原帖由 64K 於 2008-2-9 13:27 發表 http://hkitalk.net/HKiTalk2/images/common/back.gif
值得留意的是87K的轉乘優惠是西鐵全月通後期才加上
所以用$300的人初頭是無87K免費優惠
不過家陣得返95K同81K有轉乘優惠
取消的確係會影響到客量
但係一架小巴坐滿都係16人
港鐵諗你勁極都唔會少兩三萬客啦 ...
話實我唔好搭巴士......
係葵芳搭69M只係$9.1.........
搭87K轉西鐵綫, 有免費轉乘話$10.7姐....都係貴少少, 快d咁...
不過取消左轉乘之後, 要$10.7+$2.9.....搵鬼搭...total要$13.6.........痴綫架.....搭荃灣綫轉西鐵綫仲死...$13.6...仲要搭倒頭車.....痴綫
港鐵．你我從此痴綫．一路縮骨服務:@
原帖由 AVW56 於 2008-2-9 13:21 發表 http://www.hkitalk.net/HKiTalk2/images/common/back.gif
所以呢, 站在市區居民而言
佢地對前九鐵優惠被取消, 無咩強烈感覺
因為, 佢地好少可用到呢d優惠
但站在新界東及新界西居民的角度
兩鐵合併就絕對不是一件好事
因合併就等如優惠取消
就等如實際車費上調
(不要跟 ...
請問新界東有咩免費轉乘呀？
頂多味大埔幾條只限平日既K巴， 樣就而家合併左都仲健在
至於合併前，當年馬鐵通車，cut K11免費轉乘，焗第一城班人搭馬鐵，仲有尖東站啟用，又係取消K16紅磡至尖東一段，焗全東鐵畀多幾蚊搭去尖東站，呢D「優惠取消」、「實際車費上調」都係合併前既九鐵時代產物，又如何解釋？當年又唔見新界東D人咁多聲氣喎，我唔知應該話新界東D人係順民，定係新界西D人係.....(自己估)
再講，無論合併與否，將來九龍南線通車，K16都好大機會會取消，到時又使唔使嘈下呢？
都係o個句，要怪就怪前九鐵對西鐵好得太過份
原帖由 mckhgc 於 2008-2-9 14:08 發表 http://www.hkitalk.net/HKiTalk2/images/common/back.gif
請問新界東有咩免費轉乘呀？
頂多味大埔幾條只限平日既K巴， 樣就而家合併左都仲健在
至於合併前，當年馬鐵通車，cut K11免費轉乘，焗第一城班人搭馬鐵，仲有尖東站啟用，又係取消K16紅磡至尖東一段，焗全東鐵畀多幾蚊搭去尖東站，呢D「優惠取消」、「實際車費上調」都係合併前既九鐵時代產物，又如何解釋？當年又唔見新界東D人咁多聲氣喎，我唔知應該話新界東D人係順民，定係新界西D人係.....(自己估)
再講，無論合併與否，將來九龍南線通車，K16都好大機會會取消，到時又使唔使嘈下呢？
都係o個句，要怪就怪前九鐵對西鐵好得太過份
首先, 我無講過 "免費轉乘" 呢4個字
我只講過 "轉乘優惠"
東鐵部有咩轉乘優惠?
根據九鐵 GM-MK 07/2007 的單張
總共有17個小巴與東鐵/馬鐵之轉乘組合
煩請閣下自己查清楚先
同埋, 而家已經有好多不利消息
指免費轉乘之K巴將會改為付費, 什至取消
南線通後, K16唔係好大機會取消, 而係必然取消
不過, 區議員就一定會例牌嘈一嘈架喇
可是, 這對K16的取消, 是不可能有任何影響的
原帖由 mckhgc 於 2008-2-9 14:08 發表 http://www.hkitalk.net/HKiTalk2/images/common/back.gif
請問新界東有咩免費轉乘呀？
頂多味大埔幾條只限平日既K巴， 樣就而家合併左都仲健在
至於合併前，當年馬鐵通車，cut K11免費轉乘，焗第一城班人搭馬鐵，仲有尖東站啟用，又係取消K16紅磡至尖東一段，焗全東鐵畀多幾蚊搭去尖東站， ...
