體驗粵海鐵路 Z385 (湛江西-海口）+湛江軍事文化博覽園(多圖)
本帖最後由 Colon 於 2025-4-26 10:16 編輯粵海鐵路為中國第一條跨海鐵路輪渡，火車坐船過海係全世界裡唔算多，好耐之前就已經想去體驗下。趁住復活節假，就去打卡呢條路線，順便湛江同海口行下。
見到italk入邊對上一個關於粵海鐵路嘅post已經係10年前，就係到做一個新分享。
復活節買唔到直達湛江嘅飛，所以要係廣州南轉，先坐G6528（深圳北-廣州南），車型CR400BF智能動車組。
廣州南-湛江西就坐C6971，車型CRH1A。CRH1A作為2007年中國鐵路第六次大提速而引進嘅車型，有消息話會在呢幾年開始退役。
內飾已經係可見嘅殘舊，而且係為人詬病嘅不可調方向座椅，慶幸坐到順方向嘅座位。行走時車嘅震動都比較大，同朝早坐嘅新型車有比較大對比。
3個幾鐘車，叫左個辣椒炒肉飯，味道都還可以。
湛江嘅旅程中去左湛江軍事文化博覽園，可以參觀基洛級潛艇，仲有其他舊型號陸空軍備展示，有興趣深入睇嘅可以在文章後面睇相。
係湛江玩左一日半之後，就踏上粵海鐵路嘅旅程。個人選擇左唯一係日頭過海嘅Z385（長春-海口）
湛江西站同2014年其他版友分享嘅已經完全唔同曬。
廣茂鐵路同粵海鐵路為非電氣化，廣州白雲到海安南站由東風11G牽引，是為第五次鐵路大提速而研製的機車。另外機車有供電功能，因此也不需要發電車。
客車為25T，小弟之前未坐過軟臥，亦都趁機嘗試左
車程成5個幾鐘，趁未到碼頭走去餐卡食個飯，都係小弟第一次餐卡食飯。
餐牌
小炒肉味道都幾好，而且係現炒，乘務員其實都係食番茄炒蛋。
路上會經過大片農田
大約12:15分到達海安南站
會分離的位置會掛上牌提醒乘客，此時車上沒有電力供應
等到44分左右見到牽引嘅東風11G已經分離並行駛到回湛江方向
13:08見到東風4型拉住回長春方向嘅Z386，要等剛落船嘅列車拉走我地先可以上船
會見到除左機車，總有四卡板車，當中同客車連接嘅一卡會見到有發電機同電氣接口，所以只要連接嘅時候就會有返電，不過點解要駁到4卡咁長就等間再講
13:16整列車開始推向碼頭其中一條股道，然後列車組以中間分一半做兩節9卡，有10-18留低，另一組1-9會拉去後邊入另一條股道
進入另一條股道後就會直接將半列推到船頭嘅車鉤位置
碼頭同船嘅駁口
船艙內，可見碼頭到船艙都係平地板設計，可以載火車之外運車都可以
當我個半卡前進嘅時候，另外半卡都會同時推入去，確保船嘅平衡
船頭嘅車鉤，因為25T係用密接車鉤，同其他列車唔同，所以當中有轉接器。亦都見到紅色嘅電氣接口，所以火車係船上都會有電
停好之後，後面5卡會分開退放出碼頭，頭四卡留船上，可見左右都係同時退後
另外五卡退出之後會再退入兩邊股道，都係同時進行
可以見到平板車嘅作用係等機車唔會上船，怕機車嘅噸位會影響平衡
船上列車會用鐵鏈同千斤頂固定
機車完成裝載後亦都會離開船，同樣會同時離開
之前睇話客車唔可以同汽車放一齊，唔知係唔係改左例？
船班係14:05準時收板開船
大約航行一個鐘多啲之後到左海口，開始靠岸
程序基本係湛江嘅倒轉版，先拖出外邊兩組5卡列車，由東風4DD處理，而且都係左右同時進行
然後再連5卡車一齊同船上4卡嘅連接再拉出
回望海口一邊嘅碼頭，旁邊可見另一組九節
已經有一節海口去深圳東嘅Z8004分拆成一半，其中一組嘅係東風4B去調車
10-18卡嘅東風4DD離開，之後1-9一組嘅就會前進去連接，然後會直接由東風4DD拉去海口站
終於係16:20到達海口，比預定時間快10分鐘
航拍嘅粵海鐵2號，當時係全船運車
火車上船
鐵路部分已經完結，如果對湛江軍事文化博覽園有興趣可以繼續睇下文
軍事文化園分做三部分，有陸空裝備區，海上裝備區（潛艇）同海上裝備區（軍艦），陸空部分係訂酒店時特價買嘅，原價39，潛艇就另外要比78人仔。軍艦區因為只會睇到外邊而無得入內部，加上外表好殘舊所以就無參觀
小弟就先去左睇陸空區，有坦克，高射砲，軍機等軍備參觀
殲8
殲7
殲教7
殲6
初教6
轟6，係其中一架可以上嘅機
前起落架
登機梯，爬上去都有啲困難
駕駛艙內部
機頭透明領航艙
前起落架艙
引擎艙
後起落架
載彈艙
機炮
機尾
另一架可以上嘅運8
引擎
機尾
艙內
飛航工程師位
駕駛艙
密密麻麻嘅儀錶
領航員玻璃機頭
展區航拍
其他XX式嘅軍備，我就完全唔熟悉
參觀完陸空區，就去參觀距離2公里嘅基洛級潛艇基洛級潛艇係俄羅斯外銷量最大嘅潛艇，而且噪音低，北約叫佢做“黑洞”，解放軍仍然有改進後嘅基洛級服役。而展出嘅365號係第二架引入，係蘇聯解體後停工，然後解放軍再訂購而建成。
魚雷發射器
裝填系統
落一層就係生活艙
飯廳
8人房
6人房
雙人房
生活艙另一邊上去就係指揮艙
駕駛位
聲吶
潛望鏡
艇內通道
廚房
設備室
出口
艇頂
航拍圖
051G1導彈驅逐艦“湛江號”，只可以參觀外邊就無去睇。
Thanks for watching:handshake
上次坐火車過海，由原本下午4時過海，推遲到晚上9時才過海，結果原本訂了海口走的
飛機票泡湯，仲要係海口站附近住了一晚招待所。人家見凌晨一點先收留我，怕我冇地
方去，其實當時也是非法住宿。因為非內賓是住唔到招待所的，正如現在用回鄉卡去住
民宿，招待所，非指定外賓星級酒店，也是非法住宿一樣。
那時候，過海是沒有電的，也沒有空調，要係車箱內焗豬一小時多。
上一次就是坐海鐵聯運，坐巴士由湛江西站乘粵海鐵3過海，然後由海口輪渡行
路過去海口站。我都配服自己，途中要行一段快速道路，一段連行人路都沒有的
單線雙程路，一段在湖邊的路，而且全程黑夜冇街燈，靠部艾瘋的電洞黎指路。
坐鐵過海比巴士好好多，巴士要係碼頭等個幾鐘登船，落船後處理也不好。
下次有機會再去，就係坐湛江半小時一班的巴士去徐聞港，然後坐船過海，
唔係長假期的話，根本係即班即上，唔駛等船過海的，坐聯運浪費好多時間，
碼頭位置也不佳，行人路上很多驚嚇事情發生。 在湛江讀書，經常想放假去體驗下粵海鐵路過海段，奈何一直沒有時間
頁:
[1]