吳宗錡 發表於 2025-8-30 17:08
其實美孚地鐵站都唔係荔枝角，而係荔枝角灣，填海前嘅荔枝角係大約喺曼克頓山/寶輪街嗰處
而荔枝角巴士總 ...
荔枝角巴士總站唔係填海區，係前荔園範圍
之前荔枝角巴士總站就係而家大約盈暉臺停車場入口果邊
另外亦見過有舊地圖將清麗苑對出標示做荔枝角
tkglobe 發表於 2025-9-1 09:19
呢個係市民認知嘅問題，大部份人都會認為嗰度係叫做荔枝角商貿區，要做宣傳咁梗係搵啲市民知道嘅名，你只 ...
但係, 荔枝角商貿區內的物業, 地址都係寫長沙灣.
letter_li 發表於 2025-9-1 16:18
但係, 荔枝角商貿區內的物業, 地址都係寫長沙灣.
地址點寫同市民嘅認知唔代表一定要一樣，我真係唔明點解你要執着個地址點寫，有樣嘢叫做約定俗成，大家明咪得囉，過分執着根本冇意思
本帖最後由 Toz 於 2025-9-1 22:54 編輯
tkglobe 發表於 2025-9-1 17:06
地址點寫同市民嘅認知唔代表一定要一樣，我真係唔明點解你要執着個地址點寫，有樣嘢叫做約定俗成，大家明 ...
會唔會你所謂既約定俗成只係一小部份人自己無常識自以為係咁？
再衰都起碼講清楚係茘枝角站，唔係茘枝角
即係全世界都唔會叫牛頭角站對面商厦群做牛頭角商貿區，最多係模糊左九龍灣同觀塘既界線
話果度係長沙灣，只有港鐵站個名唔準，格硬話果度係茘枝角，大把公共設施同商厦個名都唔準，即係茘枝角站上面果座商厦叫乜野名？
或者，如果呢度又可以叫呢個名，果度又可以叫呢個名，咁地名就毫無意義，不如省略，直接叫深水埗區算把啦
Toz 發表於 2025-9-1 22:37
會唔會你所謂既約定俗成只係一小部份人自己無常識自以為係咁？
再衰都起碼講清楚係茘枝角站，唔係茘枝角
...
其實九龍灣同牛頭角同觀塘係點分呢
花園大廈係應該寫牛頭角定觀塘?
彩德果邊又要寫咩?
坪石係觀塘區咁我應該寫九龍灣? 牛頭角? 彩虹? 牛池灣?
定係坪石又自己獨立個區出黎?
Toz 發表於 2025-9-1 22:37
會唔會你所謂既約定俗成只係一小部份人自己無常識自以為係咁？
再衰都起碼講清楚係茘枝角站，唔係茘枝角
...
你試吓問人D2喺長沙灣定荔枝角？大部份人都會搭嚟荔枝角，有啲嘢大家明就得啦，過分執着有咩意思，呢啲嘢同有冇常識係冇關係
本帖最後由 s3n370 於 2025-9-2 09:47 編輯
Toz 發表於 2025-9-1 14:37
會唔會你所謂既約定俗成只係一小部份人自己無常識自以為係咁？
再衰都起碼講清楚係茘枝角站，唔係茘枝角
...
地名本來就無明顯嘅界線，亦會隨城市發展，一路都變緊架啦。
除非你係做地區行政嘅官員，條線要清楚，過一毫米都有越權之嫌嘅啫。
如香港呢個界線都幾明顯嘅地方，本來只係海島一隅，
後來變佐全島甚至全市嘅名稱。
又例如長沙灣、荔枝角嘅“九龍”，
駛唔駛好似地政/幾十年前嘅教科書叫番“新九龍”、
展拓香港界址專條咁，界限街以北一律叫“新界”、
甚至之前嘅“寶安縣”呢？
至於你反問嘅“牛頭角商貿區”，我唔肯定有冇人會咁叫。
不過咁叫一來應該唔會太多人誤會，亦唔似“柴灣工業區”、
“柴灣角工業區”差一個字就有天淵之別。
甚或有人開佐個頭，大家覺得好用，越來越多人咁叫又有乜問題呢？
個人認為荔枝角站、長沙灣廣場、深水埗運動場嘅所謂“之亂”根本唔係改錯名，
而係要去嘅人根本無查清楚點去、响邊個站落車，但係就賴地硬。
就算真係盲舂舂去佐深水埗站、長沙灣站落車，去番啱咪頂多十零分鐘嘅事~
EX-TL 發表於 2025-8-28 21:17
南昌仲型, 香港從來冇一個地方叫南昌, 深水埗有條南昌街由海皮一路拉到上龍翔道, 街頭條屋邨落成就叫南昌邨 ...
