[網絡熱話] 同一車長一日踩兩間專利公司接近20碼工時
呢兩日發現喺社交平台出現一篇貼文連師傅表相片, 指出有一名譚姓車長於同一個曆日內,連當兩間位於荒島專利公司嘅更份, 返到接近20小時工時, 大約更份如下:
A公司: 簽0515收1440
(中間50分鐘空檔)
B公司: 簽1530收2509
(詳細圖片可能涉及轉載問題, 故不上載, 只是文字表達內容大意)
[評論]
自2018年大埔公路意外事件前後, 政府當局已經嚴格要求專利公司申報《車長用膳及作息指引》,
指明車長及公司均有責任知道每更行車時數上限/小休安排/用膳時間等, 車長在續約時必須簽字確認
與此同時, 專利公司亦要求車長申報擔任外間工作 (outside work)
但係, 專利公司亦不能完全杜絕 "制服王" 事件發生, 因為互相之間並冇一個內部互通系統,
B公司理論上唔清楚同一車長同日喺A公司已當更, 反之亦然,
呢類情況早在2014-2016年期間, 多間公司嘅教車師傅之間都完全清楚
而在新冠疫情復常時, 傳聞某專利公司為咗慳錢,
暗地裡向部份一直喺另一專利公司工作嘅同業指明揸開車唔洗再操, 反映出業內早知有關 "制服王" 問題存在
亦有據聞多年前喺西九龍快速公路一單涉及9XX綫巴士的嚴重意外,
在意外後發現有關車長都係出現類似跨公司 "連踩" 事件, 爆鑊先結果被該公司即炒不留,
說明了不同公司一直清楚此危險情況存在
所謂巴士載客唔係講玩, 前車可鑑, 只能勸有關業內人士自律
之前聽講過巴士公司係會每日交名上運吉。即係話技術上運吉係可以知道邊條友一日揸兩更？ 好明顯我覺得哪怕運吉強制要求三間公司用同一個系統派更也都會有其他問題（例如司機落班揸uber） AVBWU291 發表於 2025-10-17 09:38
之前聽講過巴士公司係會每日交名上運吉。即係話技術上運吉係可以知道邊條友一日揸兩更？ ...
可以排除係兩個同名人士嗎?
咁如果係揸完巴士又揸其他交通工具呢？ MP7697 發表於 2025-10-17 10:50
可以排除係兩個同名人士嗎?
落埋身份證就唔會啦。
其實，司機一日踩十幾個鐘，甚至做勻兩間公司。我諗除咗司機難請外，司機為了應付家庭開支或者還債，不惜犧牲休息時間，都係社會值得深思。 tommy14D 發表於 2025-10-17 11:58
咁如果係揸完巴士又揸其他交通工具呢？
有人做埋外賣員啦 Man@MFHK 發表於 2025-10-17 12:05
落埋身份證就唔會啦。
私隱條例，巴士公司都唔可以隨便交車長身份證號碼俾運輸署
tommy14D 發表於 2025-10-17 11:58
咁如果係揸完巴士又揸其他交通工具呢？
以前做夜更替工的士司機果陣見過著新記制服車長攞車添啦:lol