[個人建議]屯門區輕鐵高架化計劃
本帖最後由 MK01 於 2025-9-13 01:23 編輯屯門區內輕鐵服務未能似天水圍同元朗咁完全覆蓋全個新市鎮，部分路段被其他設計同建築物阻擋，難以延伸。所以，建議將屯門輕鐵高架化以配合未來延伸。高架化車站會興建閘機，改善逃票情況。至於天水圍同元朗路段，就等未來洪水橋同北部都會區發展先再規劃。
碼頭區路段：由於屯門碼頭站至龍門站之間要經過龍富路橋底，以及兆禧站至屯門碼頭一段距離太短，所以未能改為高架。
龍門-石排站路段：過龍門站後開始爬升，青山村站、鳴琴站同石排站將會改為高架，為咗方便山景居民，山景兩站會繼續維持喺地面，杯渡路起分叉綫落地面進入山景南站，過山景北站之後爬升喺近翠鳴臺位置匯入主綫。受爬升影響，山景支綫工程後南面只可以進出杯渡路路段。
田景路路段：由於受良景商場跨田景路天橋影響，須改建良景商場並且將良景站重置喺田景路上面，並增設非收費區嘅行人過路處，方便居民來往商場兩邊。至於田景站高架化後會興建延綫前往寶田同54區，以54區為終點站（由於54區同兆康之間被欣田邨阻擋所以未能延伸至兆康），並預留未來配合54區發展做延伸。延綫初期會由507行駛。
建生至兆康路段：由於空間充足，所以問題唔大，但會喺青松同麒麟站之間增設「屯門醫院（西）」站，方便田景路同建生居民前往屯門醫院，並將青松站改設喺近震寰路位置，平衡兩站距離。麒麟站維持喺地面（包括連接兆康站1、2號月台嘅路軌），方便進入兆康站。
兆禧/三聖-市中心路段：受友愛商場（H.A.N.D.S）影響，維持地面設計。之所以唔好似良景商場咁改建係因為友愛路太窄唔適合將路軌高架化。
市中心-兆康路段：受屯門站F出口天橋影響，離開屯門站西面波口後再爬升，橋上設置河田站，離開河田站後落斜回復至屯門站嘅高度，設置蔡意橋站同澤豐站，同樣為方便進入兆康站，以及遷就由鳳地匯入嘅天橋，屯門醫院站會維持喺地面，離開澤豐站後落斜。為配合屯門醫院（西）站興建，屯門醫院站會改名為屯門醫院（東）站。
石排/新圍-銀圍路段：除咗大興（南）站之外，其餘車站都夠位高架化。高架大興（南）站就需要佔用巴士總站嘅位置，巴士總站會喺車站下面重置。
杯渡-兆康路段：由於青山公路-新墟段位置較多，所以除咗何福堂站之外所有地面車站都會原地重置，何福堂站就會搬到近何福堂小學位置。
杯渡/何福堂-三聖路段（置樂支綫）：為方便未有輕鐵嘅置樂花園同附近屋苑居民，高架化工程亦包括興建置樂支綫，由於支綫早年被擱置，有部份原本預留輕鐵嘅位置已經興建其他建築物。所以，華都至置樂一段要起喺青山公路上面，離開置樂花園之後會落番地面。
呢段支綫設有三個站------華都、置樂同恆豐園。華都站設置喺屯盛街交界，置樂站就設置喺青海圍北面路口以南位置，同時方便置樂花園同顯發邨居民。恆豐園站為咗方便進出三聖站，會設置喺地面。三聖站會利用預留位置擴建成為大型總站。置樂支綫會有新506（屯門碼頭-三聖）同新綫613（三聖-元朗）行駛，為呢段青山公路嘅居民提供輕鐵服務。
屯門輕鐵都未叫覆蓋晒成個新市鎮，咁元朗嘅輕鐵算係咩？唔通條大馬路就係成個元朗新市鎮？
輕鐵已經係proved嘅一個唔有效+唔回本嘅交通系統，點解仲要花一堆錢推佢上高空，但又冇話回咗本？
skibidiot 發表於 2025-9-13 11:36
屯門輕鐵都未叫覆蓋晒成個新市鎮，咁元朗嘅輕鐵算係咩？唔通條大馬路就係成個元朗新市鎮？
輕鐵已經係prov ...
