ECBuzz 發表於 2026-1-31 09:48
呢個正好係社交媒體時代, 公共行政所面對嘅重大困境。由於KOL們為討好受眾無所不用其極, 加上迴音璧效應, ...
認同市民未必一定理性
老實講，增加安全性係好事，呢點無人會反對
但如果予人觀感係龍門任搬，就好易引來反彈
運輸署啱啱先推粵車南下，衍生駕駛習慣同黑玻璃問題
面對大家對安全性有質疑，署方個態度似乎唔當係一回事
掉轉頭就對巴士乘客又拉又鎖
運輸署要守住道德高地，首先要成個邏輯脈絡一致先
castanopsis 發表於 2026-1-31 22:08
認同市民未必一定理性
老實講，增加安全性係好事，呢點無人會反對
但如果予人觀感係龍門任搬，就好易引來 ...
根本運吉就對所謂嘅一致性視若無睹...有麻鷹唔捉走去捉雞仔...（又係果句，安全帶我唔反對要戴，但唔係巴士呢啲勁多站上上落落又仲有企位呢啲，P960或P968我尚且勉強可以接受）
想問下寵物巴士d dog dog洗唔洗帶安全帶？唔帶會唔會入虐畜？
ECBuzz 發表於 2026-1-31 09:48
呢個正好係社交媒體時代, 公共行政所面對嘅重大困境。由於KOL們為討好受眾無所不用其極, 加上迴音璧效應, ...
響依個講利益嘅城市，民風呢樣野我諗無咩幾多人真心理會
有啲人就係無野沖擊到自己就唔會收口
惡搞問題笑下整首歌無問題，大家精神上都需要滿足，同埋真係值得笑
但有啲懶係做過官就好心咪扮野
見到佢地一味假設人地無做過野，唔識佢識嘅野
咁就俾人當神咁拜，似乎想拉低社會整體智商就真
真係好想叫佢順便comment下巴士觀賞區同118R駐警係咩野嚟？
leungky0528 發表於 2026-2-1 09:41
響依個講利益嘅城市，民風呢樣野我諗無咩幾多人真心理會
有啲人就係無野沖擊到自己就唔會收口
我會話民風係大眾個人利益嘅總和。
大眾嘅個人利益，同大眾嘅利益又唔一定同步。
收稅或者任何政府徵費去維持公共設施無得避免，前者係個人利益後者係大眾利益。
收錢幾乎係最唔受歡迎嘅措施就係說明呢點。
（駛唔應駛嘅錢，或者應駛但駛大佐係另一課題）
KOL不論背景投老闆所好，又係利益所在。
有冇教化嘅責任頂多係道德倫理問題，不過提出問題都係現代社會嘅基本。
（所以一路都無反對過其他人嘅反對，只係反謬誤謬論）
响高度分工嘅社會又好難強求大眾乜都要知。
有D政策昨日唔做今日做，有人視為打倒昨日的我。
更多情況係利益轉佐向。
castanopsis 發表於 2026-1-31 22:08
認同市民未必一定理性
老實講，增加安全性係好事，呢點無人會反對
但如果予人觀感係龍門任搬，就好易引來 ...
你自己睇下數據，咁多年黎，有幾多巴士乘客係因為冇戴安全帶而死先啦
你要安全，就一定係取消企位，不持續扶實扶手都罰3個月監
再唔係要5點安全帶，巴士乘客要戴頭盔先可以坐
夠安全未? 領先全球不如去到盡啦
乜都話安全係好事，你自己諗下自己講乜先啦
的士死人多定係巴士死人多，不如又取消所有的士牌?
安全喎
VA73@2A 發表於 2026-1-31 00:31
有報紙話特首講明呢條例一定會再推
https://www.hk01.com/%E6%94%BF%E6%83%85/60317842/%E5%B7%B4%E5%A3 ...
減輕罰則同改用腰式安全帶就得啦
3av188 發表於 2026-2-2 23:32
你自己睇下數據，咁多年黎，有幾多巴士乘客係因為冇戴安全帶而死先啦
你要安全，就一定係取消企位，不 ...
澄清返先
我一直都同意，座位乘客個風險本身已經好低
立例強制佩戴，無必要，亦太擾民
但要求巴士公司安裝安全帶
俾想要額外保障既乘客選擇權，我覺得無問題
當初正正係因為反對強制佩戴
同四位版友（ccchhhuuunnn/s3n370/kay/KE7066）拗咗幾十版
castanopsis 發表於 2026-1-31 22:08
認同市民未必一定理性
老實講，增加安全性係好事，呢點無人會反對
但如果予人觀感係龍門任搬，就好易引來 ...
搬龍門係佢哋重點工作嚟;P
道德？咩嚟㗎？搵到錢㗎？
ryumew 發表於 2026-2-3 09:01
減輕罰則同改用腰式安全帶就得啦
香港任何有企位嘅巴士特别係雙層巴士都唔適合強制戴安全帶。
唔係因為有企位所引申公平性問題，而係對專營巴士整體運作模式嚟講係唔可行。
喺一架專營巴士上面，由㩒鐘到讓路俾隔離位出入都有機會需要解安全帶，而預備落車亦都好大機會喺行車期間進行，呢啲時候就會產生大量被犯法嘅灰色地帶。
法律嘅訂立係應該基於維持公義同保障人民生命財產安全，但強制坐巴士帶安全帶偏偏就會引發大量執法不公、市民誤墮法網嘅可能，咁已經係違反公義，市民一旦被捉就要花好多精力時間去證明自己係合理解安全帶，對市民係唔公平。