[2026.05] 關西獨遊48小時
本帖最後由 DIH 於 2026-8-7 12:08 編輯前言
2026 年 5 月去了一轉大阪及北海道，之後又同家人去和歌山，早前已分享飛行報告，現分享鐵路篇。內容非常多，會分階段推出。
5 月 10-12 日，我有大約 48 小時在關西獨遊。機場出入搭はるか（Haruka 遙），加上一兩段長車程，初步計過買 Kansai Area Pass 3 Days，包埋京都三間私鐵（京都地下鉄全線、阪急京都線全系統[梅田至河原町及嵐山、北千里至天神橋筋六丁目]，以及部分京阪系統[橋本以東各站]）。JR 線內可以搭新快速或以下各級別，特急只包 Haruka 自由席及兩次指定席，若搭其他特急要自行課金買特急券及／或指定席券，唔包新幹線。
這次分享除相片外，會有較多長影片，請自行斟酌觀看。
快速跳轉
Part 2 快閃夢洲
Part 3 超級白兔
Part 4 尖鼻吉蒂
Part 5 稲荷宇治
Part 6 京阪遊歷
Part 7 輾轉歸途
Part 8 遙到関空
Part 9 紀三井寺
延伸閱讀：北海道歷史定格
——————————
Part 1 遙入大阪
▲熟悉的関空站牌
https://www.youtube.com/watch?v=uTTARxXC0Vk
▲南海電鉄彩繪 Rapi:t
▲225 系関空快速
▲281 系 Haruka，職員幫我劃 2 号車 Seat 4A。
▲椅背
▲顯示屏
https://www.youtube.com/watch?v=_HZyxefQBCE
▲関西空港—熊取 左側展望
https://www.youtube.com/watch?v=8gs17SqtXiE
▲久米田—信太山 左側展望
https://www.youtube.com/watch?v=xeALOINMndI
▲富木—津久野 左側展望
https://www.youtube.com/watch?v=yAM1vThkm18
▲堺市—杉本町 左側展望
▲16:14 関西空港発，17:06 新大阪着。
https://www.youtube.com/watch?v=_784nucKoYY
▲南田辺—天王寺—大阪（左側）、大阪—新大阪（右側）、新大阪発車
https://www.youtube.com/watch?v=GLj3QyCg5dk
▲巧遇 683 系「悠久」編成，行走特急まほろば号（Mahoroba 理想鄉）。此特急逢星期六、日及假期行走於大阪及奈良之間，途經大阪東線，由「悠久」與「安寧」兩列特別改裝三卡 683 系行走，一落車就見到，非常好彩。
▲289 系
▲一直掙扎究竟應該住上次間 Hotel Respire Osaka 定係試下新大阪駅上面間 Remm Shin-Osaka，出發前三日最終決定住 Remm，特登揀 corner twin，可以望到三條鐵路（東海道新幹線、東海道本線及地下鉄御堂筋線）。雖然係 twin，但可見兩張床直情拍埋一齊，又有張椅及騎床枱，其實空間唔多，我個喼要放上床。四隻窗有三隻都有網，只有最左邊一隻無網。話說呢間酒店我 2018 年都考慮過，但因房間較細，購物又唔夠方便，與家人同行唔太適合，結果一隔就係八年，今次一支公終於如願。
▲連浴缸都可以望鐵路
▲睇車睇到唔願走 本帖最後由 DIH 於 2026-8-7 13:13 編輯
Part 2 快閃夢洲
▲安頓好後，趁重有陽光，去御堂筋線新大阪駅影車。
▲配合 2025 年世博，大阪地下鉄多個車站都有翻新，新大阪駅月台北端增設睇車空間。
▲新大阪駅設有調頭側線，繁忙時間好易影到三車同框。圓頭係 Osaka Metro 30000 系，2011 年開始投入御堂筋線。
▲斜頭係 Osaka Metro 21 系，1991 年加入御堂筋線。
▲左邊方頭係北大阪急行 9000 系，2014 年起投入服務。向北行多兩個站的江坂係大阪地下鉄與北大阪急行交界站，但只有渡線而無側線，故除早朝深夜少量班次外，其餘大部分全程班次都駛到箕面萱野，短棍則於新大阪調頭。