以我所知, 大圍以北去尖東比去紅磡/九龍塘係貴約 $3.5, 不過過海的話地鐵一程卻可節省約 $3.5, 即係大約抵銷晒, 加上冇被迫一定要經某個站先可以轉, 所以才沒有反對聲.
原帖由 fcfhkmelb 於 2008-2-9 15:25 發表 http://www.hkitalk.net/HKiTalk2/images/common/back.gif
唔熟新界東唔好亂講，
新界東係兩鐵合併最受惠嘅地方，
新界東搭鐵路嘅乘車組合主要係東鐵+地鐵/隧巴，
用小巴轉乘優惠嘅真係好少，
所以車費表減幾多，大部分新界東鐵路乘客車費就減幾多 ...
OK, 咁當我講錯 一半
但係西鐵呢邊絕對唔係啦
**唔駛因為咁就扣人分下嘩......:L
原帖由 AVW56 於 9/2/2008 08:33 發表 http://www.hkitalk.net/HKiTalk2/images/common/back.gif
所以話呢, d為官者唔知百姓生活困苦就係咁解
如果運吉係咁樣叫人搭西鐵，就唔係佢哋唔明百姓生活困苦
(況且九巴真係平到可以令人唔困苦咩？) ，而係佢哋唔妥你哋唔聽話！
俾我係當權者，見到自己咁辛苦起咗條鐵人哋又唔搭，都火滾喇！
[ 本帖最後由 238X 於 2008-2-9 22:21 編輯 ]
原帖由 ahbong 於 2008-2-9 01:06 發表 http://www.hkitalk.net/HKiTalk2/images/common/back.gif
削減月票吸引力
根本係港鐵一直做緊既事
南線通車月票必取消
而家逐步削月票優惠
讓乘客回復搭一程俾一程的習慣（無論搭巴士定鐵路）
絕對係正確既做法
其實，西鐵線的日票應該會在拆閘機同日起取消，
至於月票在何時取消，仍要視乎港鐵去向。
而 701／702／971，問題不是在港鐵身上這樣簡單，尚有新巴的問題，
由頭到尾總是港鐵與新巴「講唔到數」，唯有直接取消優惠了事。
（無理由港鐵要益比自己既對手？未免太唔合理，不如自己賺左佢好過）
原帖由 virus 於 2008-2-10 04:44 發表 http://www.hkitalk.net/HKiTalk2/images/common/back.gif
敢問閣下有何理據指減費是數字遊戲?
因兩鐵合併而享受中長程/轉乘減費的乘客，難道不及西鐵月票/九鐵日票多?
其實, 早在兩鐵合併後的首幾天
幾份華文報章已大肆報道
指西鐵線收費表車費, 無錯係減左
但係, 如果與居民常用開的月票與日票比較
顯然是貴了不少
仍記得, 當天的報紙, 是以 "數字遊戲" 4字作標題
或者咁講, 天水圍, 大家都知, 一向比人標籤為 "悲情城市"
雖然實施上未致於全town都係悲情, 但係
居民的收入普遍較低, 這卻是事實
為何當年西鐵要搞月票日票呢?......係因為客量低
咁點解會客量低呢? 有鐵路應該好吸引至係wo......唔就腳且車費貴
再加上一個特點, 天水圍居民普遍收入較低
九鐵才特意設月票這回事去搶客
此舉唔多唔少都協助減輕天水圍居民的交通負擔
大家經常話天水圍係悲情城市, 但係政府做過d咩?
反而九鐵最實際, 身體力行出月票
在居民眼中, 這已是最好的協助
但合併後, 眼見優惠被取消, 心中當然是難過
閣下亦不能怪居民(包括小弟)對港鐵的不滿
這純粹是個人的感覺, 眼見被港鐵踩到上心口
已經很難再理性討論港鐵的 "做生意模式"
港鐵要咁做, 誰可以阻止?
唯一可以做的, 相信只是唔搭港鐵
現在, 若非趕時間, 小弟都唔會搭西鐵以節省車費
抱有相同想法的居民為數不少
我只能忠告港鐵一句, 居民可不是水魚
並不一定要搭西鐵的, 煩請港鐵好好檢討一下
做生意時, 唔該立品, 大拿拿捐一百萌元返大陸救災
但協助天水圍貧困居民的小小措施都唔肯繼續
咁有咩好講?
小弟多言了