RyanPun 發表於 2025-9-7 23:46
87k班蛋散（尤其頌安落車嗰班短途蛋散）直頭入都唔肯入去排隊，次次不論幾熱都企出候車室外面自已外面排， ...
馬市本身係室內總站，兩邊都有冷氣商場空間，根本無必要逐個站起候車室。
有閒錢倒不如加強通風，同埋加闊返少少條站內車道，盡可能俾多d路線入室內停站好過。
講到排隊，87D條龍都唔理想，有時乘客唔識/唔想「打蛇餅」，條人龍唔夠十個人就直線伸出候車室外。
好似藍田站咁一條長坑形狀，又或者學似裕民坊咁利用商場空間，都一定好過馬市個不利排隊秩序嘅「盒仔」。
係咪可以競猜/評估邊個PTI適合做改善工程？
觀塘區 - 藍田站
黃大仙區 - 鑽石山站
深水埗區 - 欽州街
油尖旺區 - 九龍站
呢幾個PTI都應該點要再搞吓通風啦...
個人認為大圍站絕對有需要搞一搞啲行人設施。
成日都有人喺中間啲巴士坑行嚟行去...
都唔只一次有巴士撞到啲亂過馬路嘅人。
放部格仔車喺度都無用，因為得個擺字...
差人只係去捉私家車入錯坑...
其他公共交通交匯處最需要增加的是充電設備，於每一個巴士停車位加裝，管他只停15-30分鐘、都可以充電。唔係的話，電動巴士要取代柴油巴士，根本是天方夜譚
ENS529 發表於 2025-9-8 00:32
係咪可以競猜/評估邊個PTI適合做改善工程？
觀塘區 - 藍田站
藍田站係死症, 入風出風D管一定好長, 但除非好似港鐵通風樓咁強力, 唔係點整都係死, 出面鯉魚門道都沙塵滾滾, 入晒PTI, 睇下鯉魚門道西行行人路幾污糟, 就知PTI冇得搞.
鑽石山站兩旁被牆壁包圍, 得一頭一尾通到風, 叫做好過藍田站.
可能私人發展商會好D呢, 好似apm成個站係凹入去, 入面冇去路冇缺口, 巴士 的士 旅遊巴 私家車駛晒入去, 但廿年來空氣都唔算差.
ENS529 發表於 2025-9-8 00:32
係咪可以競猜/評估邊個PTI適合做改善工程？
觀塘區 - 藍田站
大埔--大埔墟站
北區--聯和墟總站
元朗--沒有
屯門--屯門市中心
荃灣區唔搞荃灣西站反而走去搞灣景花園😪 咁睇葵青區應該唔會搞葵芳站 一係葵涌邨一係就大隴街
KG1428 發表於 2025-9-8 17:37
大埔--大埔墟站
北區--聯和墟總站
元朗--沒有
元朗可能喺天恆/天恩邨
石頭 發表於 2025-9-7 23:06
我覺得佢會想搞山頂總站，咁山頂係咩區？
山頂攪好新巴小巴開幾多車先再講
ENS529 發表於 2025-9-8 00:32
係咪可以競猜/評估邊個PTI適合做改善工程？
觀塘區 - 藍田站
藍田站除左通風，都要搞下Ｄ嘈音，真係好鬼嘈