https://www.youtube.com/watch?v=6D4m4_s9NTc
▲當時係星期日黃昏，箕面萱野—中百舌鳥全程及新大阪—天王寺短棍比例為 1：1，聯合班次約 2.5 分一班。
▲搭到本町轉中央線
https://www.youtube.com/watch?v=wOyCYx087ZE
▲御堂筋線新大阪至中津左側展望及本町発車
▲中央線 400 系車內
https://www.youtube.com/watch?v=hR7qhSmd3Io
▲阿波座至朝潮橋右側展望
https://www.youtube.com/watch?v=nBTbFna-ax8
▲朝潮橋至大阪港前面展望
▲到達夢洲
▲睇相見得多，今次終於親身搭到＋影到宇宙船。
▲14 分鐘一班車
https://www.youtube.com/watch?v=lZjVnsMiKCA
▲400 系開出
▲善用兩班車之間空檔參觀夢洲駅。當日日間都有廿幾度，但入夜後得 18-20 度，夢洲駅位處地底又冇乜人流，涼風陣陣，身上只有薄褸又未食飯，要不斷活動保持體溫。
▲站外係世博場地拆卸地盤，無出閘。
▲人面識別閘機
▲現時夢洲駅使用量極低，售票、增值機各一就夠。
▲回頭望返閘內。世博過後，偌大站體無甚作用，靜待地面改建成渡假區。
▲All Gender Toilet
▲遊完一圈就落返月台，下一班係近鉄 7000 系，又解鎖一款車型。
▲近鉄 7000 系車內
▲我係可以沿路搭返梅田，由新大阪入至梅田出，只需 190 円。但又想參觀弁天町轉乘通道，所以在弁天町落車，咁就 290 円。
https://www.youtube.com/watch?v=7ennavkxot4
▲近鉄 7000 系弁天町発車
▲跟住指示去轉 JR
▲入 JR 閘後會抵達內回月台，去外回就要再搭電梯過對面。
▲求其搭架 221 系大和路快速，去到大阪轉牌做普通。
https://www.youtube.com/watch?v=bU8g5Moav2U
▲大阪駅另一邊往加茂的 221 系大和路快速
▲由弁天町至大阪一段係 JR 就唔使錢
▲高熱量晚餐：揀佢係因為唔使等位
▲翌日第一程去姫路，唔想搭新快速同人迫，首試用售票機買特急券。
▲搭 225 系快速返到新大阪
▲321 系普通
https://www.youtube.com/watch?v=gua3hcfyFi4
▲三班車出入站影片
▲翌日要搭新幹線，之前已在 SmartEX 網上購票，到新大阪駅用機取票。
▲Good night 本帖最後由 DIH 於 2026-8-7 12:12 編輯
Part 3 超級白兔
第二日係戲肉，全日瘋狂搭鐵。
▲車票曬冷
▲酒店早餐係去樓下越南餐廳，都係特色之一。
▲房間拍攝新幹線
▲房間拍攝在來線
▲第一程由新大阪去姫路，唔加錢可以搭新快速，但考慮到當時係早繁，又剛好有班特急可以搭，更係未坐過的スーパーはくと（Super Hakuto 超級白兔），前一晚決定課金買特急券。
▲683 系サンダーバード（Thunderbird 雷鳥）
▲221 系彩繪車
▲289 系こうのとり（Kounotori 東方白鸛）
▲223 系快速及 321 系普通
▲223 系新快速，企到門邊，課金買特急絕對係明智決定。
https://www.youtube.com/watch?v=iS01kmJJfGQ
▲以上各列車出入站影片
▲前車離去後專心等我的 Super Hakuto
▲主角來了：智頭急行 HOT7000 系，行走 Super Hakuto 由京都往倉吉，途經姫路，完美切合我需要。
▲椅套
▲車內，當時乘客唔多，大阪上一批，三ノ宮又上一批，以中老年人為主。
▲前一晚撳機劃到 1A 位，超廣角前面展望，正到爆。（1A 偏埋一邊，拍攝要坐 1B）
▲沿途遇上對頭車的景象，包括幾班貨列、阪急，以及銀底紅線的キハ(Kiha) 189 系，行走はまかぜ（Hamakaze 濱風），經播但線連接山陰與大阪。
▲Zoom 埋去運転士時刻表
▲大約 65 分鐘車程到達姫路
https://www.youtube.com/watch?v=0uGfULbsah4
