港鐵向傳媒介紹屯門南站工程進展
本帖最後由 hkitalk.media 於 2026-7-25 13:47 編輯港鐵今日向傳媒介紹屯門南延綫最新工程進展。工程至今進度理想，地下管線改道及車站地基工程已大致完成，預計於 2026 年下半年全面進入車站結構建造階段，維持目標於 2030 年完工。
為配合狹窄環境，屯門南站採用纖巧的高架車站設計。新車站將設有 3 個出入口（分別近湖景路花園、兆禧苑商場、屯門碼頭），其大堂與月台均設於同一層，方便乘客入閘後直接乘車；車站夾層則會銜接兆禧橋。港鐵將採用預製組件與現場施工的混合模式，減少對周邊社區的影響。
屯門南站站名候選名單:lol
1. 屯門南
2. 屯門碼頭
3. 湖景
4. 兆禧 比較好奇，通車後輕鐵和鐵巴點重組，覆蓋曬屯門重要地點，614同615會不會消失 一直以為是架空 hadboy5 發表於 2026-7-25 16:48
比較好奇，通車後輕鐵和鐵巴點重組，覆蓋曬屯門重要地點，614同615會不會消失 ...
其實我覺得對507嘅影響大過614 615尤其615
屯碼去元朗，而家主力都係610而唔係614 615 大堂月台同一層，又令人諗起寶琳站啲慳錢設計
按估計係車站頭尾兩個分離式大堂，兆禧果邊應該係細大堂並連接扶手電梯往夾層以跨過鐵路橋進出車站，而碼頭果邊應該係大大堂，包括埋職員空間同車站控制室等設施，但如果係與月台同一層即係搵個大堂包住條軌道盡頭
呢間公司係將軍澳既反人類設計又再次出現
本帖最後由 tt777 於 2026-7-25 23:55 編輯
GW5878 發表於 2026-7-25 22:59
大堂月台同一層，又令人諗起寶琳站啲慳錢設計
按估計係車站頭尾兩個分離式大堂，兆禧果邊應該係細大堂並連 ...
但依家起碼好過寶琳站，至少係雙月台，
反正屯門南係永久盡頭，同埋唔見得有得再拉：
一是蝴蝶灣打後唔再起住宅
二是鐵路橋會極大影響蝴蝶灣泳灘(涉及整個屯門even成個大西北利益，因為蝴蝶灣泳灘重要性好大，另一個係黃金)
但寶琳站最攞命得單月台仲要冇得加多組月台搞到寶琳車有班次限制
tt777 發表於 2026-7-25 23:42
但依家起碼好過寶琳站，至少係雙月台，
反正屯門南係永久盡頭，同埋唔見得有得再拉：
一是蝴蝶灣打後唔再 ...
冇人會精確預計到未來發展，就如康城站建造時都冇諗過會有機會延伸
難保他朝一日小冷水／望后石會變身為住宅區，
如果係既條線向海繼續延伸就得，但如果拎個大堂核心設施去封住後路，咪即係等同觀塘線盡頭啲樁柱，要改就要停個站運作幾個月...
以前既鐵路係有得預留就盡量預留，就係方便唔知幾時就有用到既改動同城市發展，但今時今日建設太短視會令日後付出更重既改動成本
GW5878 發表於 2026-7-26 01:46
冇人會精確預計到未來發展，就如康城站建造時都冇諗過會有機會延伸
難保他朝一日小冷水／望后石會變身為 ...
因為走線上冇可能出海，當初嘅預留實際上都係人工島項目分支，屯門南只係做轉車站而唔係直接屯馬綫入去
本帖最後由 tt777 於 2026-7-26 13:02 編輯
he_01 發表於 2026-7-26 09:11
因為走線上冇可能出海，當初嘅預留實際上都係人工島項目分支，屯門南只係做轉車站而唔係直接屯馬綫入去
...
係，向海延申係0可能：
1. 係海上起咁長鐵路橋成本都唔少
2. 鐵路橋向海延申會圍起蝴蝶灣泳灘嚴重影響泳灘景觀&體驗，蝴蝶灣泳灘話哂都係區內重要地標，咁搞法成個屯門ban硬你都似。
頁:
[1]
2