yclam 發表於 2025-10-17 12:53
其實，司機一日踩十幾個鐘，甚至做勻兩間公司。我諗除咗司機難請外，司機為了應付家庭開支或者還債，不惜犧 ...
揸聯營路線應該幾爽上午城巴104, 下午九巴104
實唔怕記錯路
AVBWU291 發表於 2025-10-17 09:38
之前聽講過巴士公司係會每日交名上運吉。即係話技術上運吉係可以知道邊條友一日揸兩更？ ...
我當你技術上可以做到，但實際去唔去check同處理係另一回事。
大家有無諗過運輸署D狗官，有份製造D問題，比呢個行業。
一個巴士司機一日打兩份工為乜先？都係因為想搵多個錢，又或者佢本身開支大，要不斷努力先可以應付自己日常開支。
運輸署的狗官，成日以為幫緊呢個行業，實際就不斷地喺度搞破壞。
以前一個巴士司機，只要你肯做，十三十四個鐘都一定比你做。雖然辛苦，但出糧果刻大家都會開心。
而家運輸署班狗官，要求你一日最多駕駛三條線，行車時間不能多於十小時。呢啲限制，正正就去扼殺司機爭取更多嘅收入，你諗下你一日返個字軌 ，以九巴為例 85x 680 681 ，可能做一單或者一轉，但補水又唔夠，你想加走又驚犯規（過10 小時行車時間） 。咁個司機都要生存，可能要做其他兼職。
講真，長工時同揸幾多條線都無問題，你去外國參加旅行團，你會唔會會見到旅遊巴會換司機？
唔通0800 出發，同D團友講今日1800 旅遊巴司機要休息，所以你哋自己搵方法返酒店啦。
根本就係班垃圾高官搞出來。
嚟緊仲話立例所有乘客佩戴安全帶。到時啲老人家咪唔肯坐低企喺度咪更加易傲骰仔。
RH7539 發表於 2025-10-20 14:01
大家有無諗過運輸署D狗官，有份製造D問題，比呢個行業。
一個巴士司機一日打兩份工為乜先？都係因為想搵多 ...
台灣都有司機最長工時規定, 所以如果當日旅行團行程超過 10/12 小時, 要換司機繼續行程.
本帖最後由 KE7066 於 2025-10-20 16:43 編輯
RH7539 發表於 2025-10-20 14:01
大家有無諗過運輸署D狗官，有份製造D問題，比呢個行業。
一個巴士司機一日打兩份工為乜先？都係因為想搵多 ...
唔係幫運吉講說話
家家有求 compliance 係咪真係有用係可以思考
但三條線係紅色公司同工會達成嘅結果，唔關運吉事
又，運吉唔係唔比你做夠十三個鐘，蛇車玩法 Tup 夠三粒鐘同埋總行車時間唔爆其實係可以；當然紅公司瞓覺無咁多錢就後話
往往係 compliance 再加公司縮數先係唔比你做嘅結果，實質都係揸咁多單邊個會想出多份糧
你舉海外旅行團做例
0800 直踩 10 個鐘飯都無餐，做客坐係車上面都會覺得有問題啦
所以 1800 本身就有水位
Compliant 計實質 10 個鐘行車旅行團點睇都唔容易
而且 Compliance 喺度，唔合規從來唔係設立果個嘅問題啦，唔識搵多個司機拍檔咩
甚至講明有 Compliance 底下設計個行程好少少唔得？運吉都算仁慈啦，突發情況無話一爆十個鐘就要原地劈車，可以比你做埋單生意先
RH7539 發表於 2025-10-20 14:01
大家有無諗過運輸署D狗官，有份製造D問題，比呢個行業。
一個巴士司機一日打兩份工為乜先？都係因為想搵多 ...
避免司機疲勞駕駛都可以俾你講到十惡不赦咁樣...
不如反思吓點解開支會大到要打兩份工應付啦，
雖然歸根究底又係社會基層分享唔到經濟發展成果...
ENS529 發表於 2025-10-20 16:42
避免司機疲勞駕駛都可以俾你講到十惡不赦咁樣...
不如反思吓點解開支會大到要打兩份工應付啦，
唔否定有人開支特別大需要搵多啲錢
但好肯定既係有一大部份人係巴膠為益車…
RH7539 發表於 2025-10-20 14:01
大家有無諗過運輸署D狗官，有份製造D問題，比呢個行業。
一個巴士司機一日打兩份工為乜先？都係因為想搵多 ...
老老實實, 每人每日都係得24小時, 時間都係咁多
如果你日日做超過16小時, 一日半日都算,
日日係咁, 講緊係涉及人命同高度集中工作,
要限工時好正常吧, 益車都有限度吧
WR309 發表於 2025-10-21 18:00
老老實實, 每人每日都係得24小時, 時間都係咁多
如果你日日做超過16小時, 一日半日都算,
日日係咁, 講緊 ...
無錯，一日係得24小時
你叫人一日踩兩更好唔人道
但你諗下最高工時12 小時（但駕駛工時10小時），呢個限制可能有D緊。
就拎非專同專利比，非專就可以14 小時 ，咁點解唔可以睇齊
其實變左好多巴士司機本身有一份都出去秘撈 ，有D人就送外賣，甚至做裝修都有
本帖最後由 WR309 於 2025-10-22 11:23 編輯
非專確實冇呢個指引, 一般旅巴都冇呢個指引,
以非專為例, 個別路綫的確可以做到14小時工時
以在2018年大埔公路意外前, 專利公司亦可以容許一更做到14小時上限
專利公司工時一直有上限, 只係之後改為一般情況下不超過12小時,
再去到某公司唔容許開到一工補6以上純粹係因為財政支出考量,
當然某啲崗位編到6小時7小時連小休都只剩45分擺到明係玩自己伙記
而運吉現今指引亦無寫明因交阻或私牌過時唔畀你繼續揸到指定地方收工的,
如果畀著外國, 唔該全車人等換車長啦,
確實涉及駕駛大型車輛或公共交通工具容易疲勞, 呢個係公認事實
出呢條討論問題係想帶出返, 某啲人不負責任去跨公司咁當值法,
對乘客安全會構成威脅之餘, 對自己都唔會有好處,
即使涉事車長唔係A公司B公司連續當值, 而係做第二份工去送外賣,
我舉例如果叫你由朝早6點踩到凌晨2點, 中間照畀足三餐同小休時間自己,
正常第二日照叫你返95工, 保證你80%機會早上要自己射波請假抖,
第二日你頂到, 第三日都開始頂唔到,
第三日頂到, 第四日你都要休
所以唔好巴士迷們唔好傻, 到出大意外嘅時候唔會有人保你