▲新大阪至姫路全程影片，撇除停車時間，全長近一小時，係今次旅程最滿意收穫之一。途中停靠大阪、三ノ宮、明石，不停新幹線交匯站西明石。最初運転士係男性，於大阪換成女性。柴油擺式特急行駛電化高速幹線，引擎雄渾有力，車內悠閒舒適，在一眾通勤列車中鶴立雞群，感覺超爽。 本帖最後由 DIH 於 2026-8-7 12:14 編輯
Part 4 尖鼻吉蒂
▲去姫路係為了 Hello Kitty 500 系新幹線。年初買機票時只知此車行到 3 月中，諗住緣慳一面，但後來延至 5 月 17 日last day，我剛好在完結前一星期來到，可以送殯。此程 Pass 唔包，用 SmartEX 買，指定席總價 3,550 円，前一晚在新大阪用機取票。
▲對面月台 N700A 行駛ひかり（Hikari 光）701 号入站
▲廣角
https://www.youtube.com/watch?v=dht3kZm4tVA
▲さくら（Sakura 櫻）742 号通過、Hikari 701 号入站及發車、のぞみ（Nozomi 希望）14 号通過影片
▲萬眾期待，Hello Kitty 500 系行走こだま（Kodama 回聲）942 号入站。
▲列車有指定席亦有自由席，我訂指定席一來為免太墟陷無位坐，二來指定席車廂大致維持 500 系原有內裝風格，我由姫路至西明石坐低拍行車片，西明石開車後入隧道就起身去 Hello Kitty 車廂影相，一程車兩種體驗。
▲指定席座椅
▲扶手杯架
▲車窗及旁板
▲西明石遇見 700 系ひかりレールスター（Hikari Rail Star 光號鐵路之星）行走 Kodama 947 号
https://www.youtube.com/watch?v=6laeZoGPW0k
▲姫路入站及姫路至西明石右側展望影片。1997 年 500 系剛服役時我已經知佢係日本第一款營業速度達 300 km/h 新幹線列車，被其前衞外形深深吸引，但一直無機會搭，臨退役才一支公去送別，當然站站停就唔會上到 300。
▲西明石停車時開始行去 2 号車打卡位及 1 号車賣店
▲車門
▲由 4 号車穿過 3 号車
▲3 号車行李區
▲Poster
▲2 号車打卡區
▲1 号車賣店
▲Sayonara
▲時刻表
▲11:25 抵達新大阪，車程 37 分鐘，唯一一次 Hello Kitty 500 系體驗就此完結。
▲端詳尖鼻
▲成塊顯示板都係粉紅色
▲對面 N700A 入站
▲回頭返博多
https://www.youtube.com/watch?v=llN-ac-Hy5A
▲Hello Kitty 500 系及 N700A 新大阪発車影片
▲唔知點解有張德國羅騰堡 (Rothenburg ob der Tauber) 海報
▲新幹線便當，我去到時已被搶購一空，無買。
▲夜晚補拍新大阪駅新幹線改札口
▲新幹線售票處
▲車票如放入改札機就會收回，特登經有人通道由職員蓋印註銷。
▲部分戰利品 本帖最後由 DIH 於 2026-8-7 12:15 編輯
Part 5 稲荷宇治
https://www.youtube.com/watch?v=MUo4LOKWaJI
▲返房稍息，又影下車。
▲舊年開始儲御朱印，今次特地重訪兩年前去過的伏見稲荷大社及宇治平等院補印。可能有人會認為唔一定要補印，可以善用時間去其他地方，但既然係計劃行程時首先諗到的事，就隨心照做吧。Kansai Area Pass 任搭 Haruka 自由席，有理無理都跳上去過一轉京都。
https://www.youtube.com/watch?v=F7N7RCrg6EE
▲貨列通過新大阪
▲呢班 Haruka 都係 Hello Kitty 塗裝
▲吹田総合車両所的 683 系 Thunderbird（前方藍帶）及しらさぎ（Shirasagi 白鷺；中間藍黃帶）用車，以及 Kiha 189 系。
▲683 系「安寧」編成
▲683 系直流化改造而成的 289 系，深紅色帶行走山陰地區。此外也可以見到灰色的 683 系「悠久」編成一端。
