[個人建議] 九巴 5M 24合併
無他，純粹睇條5M唔順眼，又做唔翻鐵路轉乘，轉巴士又唔吸引，靠買餸客又唔夠食。利申地圖派，但相信唔少類似建議已經出現過，但我用 search function未搵到。
基本上就係5M取消，24啟業後經九龍灣運動場，左轉啟祥道天橋，以牛頭角總站一帶為新總站。明白總站空間有限，所以可以考慮經彩霞道調頭，用福淘街做總站 (回程甚至可以兜兜牛下先上翻天橋)，或者可以喺佐敦谷北道擺街。
5M全數轉乘過檔24，要賣大包咪賣大包，點都慳過開5M燒錢。如果驚啟晴德朗嘈嘅，東行開個$4.6分段比佢地買餸，回程不了。
同時建議24東行改經世運道天橋，加快回車之餘有望可以吸多少少唔想兜啟新道隧道/世運道南段(對家)嘅協調道客，呢批新客仔嚟捽靚個朵有著數。食埋5M兩架車，希望部份時段能夠穩定開翻20分鐘一班打對家。
另外亦建議下繁24特班改翻正常行法，以服務日益居多嘅協調道需求，同時16P加開1810觀碼班次取代，觀塘商貿區絕對值得多一班收工旺角食飯車，期望九龍灣見到貴左幾蚊都會照上。上繁就覺得24東行仲有空間所以保留特班。
呢個建議同時間可以吉翻5A 5D出嚟做其他九龍城區重組，亦唔會同25 (直行啟祥道)/28B (常怡道天橋)重疊。
建議到此，先謝。
救5M應該將總站搬去airside然後經啟晴，啟麗直出牛頭角總站調頭，好過而家兜去新蒲崗漫遊 如果純粹想殺5M，與其拉24去淘大，倒不如搵5D加德朗分段收費，以及28B全日繞經牛總咪算...
頁:
[1]