你行大糸線南段，都相當不吸引。
富山去上越妙高果邊都尚算可以，新幹線車費唔貴，至於白馬，疫情前係有直達巴士由富山空港直達白馬，時間係配合國際線到達時間，亦都有自駕選項，唔一定要坐大糸線北段。
3.11 都過了 13 年，福島就應該重係有戒心，會津果邊都應該唔會有好多香港人去，但宮城/仙台似乎就好少少。呢個階段去仙台的，其實大多都係旅日常客，係真係咁敏感果堆人，根本唔會去日本咁多次，連在香港都會話怕核廢水海產。
Waiyin12 發表於 2024-9-30 20:09
我提及嘅秋田、函館、青森而家全部有國際線飛緊台灣 / 韓國，如果離開日本時間相若，又用同一間地勤公司 ...
新潟或長崎又如何