Heha_ChRis 發表於 2024-10-23 17:31
係你地一見白石角就反對啫, 我經常坐, 真心唔覺得白石角用多好多時間
用271X, 272X 計算就知
白石角出到客咪唔mind，出唔到客點解要走去拖慢人哋？
同埋原本講緊 72X vs 272X（吐公 vs 白石角），
你就兜咗去 271X vs 272X（白石角 vs 白石角），
咁樣嘅比較意義係咩？同埋已經大家講到明繁忙時間都相差起碼5-10分鐘，
非繁忙時間就更大啦，差15分鐘都做到，咁樣仲唔叫用好多時間？
Heha_ChRis 發表於 2024-10-23 17:20
唔係因為無需求而無巴士由白石角入大埔
只係白石角居民一直用巿區入大埔嘅車(74D, 272X等) 返大埔啫
相反 ...
搭小巴有乜問題？以前就話806系難上啫，呢幾次去白石角都有位，真係等巴士你等埋我果份啦
YellowWorksheet 發表於 2024-10-23 22:17
白石角出到客咪唔mind，出唔到客點解要走去拖慢人哋？
同埋原本講緊 72X vs 272X（吐公 vs 白石角），
你 ...
都話既然佢咁鍾意白石角又住化蝶，俾個272X大combo佢上化蝶最好啦，仲可以收多個化蝶附加費，白石角今鋪仲唔fat
PS 271X唔行白石角，入白石角嗰個branch係271B
tonyng 發表於 2024-10-23 18:19
「實則馬料水公眾碼頭>白石角變電站10分鐘內行完」
繁忙時間站站停+排隊埋站+紅綠燈陣，最少慢比吐露港15分鐘。每次坐1740/1810嘅272X都係咁。講多次，272X啱啱離開馬料水公眾碼頭嘅時候，同一時間開嘅72X已經去到旺角站。請問你點樣反駁？？
以前創新路未加設紅綠燈行車時間尚可接受，而家永遠企硬say no 兜入白石角
kingkonghi 發表於 2024-10-23 22:11
既然咁兜
大埔人包括我肯定搭東鐵出去算
咁樣咪講左點解啲巴士線越黎越兜，越行越耐，
啲人越黎越對巴士反感，越黎越多人搭火車，
反正經開咪兜埋入去囉，俾多個選擇人嘛，
跟住個個地方都係咁講，
哩啲咁既低密度住宅區，又有小巴線出沙田去大學，
又有巴士去大學馬鞍山，出九龍過港島，
那兒來的自信仲要要求更加多線
本帖最後由 dcyw 於 2024-10-24 08:49 編輯
Heha_ChRis 發表於 2024-10-23 17:08
希望如你所講, 當遲D 72X真係推上富蝶, 我可能會搵一次過奧運站上車, 睇下佢係咪真係唔塞
過去我經驗話 ...
所以要視乎你對塞車的定義，有人唔順暢已經算塞車，有人要塞到停才算塞車。
至於72X以平日傍晚繁忙時間計，或許你可以當我好彩，由窩打老道起至獅子山隧道一段，不曾試過塞到停，只有行車線匯合的位置比較慢，其他位置與一般市區繁忙路段行車沒大分別，身處慢線的車流，往往比中線及快線順暢。
基本上往大埔方向，平日或假日，下午至午夜都有乘搭72X（甚至272X）由旺角或奧海城返回大埔中心，其實兩線的行車時間都頗穩定：- 72X旺角上車約40分鐘到達大埔中心總站（柏景灣、奧運站上車請自行加5-10分鐘）
- 272X帝柏海灣上車約50分鐘到達大埔中心（旺角上車亦請自行加5-10分鐘）
希望大埔公路 - 沙田段工程完成後行車限速回復80km/h後會對272X的行車時間稍有幫助，但白石角一段的慢則無藥可醫。
最後，旺角鬧市返大埔，不論服務時間、班次及行車時間，甚至有沒有座位，都找不到選擇272X的原因。就算知道72X沿線有交通意外都是一樣，因為會到旺角東站轉乘東鐵線。
Fuk19805 發表於 2024-10-23 23:37
都話既然佢咁鍾意白石角又住化蝶，俾個272X大combo佢上化蝶最好啦，仲可以收多個化蝶附加費，白石角今鋪 ...
樓主原來有需要往返白石角，那麼相對其他無需要往返白石角的大埔居民起來，從根本上對途經白石角是快是慢的感受已經會有明顯的分別。
hokwanlam 發表於 2024-10-24 03:50
咁樣咪講左點解啲巴士線越黎越兜，越行越耐，
啲人越黎越對巴士反感，越黎越多人搭火車，
反正經開咪兜埋 ...
留意番白石角屋苑多起上嚟已經唔算好低密度
同埋唔起住宅都有計劃擴建創科同水上活動項目
點都係一定人流
否則都唔會提出起港鐵站
而響港鐵站攪掂之前，巴士都仲有9年命去做班遠程客
呢啲唔係咩野自信，而係好卑微嘅需求
leungky0528 發表於 2024-10-24 17:42
留意番白石角屋苑多起上嚟已經唔算好低密度
同埋唔起住宅都有計劃擴建創科同水上活動項目
點都係一定人流 ...
起港鐵站前題係再起多萬個單位，仲有一系列配套，所以唔能夠以而家既客源去對比，
至於白石角最根本問題係，既然你都話有一定人流，點解要抽人地既資源去做？
其次係白石角交通配套好差？唔計對外，
兩條巴士線去大學站，有小巴去沙田火車站，唔夠？
卑微定自信，睇客量啦，唔夠客既，咪得接駁鐵路既線囉
leungky0528 發表於 2024-10-24 17:42
留意番白石角屋苑多起上嚟已經唔算好低密度
同埋唔起住宅都有計劃擴建創科同水上活動項目
點都係一定人流 ...
so？
所以次次都要搵大埔嚟埋單？