好怪嘅收費計算方式，真係估唔到嘅結果。
由柴灣出發，去___至___其中一個站落，收$___。九龍至青衣$15.8
尖沙咀至荃灣 $15.8
九龍灣至黃埔 $15.8
鑽石山至何文田 $15.8
美孚至尖東$15.8
紅磡 $17？
旺角東 $17？
點解短貴長平嘅主角唔係屯馬線嘅？變咗東鐵線嘅？（九龍塘$15.8）
今次個距離真係差好多喎，去荃灣仲平過去紅磡。（荃灣西例外，本身屯馬線個收費表都亂嚟。都唔知點計出嚟[話時間計算但架鐵愈來愈慢，收費唔見平咗去邊嘅？][距離都唔知點定]。但柴灣出發屯馬線由美孚去鑽石山（紅磡除外）收費居然符合常識？！） 這個奇怪現象是歷史遺留落嚟：2007年12月2日兩鐵合併扣減轉乘車費。
回帶：
2007年12月1日兩鐵合併前票價表：
（九廣東鐵）紅磡車站至九龍塘車站 $3.2
（九廣東鐵）旺角車站至九龍塘車站 $3.2
（地下鐵路）九龍塘站至柴灣站 $11.8
2007年12月2日兩鐵合併票價表：
（港鐵）紅磡至柴灣： $3.2 + $11.8 - 轉乘車費$1.5 - $1.0 (長程額外調減) - $0.2 ＝ $12.3
（港鐵）旺角東至柴灣：$3.2 + $11.8 - 轉乘車費$1.5 - $1.0 (長程額外調減) - $0.2 = $12.3
（港鐵）九龍塘至柴灣：$11.8 * 0.95 (中程九五折) = $11.2
經過十多年的車費調整：
紅磡及旺角東至柴灣 $12.3 變成 $17.0 (加幅38.2%)
九龍塘至柴灣 $11.2 變成 $15.8 (加幅41.2%)
本帖最後由 toyl 於 2026-2-12 14:59 編輯
美孚、南昌、尖東(合拼時直接等於尖沙咀)直接攞咗ex-M車站計，柯士甸都係參考咗佐敦/九龍站價錢，
得返旺角東、紅磡、荃灣西過海車費表係有兩鐵合拼歷史因素特別貴
簡單嚟講，根本係應該紅磡同旺角東直接減價，與同區其他車站睇齊，但呢件事係幾乎無可能 本帖最後由 kei_hk 於 2026-2-12 17:30 編輯
Ohm 發表於 2026-2-12 15:23
簡單嚟講，根本係應該紅磡同旺角東直接減價，與同區其他車站睇齊，但呢件事係幾乎無可能 ...
兩鐵合併﹐本身已經係收費出問題的地方﹐成日話透過每年(次)加價去理順。
但係新網絡發展﹐又令到有更多的收費問題產生﹐又話透過每年(次)加價去理順。
直到今天﹐都仲有這些不公平的收費問題﹐真係唔知幾時才可處理晒這些問題。
未來仲有北環線﹐新界東/西的收費又會出問題﹐成件事真係沒完沒了。
仲有一些倡議中的路線﹐真係隨時上一次都未理順完﹐又有新問題出現。:L
真係期望來一次大改革﹐以實際車程距離定出收費﹐長遠解決收費不公平的問題。
以後有新路線投入服務﹐亦唔需要再慢慢思考整個網絡的收費問題。
註:
A) 牽涉轉線的車程﹐以最短的行程計算里數。
B) 2個邊境車站﹐可以用額外收費(附加費)去處理﹐在里程上再加收費用。
C) 東鐵線(上水<>紅磡) 歷史因素問題﹐受過境線高收費的補貼﹐這段路程的收費可以稍為低一點 (eg. 標準收費的95%計算)。
參考資料 :
深圳地鐵的收費標準 : 起步價為首4公里人民幣2元，隨後里程越長，單位價格越低。
具體為：4-12公里每4公里加1元，12-24公里每6公里加1元，超過24公里每8公里加1元。
kei_hk 發表於 2026-2-12 17:26
兩鐵合併﹐本身已經係收費出問題的地方﹐成日話透過每年(次)加價去理順。
但係新網絡發展﹐又令到有更多的 ...
東鐵上水至紅磡本地線及馬鐵烏溪沙至顯徑(新界區內)，與同距離的地鐵市區線比較似乎唔止95折，可能是8折左右，這一點其實有點像新界東的區內郊區巴士線及部分市區巴士線，收費特別平，所以似乎有其歷史因素的影響。
九龍區前地鐵車站(例如荃灣線、觀塘線及東涌線) 的車站過海票價，使用前地鐵收費表（2007年兩鐵合併前的票價分別為 $7.9、$10.0 及 $11.8）打折扣處理，合併後變成 $7.7、$9.5 及 $11.2。（相當於今天的 $10.6、$13.2 及 $15.8）
九龍塘、美孚及南昌這三個前九鐵車站本身亦是前地鐵站，所以過海車程直接採用地鐵票價。
柯士甸站、啟德站至土瓜灣站的票價是兩鐵合併後才設定，是參考前地鐵市區線車站的票價訂定，故九龍南線及沙中線於九龍區的新車站票價結構可視為與市區線票價結構相同。
由於只有紅磡、旺角東及荃灣西這三個前九鐵車站並不是前地鐵站，因此兩鐵合併時要使用 #2 文章所述的公式計算票價：九廣東鐵車站的轉乘車費是以九龍塘或尖東作為轉乘站計算，九廣西鐵車站的轉乘車站則以美孚或南昌作為轉乘站計算（以最低票價車程做折扣)，因此在2007年12月2日兩鐵合併時，這三個車站的過海車費結構出現了以下層級：
紅磡 ：$9.1 (往上環至灣仔)、$9.5 (往銅鑼灣)、$10.7 (往天后至鰂魚涌)、$12.3 (往太古至柴灣)
旺角東：$9.3 (往上環至灣仔)、$9.5 (往銅鑼灣)、$11.2 (往天后及炮台山)、$11.4 (往北角及鰂魚涌)、$12.3 (往太古至柴灣)
荃灣西：$12.9 (往上環至天后)、$13.5 (往炮台山至柴灣)
因此，涉及前九鐵車站的過海票價，在絕大部分情況下都會高於來往兩個前地鐵站(不牽涉九鐵車站)之間的車程。
由兩鐵合併開始，一直都有人要求完全重新整過合併後車費公式，但港鐵堅持唔肯:@ 吳宗錡 發表於 2026-2-12 18:50
由兩鐵合併開始，一直都有人要求完全重新整過合併後車費公式，但港鐵堅持唔肯 ...
如果結論係加到同等水平，你估會有人接受？
首先，要佢減就無可能
天空之神 發表於 2026-2-12 18:58
如果結論係加到同等水平，你估會有人接受？
首先，要佢減就無可能
點解冇得減價？係唔係因為「可加可減機制」禁止港鐵擅自決定減價或唔加價？