Toz 發表於 2026-3-20 23:02
啟德唔需要直線主幹道，而係比公共交通走通既區內道路
你咁樣駁巴士一樣要行掘頭路先cover到
演唱會期間直接臨時封起沐安沐元應該得
99MAN 發表於 2026-3-22 15:56
演唱會期間直接臨時封起沐安沐元應該得
封咗啲車點出入？
駁啟德站堆巴士點搞？
流星☆雨 發表於 2026-3-20 17:39
最起碼沐泰街沐寧街、沐和街沐禮街兩組分別連通返，都已經好啲
絕對係啦
通返唔止唔會令到道路更危險,
相反啲掘頭路可以串連變成單程路, 改善行車安全
Quanta 發表於 2026-3-23 13:31
絕對係啦
通返唔止唔會令到道路更危險,
相反啲掘頭路可以串連變成單程路, 改善行車安全
啟德係行人優先嘅社區，車就係要喺外圍兜
講真，行人都忍讓咗啲車幾十年啦，成日都要飛天遁地去讓路畀啲車，而家只不過係角色掉返轉啫
Ohm 發表於 2026-3-23 14:09
啟德係行人優先嘅社區，車就係要喺外圍兜
講真，行人都忍讓咗啲車幾十年啦，成日都要飛天遁地去讓路畀啲 ...
你諗得太天真
行人優先嘅實情係電動單車同電動滑板車優先
同埋其實成個廣場啲路都係 EVA, 都有機會有車行㗎
不時有工程車走入去, 所以啲路先成日爛
jpoon 發表於 2026-3-23 04:04
封咗啲車點出入？
駁啟德站堆巴士點搞？
咪依家咁搞
封返新起出嚟嘅啟德車站廣場段唔比車入咁解，現有個part嘅沐元街照開放
呢個咪就係以公共交通特別係鐵路做主要骨幹、行人優先既設計，以步行為主，將馬路放係外圍，減少社區空間入邊既車流。而且你劃果度係啟德河，本身就係想露天變成南韓清溪川一類景觀河道，又點會覆蓋佢呢。
其實咁設計唔差既，以香港既人口密度，行人優先做人本城市，比車本城市好得多，唯一問題係啟德車站個露天廣場似乎無考慮香港炎熱既天氣。
起緊既古洞發展區都係咁設計，以古洞站為中心都係公園+商場住宅區域，道路係外圍，有多個掘頭路。洪水橋站都係咁既設計。
成個設計根本唔好，安寧禮和全部玩自轉，搭車就知道好似傻仔咁
本帖最後由 DIH 於 2026-3-31 11:10 編輯
我唔係成日搭啟德巴士所以意見不能作準，但而家呢個設計都衰唔晒，就係因為無駁通，每條內街車流唔多，好似22M行沐安街，觀感差但架車行得快，一來一回都唔係太花時間。
一般私家車只會點對點，打唔打通都不太影響，若由外區入去，大部分情況都可以有不太兜路的選擇。
如果內街打通，車流增多，行人過路處同路口就可能要改用燈，巴士成日要讓車停燈都唔快得去邊。
行車角度最想打通可能係沐安沐元，但底下有鐵路起隧道不太可行，起橋最好係有寬闊行人路及花槽的園景天橋。不過又要諗下，打通後可能有太子道去九龍灣商貿區的車行入內街，條路承唔承受到？住宅區內車來車往又係咪好事？現時布局就算觀塘道出事，其他跨區車最多塞入承啟道，唔會走入民居。
DIH 發表於 2026-3-31 10:36
我唔係成日搭啟德巴士所以意見不能作準，但而家呢個設計都衰唔晒，就係因為無駁通，每條內街車流唔多，好似 ...
有大把方法可以方便公共交通經過而唔俾其他車入去
例如係路段出入口設bus gate + ANPR