▲Kiha 189 系與塗上 Twilight Express 塗裝的 EF65 1124
https://www.youtube.com/watch?v=K4RQ6OBlT0E
▲Haruka 新大阪至京都全程右側展望影片
▲抵達京都駅，30 號月台為 Haruka 專用，下一站一跳就到新大阪，將來另一邊會延長至山科。
▲関西空港一端附屬編成無 Hello Kitty 塗裝
▲Hello Kitty Haruka 多面睇
▲30 號月台関空特急指示牌
▲小心空隙海報
▲京都景點立體拼畫
▲京都鉄道博物館海報：比起博物館展品，我比較喜歡「活生生」的火車，所以暫時都無興趣去。
▲山陰本線 223 系「森の京都」列車
https://www.youtube.com/watch?v=F3SMC0ayNTo
▲「森の京都」列車開車影片
▲當日山陰本線有事，列車大 delay，月台企滿乘客，表定五分鐘後開車的特急きのさき（Kinosaki 城崎）杳無蹤影。
▲京都駅南北兩側都係「前路不通」的掘頭月台，北側為山陰本線，南側為奈良線。奈良線為應對伏見稲荷大社龐大客量，今年時刻表改正將みやこ路快速（Miyakoji Rapid 都路快速）加停稲荷，可以見車就上。
▲221 系
https://www.youtube.com/watch?v=l-vXxVLrIog
▲京都至稲荷左側展望
▲快閃伏見稲荷大社
▲千本鳥居太多人，唔上去喇。
▲伏見稲荷大社御朱印
▲稲荷駅外的士，其中一部竟然係寶馬，好浮誇。
▲下一程去宇治
▲205 系普通
▲17 分鐘到宇治
https://www.youtube.com/watch?v=R0Ob16-sTJ0
▲稲荷至桃山前面展望
https://www.youtube.com/watch?v=zbVfE4zNaDM
▲黃檗至宇治前面展望及宇治開車
▲宇治駅外觀
▲是日午餐加下午茶
▲再訪平等院
▲平等院兩款御集印
▲去埋河對面宇治神社，但趕唔切攞御朱印。
▲上次見到遠處有條観流橋，未有時間探索，今次行埋過去，上游發電所放出水流非常澎湃。
▲宇治係好有靈性的地方，有多處神社寺院，宇治川貫穿其中，將來有機會再去又可以行入少少。 本帖最後由 DIH 於 2026-8-7 12:17 編輯
Part 6 京阪遊歷
▲遊完宇治後，行去京阪宇治駅。
▲京阪宇治駅內部設計
▲同職員換京阪一日券，係一張磁卡。
▲2012 年投入服務的京阪 13000 系
▲車內有御守
▲輪椅位與車門
https://www.youtube.com/watch?v=t8NWu3hdeOs
▲宇治至中書島前面展望
▲15 分鐘車程到達中書島
▲北行 6000 系入站
▲北行及南行 8000 系入站
https://www.youtube.com/watch?v=1xElBVNKx_k
▲6000 系及 8000 系入站影片
https://www.youtube.com/watch?v=RtUML6Cde3s
▲手上的京阪一日券有效範圍最西至橋本，但特急不停該站，我搭多一個站去樟葉唔出閘。本來只係諗住遊河，但唔醒起已到下繁，以上中書島至樟葉左側展望係成個人貼住車門玻璃影。
▲到達樟葉
▲隔籬月台的 6000 系
https://www.youtube.com/watch?v=OdDWiwP5RJM
▲8000 系及 6000 系出入站影片
▲走返去北行月台。其實可以直接搭到大阪，最多補錢精算了事，但又想用盡張 Pass，所以人地趕返屋企，我選擇回頭搭返去京都。
▲一直好想搭 8000 系上層，點都等到 8000 系先上。
https://www.youtube.com/watch?v=8YBEVyFyVKo
▲北行 2400 系、6000 系開出及 8000 系到站影片
https://www.youtube.com/watch?v=EnC0BprOMlw
▲8000 系樟葉至中書島左側展望
https://www.youtube.com/watch?v=Eijx195xV3M