因為南昌感覺聽落高級過深水埗,同隔離叫大角咀做奧運一樣
耀東街有幢新樓地產AA夠膽叫長沙灣先好野
本帖最後由 jpoon 於 2025-9-3 00:52 編輯
YouTime 發表於 2025-9-2 23:24
因為南昌感覺聽落高級過深水埗,同隔離叫大角咀做奧運一樣
耀東街有幢新樓地產AA夠膽叫長沙灣先好野
...
只怪佢跟分區計劃大綱圖，成幅圖只係用長沙灣而唔係長沙灣及深水埗做名
https://www.tpb.gov.hk/tc/list_of_plans/plan_schd_ozp.html#TWK
本帖最後由 Toz 於 2025-9-3 09:29 編輯
6516 發表於 2025-9-2 09:26
其實九龍灣同牛頭角同觀塘係點分呢
花園大廈係應該寫牛頭角定觀塘?
彩德果邊又要寫咩?
只有山邊同山上有可能屬牛頭角
觀塘道西邊同南邊填海區一定不屬於牛頭角，一係觀塘一係九龍灣
觀塘同九龍灣係分批填海，係觀塘果邊填過去就叫觀塘，同九龍灣一齊填既地方就叫九龍灣
界線大約係海濱匯到勵業街之間
原始既牛頭角係定安街定富街牛頭角上邨果頭，係一個海角，正好對住觀塘同九龍灣既分界
觀塘道入面，牛頭角同觀塘係山下既分界，係花園大厦玉蓮臺之間，玉蓮臺本來已經踩左入觀塘，但概念上屬花園大厦既＂延伸＂，所以好多人叫牛頭角，但都有人覺得踩到咁入就叫觀塘
或者你可以話牛頭角站就係牛頭角既邊緣
山上點分就比較模糊，功樂道基本認係觀塘，樂華邨好多人話係牛頭角
要睇發展脈絡，功樂道早早同觀塘一齊發展，出入靠康寧道，咪叫觀塘
樂雅苑樂華邨初發展時靠振華道落去牛頭角下邨，咪叫牛頭角（一開始振華道未駁通康寧道）
牛頭角同九龍灣分界基本就係觀塘道，只要係觀塘道東或北面就一定不屬九龍灣，成個九龍灣都係填海區裏面
淘大到德寶係牛頭角，德福係九龍灣，都係牛頭角上邨延伸出去既概念
牛頭角上邨算"正宗"牛頭角（其實都唔係好正宗，但算係旁邊），然後有下邨，下邨延伸去街市同淘大到得寶，以及山上既樂雅苑樂華邨
睇發展脈絡同發展初期既交通聯繫會比較清楚
彩德彩福一帶2010年前後發展既地方，就好模糊，可以話係從德寶繼續延伸，但聯繫唔緊密（一條橋直駁九龍灣站，唔洗經德寶），發展年代亦差左二三十年，而且距離原本既牛頭角太遠，概念上算自成一區
彩霞同淘大一齊發展，聯繫緊密，早期要搭車都係先經過淘大，就多人叫牛頭角
所以我先反對茘枝角站一帶改叫茘枝角，因為從發展脈絡去睇，果度係長沙灣填海區一部份，早期交通聯繫都係跟長沙灣，不應該屬茘枝角