tkglobe 發表於 2025-9-2 09:36
你試吓問人D2喺長沙灣定荔枝角？大部份人都會搭嚟荔枝角，有啲嘢大家明就得啦，過分執着有咩意思，呢啲嘢 ...
人以群分, 我識既人十個有十個都知D2係長沙灣喎
Toz 發表於 2025-9-3 08:40
人以群分, 我識既人十個有十個都知D2係長沙灣喎
咁係你嘅問題啫，你出街問10個人，隨時八個都答你荔枝角，仲有係嗰頭返工嘅人，大部份都會答你喺荔枝角返工而唔係長沙灣，我身邊冇人會話嗰度係長沙灣，連順豐都係寫荔枝角，好明顯睇得出你只係代表少數人
本帖最後由 Toz 於 2025-9-3 09:25 編輯
tkglobe 發表於 2025-9-3 09:19
咁係你嘅問題啫，你出街問10個人，隨時八個都答你荔枝角，仲有係嗰頭返工嘅人，大部份都會答你喺荔枝角返 ...
茘枝角站上面就係長沙灣廣場，你識既失明人士真係非常多
唔好講長沙灣廣場，睇路牌都知道仲未到茘枝角啦
本帖最後由 Toz 於 2025-9-3 09:45 編輯
s3n370 發表於 2025-9-2 17:41
地名本來就無明顯嘅界線，亦會隨城市發展，一路都變緊架啦。
除非你係做地區行政嘅官員，條線要清楚，過一 ...
新九龍呢個外力強加既概念一直都無乜人用喎
屬不屬九龍係睇發展脈絡同交通聯繫，長沙灣深水埗係由九龍半島一路發展過去，咪屬九龍
你不如問下安達臣石礦場果班住戶覺唔覺自己係新界？
條線再模糊都好，長沙灣係由深水埗一路填海發展過去，無論如何都不應叫茘枝角
你自己睇下山上個墳場點叫，上到山按理就唔算係長沙灣，人地都叫長沙灣，因為要係長沙灣過去
https://cemeteries.catholic.org.hk/faqs/how-to-access/102
真正係約定俗成既，就係跟發展脈絡同交通連繫去擴展一個地名包含既範圍
Toz 發表於 2025-9-3 09:23
茘枝角站上面就係長沙灣廣場，你識既失明人士真係非常多
唔好講長沙灣廣場，睇路牌都知道仲未到茘枝角啦
佢上面係長沙灣廣場又點？路牌冇寫又點？啲人都係叫佢做荔枝角，而家係講緊市民認知，而唔係實際地理環境，你點講都改變唔到啲人認為係荔枝角，我相信全港大部份人士都係失明人士，因為認知嗰度係荔枝角嘅人肯定比較多，你認為嗰度係長沙灣冇問題，但係其他人認為嗰度係荔枝角亦都冇問題，因為大家已經習慣咗
Toz 發表於 2025-9-3 08:38
只有山邊同山上有可能屬牛頭角
觀塘道西邊同南邊填海區一定不屬於牛頭角，一係觀塘一係九龍灣
個人唔認同"只要係觀塘道東或北面就一定不屬九龍灣"
如果好似你咁講要睇"睇發展脈絡" 以前啟德大廈嘅人多數去啟業買野搭車
咁呢個觀塘道以北係應該叫九龍灣啦, 唔係叫自己佐敦谷啟德大廈呱?
再講埋坪石, 本身應該屬於佐敦谷
但佢地直頭係彩虹站出入, 如果"睇發展脈絡", 咁佢地更加應該叫自己做牛池灣
牛池灣街市, 圖書館就係對面
咁你覺得坪石應該叫自己係牛池灣定係佐敦谷?
荔枝角搞錯極都一定係深水埗區, 但牛池灣係黃大仙區, 佐敦谷係觀塘區, 仲大問題過荔枝角站
其實講到尾, 有幾多人理呢啲區名?
咪就係得地產佬, 賣緊樓嘅人, 同埋地圖達人囉
普通市民去到個地址就得架啦
最後都想講番
我個人唔會叫荔枝角站一帶做"荔枝角"
如果有人講"荔枝角", 我會問清楚講緊"荔枝角站"定係"荔枝角"
但就唔會話鬼啲講"荔枝角站"係"荔枝角"嘅人係盲
6516 發表於 2025-9-3 10:50
個人唔認同"只要係觀塘道東或北面就一定不屬九龍灣"
如果好似你咁講要睇"睇發展脈絡" 以前啟德大廈嘅人多 ...
其實講到尾, 有幾多人理呢啲區名? 咪就係得地產佬, 賣緊樓嘅人, 同埋地圖達人囉 普通市民去到個地址就得架啦以前地產佬真係玩 "地區名" 玩到出神入化。
而家無得玩囉﹐一律要跟政府指定區域作為介紹/宣傳。
本帖最後由 Toz 於 2025-9-3 12:19 編輯
6516 發表於 2025-9-3 10:50
個人唔認同"只要係觀塘道東或北面就一定不屬九龍灣"
如果好似你咁講要睇"睇發展脈絡" 以前啟德大廈嘅人多 ...
啟德大厦不屬牛頭角
如果無其他名話係九龍灣唔算錯，佢起好時的確係九龍灣海邊
果時九龍灣算係一個好大既地方，但其實你睇個大厦名都知屬邊度
後來啟業邨先填海起，先有啟德大厦二十年後再有啟業邨
至於你話兩邊聯繫，只能講啟德大厦初始聯繫係牛池灣果頭
坪石的確係牛池灣, 你問老一輩佢地係覺得自己係牛池灣
佐敦谷本來就無去到咁遠，順利邨到牛下個山谷先係佐敦谷，同坪石隔左一座山，係兩個不同既山谷，點樣都唔會叫同一個名
將茘枝角站一帶當係茘枝角，如果唔係盲既，咁就係對周圍環境視而不見，無乜分別
本帖最後由 Toz 於 2025-9-3 12:15 編輯
tkglobe 發表於 2025-9-3 10:29
佢上面係長沙灣廣場又點？路牌冇寫又點？啲人都係叫佢做荔枝角，而家係講緊市民認知，而唔係實際地理環境 ...
鹿同馬都有四隻腳，咁其實都差唔多Ｏ者，習慣左撈亂叫都無所謂，係咪？
你所謂既市民認知水份有幾大, 你自己心照啦
不過都慣晒, 有班傻仔總係好鐘意覺得自己代表全世界
Toz 發表於 2025-9-3 11:46
鹿同馬都有四隻腳，咁其實都差唔多Ｏ者，習慣左撈亂叫都無所謂，係咪？
你所謂既市民認知水份有幾大, 你 ...
你去順豐個網頁睇吓，又或者去D2 個網頁睇吓個地址點寫，你又睇吓DHL點寫，連大部份物流公司都認為嗰度係荔枝角，有幾多人覺得得過都係長沙灣，有幾多人覺得嗰度喺荔枝角，你自己心照啦
根本上認為嗰度係荔枝角定長沙灣都唔可以話係錯，你要固執地堅持一定要跟足分區咁冇得講，你可以堅持你嘅睇法，但係改變唔到其他人嘅認知