▲中書島落一批人之後搶佔上層，但窗口位有人坐緊，未拍到片。去到與近鉄轉乘的丹波橋再落一批，終於坐到上層窗口位，拍攝丹波橋至七条左側展望。至於乘車感覺，由於日本車體唔高，上層比一般車廂高半層左右，其實無乜特別，最特別只在於唔使加錢坐到上層。
▲上層座位
▲終點站出町柳
▲8000 系雙層車廂外觀
▲出一出閘，前面的叡山電鉄 2010 年搭過。
▲外面已經天黑 本帖最後由 DIH 於 2026-8-7 12:19 編輯
Part 7 輾轉歸途
▲下一個目標係往河原町搭阪急京都線返大阪，首先坐京阪 3000 系去祇園四条。
▲車內
▲祇園四条
▲祇園四条行去河原町途中
▲河原町駅
▲滿心歡喜去換票
▲問職員先發覺兌換窗口於 17:00 停止服務，只怪自己無做好功課。其實即刻直接嘟卡搭阪急返去都唔會好貴，但抱住用盡 Pass 的心態，腦中即時瘋狂運轉，得出可以搭京阪去東福寺，轉奈良線搭一個站去京都，再駁車返新大阪。
▲於是又走返轉頭去祇園四条
▲北行 9000 系
▲南行 8000 系，特急唔停東福寺，唔搭得。
https://www.youtube.com/watch?v=lrKyIrnbom0
▲兩車開出影片
▲撞彩搭到 2600 系僅餘兩編成之一
▲到達東福寺
https://www.youtube.com/watch?v=TlTGOQuax-4
▲南行 2600 系開出及北行 3000 系通過
▲上面條片臨尾個遊客都係搵路去轉 JR
▲南行 205 系
https://www.youtube.com/watch?v=Rucv3Zl5YoY
▲JR 南行 205 系開出、京阪南行 8000 系通過、JR 北行 205 系入站
▲到京都駅
▲若非之前行了冤枉路，搭完 8000 系直接去京都駅，應該趕得切 Haruka 20:00 尾班車，舒舒服服返酒店，但時機已過，只能搭新快速。
▲683 系 Thunderbird
https://www.youtube.com/watch?v=h9_wzDifZiM
▲Thunderbird 開車
▲好多人搭新快速，企到高槻之後有位坐。
▲21:10 返到新大阪
https://www.youtube.com/watch?v=iA0quRGaOe8
▲高槻至新大阪後半段左側展望及新大阪開出影片
▲再次見到 Super Hakuto
▲食個牛肉飯，非常充實的一天就此完結。
▲最後一晚望呢個鐵路夜景 本帖最後由 DIH 於 2026-8-7 12:21 編輯
Part 8 遙到関空
最後一朝雖然有半日，但唔想出遠門，成朝 hea 下影下車算。
▲御堂筋線
▲新幹線
▲在來線
▲繼續食越式早餐，但改配咖哩飯。
▲新大阪駅南口昭和字體
▲新大阪駅東口
▲683 系「安寧」編成
▲321 系
▲過一過去大阪駅睇藥妝後回程
https://www.youtube.com/watch?v=KKcH3Sohf24
▲剛開車時意會唔到隔籬線普通與我班新快速同時發車，行行下先舉機影。
▲返房影多次 Haruka，之後執行李落樓。
▲搞一搞已經差唔多成個鐘
▲283 系くろしお（Kuroshio 黑潮）
▲221 系
https://www.youtube.com/watch?v=X5bgF_lCvc4
▲新大阪駅各列車出入站影片
▲繼續等 Haruka
▲271 系牽頭
▲行李架
https://www.youtube.com/watch?v=fGtG3kof5TA
▲新大阪至杉本町左側展望
▲離開天王寺後，下一站就係関西空港。通常這時會有點離愁別緒，但當日係去會合好友再上北海道，心情興奮。
https://www.youtube.com/watch?v=0HWebh35nvg
▲津久野至信太山左側展望
https://www.youtube.com/watch?v=t4Zkz_HRM3o
▲和泉府中至久米田左側展望
▲日根野支所
▲12:56 到達関西空港，列車隨後駛入留置線。
▲南海 Rapi:t
https://www.youtube.com/watch?v=1QtWDczMrNE
