EX-TL 發表於 2026-2-20 23:04
我講緊居屋, 點解你舉埋啲私樓嘅, 私樓佢哋各自為政啦, 居屋係房委會/房協, 兩樣嘢點撈得一齊嚟講呢!
其 ...
外人入去一係借路，一係用設施。前者都有居屋因為有門禁而令附近居民無法借路，例如無法經彩興苑來往彩德同坪石遊樂場。後者都有機會兜遠咗，而且居屋範圍嘅公園等設施應否開放俾人用都值得討論，畢竟係用公帑資助你買個單位，私人樓都尚且可以有公共空間嘅要求，居屋憑乜覺得係理所當然要圍起？
li1872903 發表於 2026-2-20 17:43
仲有觀塘寶珮苑都係，反而居屋第三期嘅康田苑係有閘，以我所知藍田康盈苑係有閘，但夜晚先會關閉，因為 ...
你可以參考吓東涌裕雅苑嘅設計，住宅部份同幼稚園各自有不同出入口，住宅門禁唔影響幼稚園運作
其實內嵌GIC（安老院、幼稚園、社區會堂等）嘅私樓項目早就係咁設計
巴士的膠 發表於 2026-2-21 00:28
外人入去一係借路，一係用設施。前者都有居屋因為有門禁而令附近居民無法借路，例如無法經彩興苑來往彩德 ...
建議你做多啲research先以免拖低討論質素，未補地價居屋單位嘅「賣平咗」係來自二手市場轉售限制同物業用途限制（即業主只可自住、不准出租單位），唔係咩提供公共空間
呢方面私樓同居屋係一樣，你見到嗰啲公共空間係有額外可建樓面面積做補償（例如起多幾個單位），唔係發展商單方面無償提供，有嘅話批地條款會寫明提供啲乜同日後邊個負責管理同維修
如果個項目本身無呢類條款，自然就無必要開放任何空間畀公眾使用
本帖最後由 Toz 於 2026-2-21 14:18 編輯
EX-TL 發表於 2026-2-20 16:06
反而唔明廣明苑 富康花園呢D所謂「舊」屋苑點解要整得咁open, 始終賣出去嘅當然係要規格高一d.
當公屋都意 ...
舊居屋唔open先係少數喎
就算無商場無幼稚園無院舍一樣咁open
80年代落成既居屋幾乎都唔會有大閘唔比外人行入去
90年代初期龍蟠苑係地鐡站隔離都一樣比外人隨便入
Toz 發表於 2026-2-21 14:16
舊居屋唔open先係少數喎
就算無商場無幼稚園無院舍一樣咁open
沙田愉田苑，第一城站A出口斜對面嗰個行人出入口
應該都係有馬鐵之後先開始有門禁（甚至特登開辟呢個密碼閘）？
只知上水旭埔苑，上水站A大堂至彩園邨商場行人天橋橋底嗰個行人出入口，
係喺早10幾年前水貨客崛起嗰陣，加上房署喺隔籬整咗個彩園邨社區園圃，先至set咗密碼閘
BTW，呢兩個屋苑除咗呢兩個行人出入口之外，其他行人出入口都係冇門禁，可以自由出入;P
天空之神 發表於 2026-2-20 13:59
其實以前居屋就係公屋隔離有幾座賣
用黎填補埋起公屋既支出
搞笑嘅係，以前係公屋一個屋苑，隔離居屋一個屋苑，依家係公屋居屋合埋一個屋苑咁
1234567 發表於 2026-2-21 16:49
搞笑嘅係，以前係公屋一個屋苑，隔離居屋一個屋苑，依家係公屋居屋合埋一個屋苑咁 ...
其實你講嘅情況，8/90年代比宜家更common，大型屋邨項目規劃埋居屋係基本嚟
你見大埔運頭塘邨+逸雅苑+德雅苑+景雅苑呢啲根本係一個整體嚟
li1872903 發表於 2026-2-20 17:43
仲有觀塘寶珮苑都係，反而居屋第三期嘅康田苑係有閘，以我所知藍田康盈苑係有閘，但夜晚先會關閉，因為 ...
因為宏緻苑本來係公屋規格，你響#1提到既麗翠苑都係本來全部公屋
hokachung 發表於 2026-2-21 02:10
建議你做多啲research先以免拖低討論質素，未補地價居屋單位嘅「賣平咗」係來自二手市場轉售限制同物業用 ...
建議你做多啲research先以免拖低討論質素，
地契條款唔一定附送額外面積，係睇政府批地條款點同發展商傾，招標就更加係寫哂啲條件，政府批俾房署房協更加唔牽涉搲額外樓面面積。而且要求房署設計成可以俾外人入，喺地契條款可以用right of way，都唔係事必要開哂公共空間都可以幫到人借路。
用返彩興苑個例子，由彩興路上一樓去彩德一樣係用咗人哋屋苑設施，而無圍封嘅麗翠苑，無特別講過但樓下公園基本上外人都可以用，租置賣樓一樣無講過俾唔俾圍封條邨，否則例如鳳德咁作為主要通道，都幾難處理。所以主要都係睇房署點設計，一般無問題都唔會改，反而一早圍封咗係令大家唔方便。
VK4642 發表於 2026-2-21 22:27
因為宏緻苑本來係公屋規格，你響#1提到既麗翠苑都係本來全部公屋
但高宏苑都係公屋（鯉魚門邨），最後都係有閘。景泰苑一樓天橋係有閘，地下無閘似乎係因為有街舖。清濤苑向巴士總站一樣都係街舖。
暫時規律似乎係混合項目/街舖無得圍封->無閘，其他出售項目儘量安排。