除了 proved 唔有效的一句外
其他都認同師兄的看法
再加上都唔會有新線投入服務
實在沒有其他原因要再花費重建 skibidiot 發表於 2025-9-13 11:36
屯門輕鐵都未叫覆蓋晒成個新市鎮，咁元朗嘅輕鐵算係咩？唔通條大馬路就係成個元朗新市鎮？
輕鐵已經係prov ...
置樂同54區未有輕鐵（富泰同欣田可以用兆康站）
元朗雖然得大馬路有輕鐵，但元朗新市鎮唔大，除咗十八鄉之外每個地方去大馬路都方便，所以算覆蓋晒。十八鄉就第時再plan
cky 發表於 2025-9-13 12:27
除了 proved 唔有效的一句外
其他都認同師兄的看法
唔有效嘅位係在於，佢霸咗勁大個路面但只係做到區內通勤嘅效果；
而且仲要成日單卡，加唔到班又加唔到卡。
不過都有樣好嘅就係 (除咗肯定係穏定咗+每架輕鐵載客多過雙層巴士)，
至少區內線唔係九巴做，如果唔係九巴應該會陰乾晒佢哋，推啲人上區外線。
MK01 發表於 2025-9-13 13:08
置樂同54區未有輕鐵（富泰同欣田可以用兆康站）
元朗雖然得大馬路有輕鐵，但元朗新市鎮唔大，除咗十八鄉 ...
54區係新發展，置樂諗過但最後ban咗
咁不如講話成條下路同埋龍鼓灘都冇輕鐵？？
「元朗新市鎮唔大，除咗十八鄉之外每個地方去大馬路都方便」係咪講緊每度去大馬路都要10分鐘鐵巴/小巴車程+等車？:'(
skibidiot 發表於 2025-9-13 13:43
唔有效嘅位係在於，佢霸咗勁大個路面但只係做到區內通勤嘅效果；
而且仲要成日單卡，加唔到班又加唔到卡 ...
輕鐵個設計非常奇怪，重鐵規格去起，又有獨立路段但就擺喺道路旁邊
全世界輕鐵都係一係共用路面，一係高架獨立路段，呢種設計似乎得香港獨有:L
MK01 發表於 2025-9-13 13:08
置樂同54區未有輕鐵（富泰同欣田可以用兆康站）
元朗雖然得大馬路有輕鐵，但元朗新市鎮唔大，除咗十八鄉 ...
富泰就K51/西鐵
行去鳳地都遠但冇兆康咁kick
skibidiot 發表於 2025-9-13 13:43
唔有效嘅位係在於，佢霸咗勁大個路面但只係做到區內通勤嘅效果；
而且仲要成日單卡，加唔到班又加唔到卡 ...
單卡車通常都係 615 614
P 車宜家都多咗少少孖卡
610 751 平日都可以半單半雙
大家都知跨區港鐵係想谷人上西鐵
寧願駁車都唔想用孖卡
置樂富泰就擺明用 K 巴哽晒佢
又俾佢 cover 到晒最主嘅地方
剩低啲唔拖唔水嘅屯郊
泥圍遲啲用 guided bus 叫做塞住西端鄉郊把口 (雖然唔係港鐵)
最後就得番藍地內街、豫豐同福亨、同埋富栢一帶
叉開起唔起輕鐵，某程度我覺得豫豐一帶其實都值得有條 20 分鐘一班的兆康站 K 線，好過只係靠個別屋苑專車做駁腳
頁:
[1]