▲熊取至関西空港左側展望及関西空港進入留置線：過完関空連絡橋後，09:15 突然停車，聽到廣播好似話上一站臨空城有人身事故，上一班車開唔到，所以我地都係唔到站，回想 04:37 經過臨空城時聽到對面線列車大呠。之後廣播話已經處理，13:15 再開，我聽唔明全段日文，咁快搞掂應該唔係大件事。今次好多程車都係影左側，見唔到對面軌道，第時再搭應該揀右側。
▲223 系
▲225 系
▲京都鉄道博物館宣傳海報
▲出閘後，三日 Pass 搭完，鐵膠獨遊亦都完成。
——————————
埋單計數，今次鐵路（不計大阪地下鉄）實際支出
．Kansai Area Pass：5800
．Super Hakuto：1730
．Hello Kitty Shinkansen：3550
＝總數 11080 円
與之相比，若只買 Haruka 單程優惠券，其他個別課金
．Haruka：1800x2 = 3600
．Super Hakuto：1460+1730 = 3190
．Hello Kitty Shinkansen：3550
．JR 新大阪—京都（降級至新快速）、京都—稲荷、稲荷—宇治：580+150+240 = 970
＝去到宇治 11310 円，之後無論我搭 JR、京阪定阪急都係繼續加上去，而且無得屈機搭 Haruka
若買 Kansai Wide Area Pass，行程內所有特急及新幹線全包，全程唔搭私鐵都要 12000 円。
當然，以現時匯率其實 11080 円同 12000 円唔差得好遠，絕對畀得起。只不過我係到埗當晚才決定搭 Super Hakuto，計劃時又雄心壯志諗住瘋狂搭車（實際只支持到一日，第三日淨係想歎酒店），所以買定先，價錢上又的確無蝕。 本帖最後由 DIH 於 2026-8-7 12:22 編輯
Part 9 紀三井寺
小小番外篇，以下係同家人自駕遊，到和歌山紀三井寺的見聞。
https://www.youtube.com/watch?v=ah5hMq0rpGY
▲寺前踏切，火車走後我想撳快門但撳錯停錄 :L
▲紀三井寺始建於 770 年
▲近年為照顧年長信眾，增設無障礙設施，包括 2022 年啟用的登山纜車。
▲大人往復 800 円，中小學生及 70 歲以上長者 400 円。
▲纜車全長 86.98 米，垂直上升 30.80 米。
https://www.youtube.com/watch?v=BkFwZDX50FE
▲撳掣 call 車，技術係纜車，但功能更似斜行升降機。
https://www.youtube.com/watch?v=eS5Tzz42pBA
▲搭纜車上山影片
https://www.youtube.com/watch?v=_HdusIJ3iKc
▲上山後，山下有人撳掣，佢又走返落去。
▲從寺內遠望紀勢本線紀三井寺駅
https://www.youtube.com/watch?v=nZD_ZOZXgJw
▲往和歌山方向列車
https://www.youtube.com/watch?v=Zf9Kad89o_g
▲往海南方向列車
https://www.youtube.com/watch?v=eiwSMJPRNBY
▲叫車上山，可見落山片道收費只係上山三分之一。
https://www.youtube.com/watch?v=7qY2UQxwRLM
▲搭纜車落山
▲踏切上影和歌山方向
▲海南方向
番外篇完結，關西鐵路分享亦到此為止，多謝觀賞。 東海道/山陽本線本身應該比較直，Super Hakuto 行呢段路程，唔知 tilting 感覺明唔明顯？
恭喜樓主搭到 Hello Kitty 新幹線，我自己就無緣去送殯，連下年 500 系全退之前，去唔去到一轉關西，都係一個問題 ...
搭得 500 系指定席，有無諗過劃 6 號車， 可以坐昔日 green car 座位？
最尾埋單計數，如果買 Kansai Wide Area pass，大阪-京都之間，可以搭 Thunderbird 特急，唔知夠唔语夠 cover 約 1000 yen 差價？
頁:
[1]
2